ازاي بتشغل عربيتك اللانوس

**elhamy80** · 23-11-2013 01:30 PM

المشاركة الأصلية كتبت بواسطة ahmedsamy90

يا جماعة الخمسة تن تن تن تن تن لما بتكون مدور من غير ماتحط الحزام .......... لا كن الطرمبة مابتعملش تنتنة خالص هي ليه صوت زنة ضعيفة ...... يعني تحط المفتاح على on وتسيبها ثانيتين تلاتة وتدور ده أفضل

انا طول عمرى عارف ان تن تن تن ده بتاعه طلمبه البنزين يعنى كل ده واناعايش مخدوع اتصدق هجربها انهارده وانا مروح

**مدحت** · 23-11-2013 08:05 PM

الجرس بتاع حزام الامان وجرب ضع الحزام قبل ماتحت المفتاح هتلاقى الجرس بعدالمفتاح مش هينطق

**AHMADALY1999** · 23-11-2013 09:25 PM

لا داعى للانتظار ......... لا يوجد بدليل المستخدم اى تنبيه
فعلا الصوت خاص بالحزام ........... و جرب حط الحزام قبل ما تدور .......... مش حتسمع تن
و انا بدور على طول من 11 سنة و 265 الف كم

و فعلا بدوس دبرياج لاطالة عمر المارش و البطارية

**a7medsh3rawi** · 24-11-2013 01:46 AM

كان عندى اكسيل قبل اللانوس ما ينفعش تدورها غير وانت دايس دبرياج وعرفت بعدها انها بتخف الحمل من على المارش والبطاريه
أما بخصوص التدوير تفتح الكونتاك وتستنى 3 او 4 ثوانى وتدور علشان تحضر الطرمبه للبنزين والحساسات للكمبيوتر ودا أفضل بكتير

ملحوظه :
لو عندك وقت او مستنى حد يجى معاك يفضل انك تسيب الموتور يسخن شويه ما تقلش عن 3 دقايق

**عصام غنايم** · 24-11-2013 02:47 AM

الطريقه الصحيحه لتدوير وأستخدام السياره وهى بارده بأذن الله

اهم حاجه تدوس دبرياج وانت بتدور

هتفتح الكونتاك وتستنى 5 ثوانى وتدور العربيه ( وده الزمن الكافى للطرمبه للوصول للضغط المناسب داخل دورة البنزين ) و ( اكتر من كده غلط على الموبينه )

بعد كده هتستنى مدة 30 ثانيه ( ده لو العربيه بارده تماما ) وبعدين تبدئ تتحرك بالعربيه على سرعة لفات محرك معتدله وبدون قرص على الموتور او على الغيرات لمدة 3 دقايق

بعد كده استخدم العربيه عادى جدا

هام جدا
احذر من تسخين السياره لفتره طويله

من اكتر الحاجات اللى بتئذى الموتور انه يقف على السلانسيه مده كبيره ( استهلاك بنزين عالى وتأكل فى قلب الموتور ودايرة العادم مما يسبب تلف اسرع وقصر عمر الموتور ودايرة العادم )

ولو تلاحظوا ان شركات العربيات ابتدت تحط نظام يطفى العربيه اتوماتيكيا لو وقفت على السلانسيه اكتر من 30 ثانيه

مما يؤكد كلامى

تقبلوا تحياتى

**MMamdouh** · 24-11-2013 11:31 AM

المشاركة الأصلية كتبت بواسطة ekotta

طبيعي لازم تستني انتهاء صوت الانذار المتقطع تن تن تن تن تن
لان ده معناه ان طرمبه البنزين بتتحضر للضخ
وانه جاري ظبط كميه البنزين للرشاشات ..

فطبيعي جدا ان تنتظر

ألانذار دة ملوش اى علاقة بالطلمبة... دة عشان انت بتدور و انت مش رابط الحزام... لو ربطت الحزام مش هيطلع صوت اساسا

MMamdouh