أسعار القطع دي في حدود كام؟

**muhmado_furp** · 23-11-2013 06:08 PM

المشاركة الأصلية كتبت بواسطة ralliart

بعد لفة كبيرة على بتوع الاستيراد لقيت الاكصدامات تقرف ومنها حاجات مكسورة وملحومة وكله بيتكلم في 1000 جنيه وطالع!!
اشتريت اكصدام تايلندي جديد بـ225 جنيه وهيعمل بأكتر من تمنه ويوم ما يحتاج يترش هفكه واجيب واحد تاني ارخص واريح من الفصال مع تجار الاستيراد على بضاعة مستعملة

كده اشتريت كل حاجة الحمد لله ماعدا فوانيس الشبورة مش عارف اجيب بتاع الاوكتافيا ولا بتاع الاسبيرانزا

بالنسبة للأسعار :
1-اكصدام أمامي (اللي شبكته مدورة) تايلندي 225ج
2-حلية اكصدام أمامي (الحتة الفايبر اللي بتبقى تحت في النص) تايلندي 30ج
3-شاسيه اكصدام أمامي يمين وشمال الاتنين بـ90ج
4-كرتيرة رفرف أمامي يمين تايواني 30 ج
5- كرتيرة رفرف خلفي شمال تايواني 20ج
6- دلايتين خلفي تايواني 30ج
9- فانوسين أمامي سموك ديبو تايواني الواحد بـ260 ج
10-فانوسين خلفي شفاف ديبو تايواني الواحد بـ160 ج

شكرا يافندم علي الاسعار
بس ياتري حضرتك جبتهم منين لاني لسه امبارح واحد راجع ورا ومش بيبص وراه وقام جايب الاكصدام والفانوس بس انا عربيتي 2008 سبورت يعني الاكصدام فيه كساحه فهل القديمة ببتفك وتركب ولا لازم اشتري جديده وحليه الاكصدام دي مش بتيجي معاه وايه الشاسية بتاع الاكصدام ده
وليه حضرتك مجبتش بالمره المصفحه بتاعة العربية من تحت علشان تكون عملت الي عليك وزياده

**Ralliart** · 24-11-2013 01:49 AM

المشاركة الأصلية كتبت بواسطة muhmado_furp

شكرا يافندم علي الاسعار
بس ياتري حضرتك جبتهم منين لاني لسه امبارح واحد راجع ورا ومش بيبص وراه وقام جايب الاكصدام والفانوس بس انا عربيتي 2008 سبورت يعني الاكصدام فيه كساحه فهل القديمة ببتفك وتركب ولا لازم اشتري جديده وحليه الاكصدام دي مش بتيجي معاه وايه الشاسية بتاع الاكصدام ده
وليه حضرتك مجبتش بالمره المصفحه بتاعة العربية من تحت علشان تكون عملت الي عليك وزياده

قدر الله وماشاء فعل
الأسعار دي من عند المنير في شارع فيصل والخواجة في شارع البحر الأعظم وانصحك تشوف الاكصدام التايواني عند الخواجة كان بـ260 تقريباً والكساحة بتتفك وتركب عادي وحلية الاكصدام دي (بيسموها المسطرة) مش عند حضرتك علشان الكساحة بتغطي على مكانها أصلاً
الشاسيه ده اللي هو مسطرتين حديد طوال ورفيعين بيتعلق فيهم الاكصدام الأمامي
ومعرفش المصفحة بتتباع للانسر ولا لأ وبشك في جدواها في حماية الموتور أصلاً دا غير انها هتقع كل شوية وتحك في الاسفلت ووجع دماغ عالفاضي

**muhmado_furp** · 24-11-2013 02:06 AM

المشاركة الأصلية كتبت بواسطة ralliart

قدر الله وماشاء فعل
الأسعار دي من عند المنير في شارع فيصل والخواجة في شارع البحر الأعظم وانصحك تشوف الاكصدام التايواني عند الخواجة كان بـ260 تقريباً والكساحة بتتفك وتركب عادي وحلية الاكصدام دي (بيسموها المسطرة) مش عند حضرتك علشان الكساحة بتغطي على مكانها أصلاً
الشاسيه ده اللي هو مسطرتين حديد طوال ورفيعين بيتعلق فيهم الاكصدام الأمامي
ومعرفش المصفحة بتتباع للانسر ولا لأ وبشك في جدواها في حماية الموتور أصلاً دا غير انها هتقع كل شوية وتحك في الاسفلت ووجع دماغ عالفاضي

ممتاز يابشا واضح اننا جيران
لان دول هما الي بتعامل معاهم برضك او في نطاق حركتي
وان شاء الله تخلص العربية علي خير

**Ralliart** · 24-11-2013 09:51 AM

المشاركة الأصلية كتبت بواسطة muhmado_furp

ممتاز يابشا واضح اننا جيران
لان دول هما الي بتعامل معاهم برضك او في نطاق حركتي
وان شاء الله تخلص العربية علي خير

يا باشا دا يشرفني
نسيت اقولك أهم حاجة الكشاف تجيبه ديبو من عند المنير ومتجبش أي نوع تاني علشان الشركة دي عالمية وحاجتهم بنفس نضافة الأصلي بالظبط

**muhmado_furp** · 24-11-2013 03:25 PM

المشاركة الأصلية كتبت بواسطة ralliart

يا باشا دا يشرفني
نسيت اقولك أهم حاجة الكشاف تجيبه ديبو من عند المنير ومتجبش أي نوع تاني علشان الشركة دي عالمية وحاجتهم بنفس نضافة الأصلي بالظبط

ربنا يكرمك ويعزك
بس انت متأكد من المنير بيجيب حاجات كويسه للدرجة دي
لان ايام الانوس جبت حساس علي انه أصلي وطلع نص كم بعد كده

**Ralliart** · 24-11-2013 08:58 PM

المشاركة الأصلية كتبت بواسطة muhmado_furp

ربنا يكرمك ويعزك
بس انت متأكد من المنير بيجيب حاجات كويسه للدرجة دي
لان ايام الانوس جبت حساس علي انه أصلي وطلع نص كم بعد كده

الله أعلم بالنوايا أنا مبجبش قطع ميكانيكا وعفشة غير أصلي فقط لأن المضروب كتير جداً وعمره بيفرق فعلاً
بس الفانوس أنا مجربه وصمد في طرق مصر 3 سنين ومستحيل تفرقه عن الأصلي وشركة ديبو ليها سمعة في العالم كله في مجال الفوانيس والفوانيس المتعدلة لكل أنواع العربيات