كنت عاوز اغير زيت الفتيس للسيراتو
الفتيس القديم ال 4 سرعات
كل الناس بتقول هات mobil1 Dot 4
لما بدور على الزيت دا مش بلاقيه
يا ريت اللى غير الزيت يقولنا اسمه ايه او شكله ايه
و هى بتاخد كام لتر ؟
وهل بغير معاها فلتر زيت الفتيس ؟
شكرا
عرض للطباعة
كنت عاوز اغير زيت الفتيس للسيراتو
الفتيس القديم ال 4 سرعات
كل الناس بتقول هات mobil1 Dot 4
لما بدور على الزيت دا مش بلاقيه
يا ريت اللى غير الزيت يقولنا اسمه ايه او شكله ايه
و هى بتاخد كام لتر ؟
وهل بغير معاها فلتر زيت الفتيس ؟
شكرا
-dot ده بتاع الفرامل
-الفتيس ال 4 سرعات المواصفات atf sp3
أولاً زيت الموبيل mobil1 Dot 4 دا زيت فرامل يا باشا,,
مين الناس اللي قالت لك تحطة في الفتيس ؟
عربيتك لو الفتيس القديم ال 4 سرعات هتحتاج زيت Kia SP-III وسعرة حوالي 90 ل 100 جنيه,
والعلبة الأصلية لونها أزرق بتاعت كيا,
فيه زيوت تانية بديلة ممكن تحطها زي Valvoline Maxlife ATF
و LiquiMoly Top Tec 1200 ATF
والفرق هيبقي حوالي 10 جنيه ل 20 جنيه ما بينهم وما بين الأصلي, فأفضل لك تجيب الأصلي,,
وممكن برضه تحط له sp 4 بتاع الفتيس ال 6 نقلات الجديد, لأن الزيت الجديد compatible مع القديم,
العربية بتاخد حوالي 6 لتر,, لكن اللي بيتغير بيبقي حوالي 3 لتر بس
والفلتر لو معندكش مشاكل أو تنتيش في الغيارات يبقي تغيرة علي الصيانة الجاية علي 100 أو 120 ألف,
أما لو الفتيس بدأ يعمل مشكلة الفالف بادي معاك هتغير الفلتر في الصيانة دي,
بالتوفيق.
الشكر لله.
متابع باهتمام لاني في نفس قصتك بالظبط
معايا سيراتو 2011 الفتيس الجديد خليجي و عامله 51000 كيلو
نعمل ايه نغير دلوقتي و لا علي ال100000 و نوع الزيت اللي هانغيره ايه
توكيل كيا كان قايل تغير زيت الفتيس الجديد ال 6 سرعات هوا كل 80 ألف كيلو,, وهتلاقي مكتوب في الكتالوج كل 100 ألف كيلو,
بس طبعاً ظروف التشغيل عندنا في مصر من الزحمة وكتر المطبات والحفر وأن معظم السواقة مش طرق محترمة ولازم تهدي 20 ل 30 مرة في شارع واحد دي بتهلك الزيت بسرعة وبينزل أسود.
ونوع الزيت بالنسبة للفتيس ال 6 سرعات هوا kia sp-4
لا تعليق.!! :grinder::grinder:
أنت بتقول كلام وبترد علي نفسك وأنت بتناقضه ؟؟
وهيا ظروف السواقة في مصر ظروف عادية ومش شاقة.؟
أحب أوضح لك إن مفيش زيت في الدنيا Lifetime أو لا يتم تغييرة,
كل الزيت بتفقد لزوجتها بعدد ساعات التشغيل, وحتي لو الزيت فضل في العربية 3 سنين وممشيتش عليهم 10 الأف كيلو بيفقد خواصه,
في الأوروبي مثلاً مش مكتوب يتم تغيرة علي 100 ألف كيلو في ظل ظروق القيادة الشاقة, بيتكتب إن الفتيس Sealed for life يعني مش بيتزود له زيت ولا بيتغير له زيت,,!
وبيكون مكتوب برضه أن الزيت تزوده علي 60 ألف لو حصل نقص فقط,
بس اللي بيجي يزود الزيت بيلاقي الزيت محروق وفاقد لزوجته وبقي عامل زي المية,,
والكلام دا في كوري وأوربي,,
ودي بتبقي أسبب بدء النتشة إن الزيت فقط خواصه,
أو بدء يضر بالفالف بادي بسبب أنو بقي خفيف وبدء يعمل رايش من الأحتكاك الدائم من التروس داخل الفتيس.
نفس الكلام في الكوري,,
وخد دا مثال فيه عينة من لون الزيت اللي مفروض يتغير ويكون في الفتيس, وعينة من الزيت اللي نازل منه وقت التغيير,
http://www.nilemotors.net/Nile/3874990107-post10.html
ودا الموضوع كامل,
www.nilemotors.net/Nile/355901-a.html
المهم حضرتك لو مش عايز تغيرة دي حاجة ترجع لك,, :-) بس متقولش إن الزيت لا يتم تغييرة.!!
ومتبقاش تزعل لما العربية تجيب منك valve body بسبب فقدان الزيت لزوجته وأتحرق وأنت مشيت عليه,
وعمل رايش في الفتيس قصف عمر الفالف بادي والكلاتشات والفتيس كله.
