الموضوع: بخصوص الماية الخضرا

المشاركة الأصلية كتبت بواسطة never mind

انا عندى اسكودا اوكتافيا موديل 98 كنت قبل كده حطيت في العربية ماية خضرا...بس بعد كده حصلت مشكلة عندى ان العربية بتسخن بسرعه وكده عرفنا ان المشكلة ان انبوبة الماية كانت بتنقط وصلحناها دلوقتى احنا بنستخدم ماية عادية وكل يوم الصبح بطمن ع الماية واشوفها عند الماكس ومستوى الزيت بتاكد منه قبل ما اخرج المهم بقى دلوقتى ارجع احط ماية انهى احسن الخضرا ولا الحمرا ...وكمان اسحب الماية ازاى من الردياتير ولا اسيب الميكانيكى ف البنزينه يسحبها ويحط الماية الجديده والماية ديه بخففها ولا لا ؟؟وانهى افضل نوع عشان قبل كده اشتريت ماية خضرا ب 20 جنيه كده مش عارفه ده نوع حلو ولا مضروب

حاولى فى اقرب فرصة تنزلى مية الحنفية دى وتغسلى الدورة وتحطى مية حمرا بتركيز 33 % هتروح اى بنزينة موبيل او شل وهتجيبى مية حمرا اسمها هيبو من بتوع قطع الغيار الاسكودا والنوع ده المانى وبتخفف بمية مقطرة انا عن نفسى بستخدم حاليا توتال البرتقالى وتركيزها 33 % وخلى بالك ان انواع المية الرخيصة دى بتبوظ الموتور ووش السلندر وحضرتك معاكى اوكتافيا ولا فليشيا وش اوكتافيا؟؟؟؟؟؟؟

المشاركة الأصلية كتبت بواسطة mohamed abd el shafy

هات الجركن السعودى اللى هو مدور كده وتلاقيه ب 25 جنية ومطبوع عليه الكتابة بدون ورق
ونسبة التركيز 40% وهو يعتبر افضل وارخص مياه

الجركن السعودى اللى حضرتك بتقول عليه ده سىء جدا جدا وياريت محدش يستخدمه لانه عبارة عن مية ومحطوط عليها لون وانا بنفسى جبته قبل كده ومقعدش ونزلتها لانها عملت لون صبغة خضرا على المواسير

المشاركة الأصلية كتبت بواسطة mohamed abd el shafy

بلاش ميه خضرا من البنزبنة عشان بتكون معظمها مغشوشة وغاليه وتركيزها 20%
هاتوا السعودى تركيز 40% شغاله ممتازة وابعد عن المصرى

مية موبيل الخضرا مش مغشوشة بس غالية حبتين لان الجركن 4 لتر عامل 85 جنيه ... نوعين من المية متحطهمش فالعربية المصرى والسعودى