أسعار القطع دي في حدود كام؟

**Ralliart** · 16-11-2013 03:01 PM

أنا في مرحلة شد العربية (بومة 2006) وعايز اجيب حبة حاجات وعايز اعرف أسعار الحاجات دي كام استيراد وجديد ويفضل اجيب استيراد بأسعاره المبالغ فيها ولا اجيب تايواني عادي؟

دي القطع المطلوبة :
1-اكصدام أمامي (اللي شبكته مدورة)
2-حلية اكصدام أمامي (الحتة الفايبر اللي بتبقى تحت في النص)
3-شاسيه اكصدام أمامي يمين وشمال
4- كلبس اكصدام أمامي
5-كرتيرة رفرف أمامي يمين
6- كرتيرة رفرف خلفي شمال
7- دلاية خلفي شمال
8- فانوسين أمامي سموك
9-فانوسين خلفي شفاف
10-فانوسين شبورة (مش عارف اجيب بتاع اوكتافيا ولا اسبيرانزا ولا سيفيك ولا الانترا؟)
11- برابريز امامي وده متشلفط وكله شروخ ملحومة ومتغيرش من الفبريكة ومش عايز اجيب المضروب علشان بيتخربش جامد ،وفي التوكيل القديم بتاع قليوب تمنه زي ازاز المرسيدس بالظبط ! معرفش حد بيبيع الأصلي بره ولا لأ؟

بالنسبة لمكان الشراء انا قريب مني في الجديد المنير بتاع فيصل والسرساوي بتاع الدقي(بس غالي) وفي الاستيراد سوسو بتاع المريوطية وممكن أضغط على نفسي واروح الحرفيين بس لو حد يعرف واحد كويس وأسعاره مش مبالغ فيها علشان انا ضربت المشوار ده كتير وعمري مشتريت من هناك حاجة غير لما بيتضحك عليا فيها

وشكراً.....

**m.elsherif** · 16-11-2013 03:55 PM

فى واحد فى فم الخليج عند مطلع كوبرى الطيبى بيبيع استيراد اسمه الشركة الفنيه ، هو بصراحة راجل غتت و مبينزلش جنيه بس بصراحة حاجته نضيفة

**Ralliart** · 16-11-2013 04:26 PM

المشاركة الأصلية كتبت بواسطة m.elsherif

فى واحد فى فم الخليج عند مطلع كوبرى الطيبى بيبيع استيراد اسمه الشركة الفنيه ، هو بصراحة راجل غتت و مبينزلش جنيه بس بصراحة حاجته نضيفة

شكراً لردك..
متعرفش رينج الأسعار كام علشان انا معرفش أي حاجة عن أسعار الحاجات دي ومش عايز يتضحك عليا

**mahmoud85** · 17-11-2013 10:02 PM

الفانوس الخلفي تايواني ب 170

**salah_86** · 18-11-2013 12:37 AM

انا هرد عليك فى اللى اعرفه
الفوانيس
الديبو الاسموك الواحد ب210 ودول تيوانى
بالنسبة للزجاج انا غيرتة فى دكتور جريش فى العاشر ب385 وممتاز جدا لانى سالت على الاصلى لقيتة ب 2100 غير الضريبة وتمن السيلكون

**Ralliart** · 18-11-2013 03:29 AM

المشاركة الأصلية كتبت بواسطة mahmoud85

الفانوس الخلفي تايواني ب 170

المشاركة الأصلية كتبت بواسطة salah_86

انا هرد عليك فى اللى اعرفه
الفوانيس
الديبو الاسموك الواحد ب210 ودول تيوانى
بالنسبة للزجاج انا غيرتة فى دكتور جريش فى العاشر ب385 وممتاز جدا لانى سالت على الاصلى لقيتة ب 2100 غير الضريبة وتمن السيلكون

شكراً على الردود
أسعار الفوانيس حلوة جداً بالنسبة للأسعار الخزعبلية بتاعت الأصلي والاستيراد وأنا عارف ان ديبو ماركة محترمة

كل اللي مخوفني هو الحاجات الفايبر (الاكصدام والكرتيرات) مش عارف التايواني هيكون ناشف وهيتكسر بسرعة ولا لأ والكرتيرات مقدور على سعرها أصلي انما الاكصدام في التوكيل سعره أكتر من تمن رش العربية كلها !!

**m.elsherif** · 18-11-2013 09:09 AM

اعتقد ان انت كدة تجيب الفوانيس ديبو والزجاج ان سألت عند الحاجة بعد الفصال ب ٣٥٠ جنيه و الكارتيرات و للدلايات هاتها عادى من السوق اما الاكصدامات لا تتنازل انك تجيبها استيراد عشان الفرق كبير جدا مابين الاصلى و التايوانى او الصينى

**Ralliart** · 20-11-2013 03:55 PM

المشاركة الأصلية كتبت بواسطة m.elsherif

اعتقد ان انت كدة تجيب الفوانيس ديبو والزجاج ان سألت عند الحاجة بعد الفصال ب ٣٥٠ جنيه و الكارتيرات و للدلايات هاتها عادى من السوق اما الاكصدامات لا تتنازل انك تجيبها استيراد عشان الفرق كبير جدا مابين الاصلى و التايوانى او الصينى

شكراً على نصيحتك بس متعرفش الاكصدام يعمل في حدود كام بالكليبس والشاسيهات بتوعه ؟

**m.elsherif** · 20-11-2013 04:10 PM

المشاركة الأصلية كتبت بواسطة ralliart

شكراً على نصيحتك بس متعرفش الاكصدام يعمل في حدود كام بالكليبس والشاسيهات بتوعه ؟

والله لأسف نعرفش الاسعار بس خد النمر دى اسأل عندهم
الشركة الفنية 01220888560
رضا الحرفيين 01118583318

**Ralliart** · 23-11-2013 04:25 PM

بعد لفة كبيرة على بتوع الاستيراد لقيت الاكصدامات تقرف ومنها حاجات مكسورة وملحومة وكله بيتكلم في 1000 جنيه وطالع!!
اشتريت اكصدام تايلندي جديد بـ225 جنيه وهيعمل بأكتر من تمنه ويوم ما يحتاج يترش هفكه واجيب واحد تاني ارخص واريح من الفصال مع تجار الاستيراد على بضاعة مستعملة

كده اشتريت كل حاجة الحمد لله ماعدا فوانيس الشبورة مش عارف اجيب بتاع الاوكتافيا ولا بتاع الاسبيرانزا

بالنسبة للأسعار :
1-اكصدام أمامي (اللي شبكته مدورة) تايلندي 225ج
2-حلية اكصدام أمامي (الحتة الفايبر اللي بتبقى تحت في النص) تايلندي 30ج
3-شاسيه اكصدام أمامي يمين وشمال الاتنين بـ90ج
4-كرتيرة رفرف أمامي يمين تايواني 30 ج
5- كرتيرة رفرف خلفي شمال تايواني 20ج
6- دلايتين خلفي تايواني 30ج
9- فانوسين أمامي سموك ديبو تايواني الواحد بـ260 ج
10-فانوسين خلفي شفاف ديبو تايواني الواحد بـ160 ج