بالتوفيق.
انا مبردش على نفسى
الكلام واضح
وسهل الفهم
وبسيط
ونعيد تانى
الكتالوج وليس انا
بيقول ان
زيت الفتيس الست سرعات
لا يتم تغييرة فى ظل ظروف القيادة العادية ....... وكتالوج الشركةالمصنعه هو الى بيقول مش انا
ونظرا لان ظروف القيادة العادية مش متوافرة فى مصر
وعلية فى حالة القيادة الشاقة ..... بردة الكتالوج هو الى بيقول
يتم تغييرة
عند 100 الف كيلو متر
دة كلام كتالوج الشركةالمصنعه
ولكن لا يصل الامر لنصب الوكيل بأن يتم تغيير الزيت عن 40 الف كيلو او 80 الف كيلو
طالما كتالوج الشركة المصنعه بيقول ان تغيير الزيت فى حالة القياده الشاقة يكون عند 100 الف كيلو
اما الى يحب قبل كدة او بعد كدة فدى حرية شخصية
وبالنسبالى انا ماشى فى صيانه عربيتى على الكتالوج
وإن شاء الله هغير زيت الفتيس اذا كان ليا عمر ولعربيتى عمر على 100 الف كيلو
بص يا باشا عشان متلخبطش نفسك,,
لو قريت المشاركات اللي فاتت هتلاقي أنك بتكرر نفس الكلام اللي أنا كنت قايله.!! :-)
أنا قلت
ولو حد غير الزيت علي 80 ألف مش معني كدا التوكيل بينصب,
لأن ظروف القيادة في مصر شاقة, وشاقة جداً بسبب كترة المطبات والتحميل الدائم علي الفتيس بعد ما تقف وتطلع كل شوية,,
والمشي الدائم في الزحمة بيهلك الزيت بسرعة علي عكس اللي بيمسك خد مفتوح وكله مشيه بالعربية سفر دا يغير علي 100 ألف لو عايز من غير مشاكل, ودا صعب يتحقق في مصر.!
وكمان المعلومة التانية اللي عندك لبس فيها وبتقول إن التوكيل بينصب وبيغير الزيت علي 40.!
الزيت اللي بيتغير علي 60 دا بتاع الفتيس ال 4 سرعات مش بتاعك,,!!اقتباس:
ولكن لا يصل الامر لنصب الوكيل بأن يتم تغيير الزيت عن 40 الف كيلو او 80 الف كيلو
ومحدش قال هنا في الموضوع إن الزيت يتغير علي 40 ألف,!!! :O_stupid[1]:
بالنسبة لموضوع الكارينز دا فيه نصيحة وأنت حر تاخد بيها أو متاخدش,,
يعني التوكيل مش بينصب ولا بيلزمك بدا,,
وأنا مش تبع توكيل كيا بالمناسبة, :-)
أنا هديك مثال تاني أقرب, ودي تجربة شخصية,,
أنا غيرت زيت فتيس عربيتي علي 40 ألف وكان نازل أسود محروق وزي المية بدون مبالغة ومفهوش أي لزوجة,, وكانت بدأت تظهر معايا النتشة بتاعت التاني,,
لو كنت عملت زي مانت بتفكر وأستنيت ل 60 ألف أو مغيرتوش خالص لأن ""الكتالوج"" بيقول إن الزيت مش بيتغير ولكن بيتزود بس,,
كان الزيت القديم هيعمل رايش وكنت هياكل الفالف بادي والكلاتشات لأن الزيت كان أسود ومية,,
لو عايز مثال تالت,, دي عربية عدي علي الزيت فيها 3 سنين وكانت عاملة 45 ألف كيلو بس,
والزيت لزوجته كانت راحت وبدأ يعمل رايش,
http://www.nilemotors.net/Nile/376054-2010.html
أبقي أقري الموضوع دا وشوف كدا الأعراض بتاعت المشكلة كانت عاملة أزاي, وهل ساعتها هيبقي صح أنك تفكر وتقول الكتالوج بيقولي أستني ل 60 و 100 ألف أو مغيرش الزيت خالص لو ظرف التشغيل مش شاقة.!!
مفيش حاجة أسمها الزيت "لا يتم تغييرة فى ظل ظروف القيادة العادية "
الزيت ليه لزوجه بتروح بعدد ساعات التشغيل حتي لو العربية واقفة في زحام,,
وبالكليومترات اللي العربية بتمشيها,,
....*ومعلومة جانبية ومهمة عشان تفهم ليه الكتالوج بيكتب الزيت مش بيتغير,
بيكتبر كدا عشان يقللو الضريبة اللي بيدفعها المصنع (automaker) عن كل عربية بينتجها هتحتاج service intervals وأهلاك تغيير زيت فيه ضرر للبيئة,
في الأوروبي بيكتبو إن الفتيس Sealed for life يعني لا بيتزود ولا بينقص,
عندك كاتبين "لا يتم تغييرة فى ظل ظروف القيادة العادية " ودا طبعاً هري لأن مفيش حاجة أسمها كدا,, حتي لو أفترضنا أن ظروف تشغيلك كلها طريق سريع الزيت هيتحرق وهيفقد لزوجته وخواصة وهيحتاج يتغير,,
حبيت بس أعرفك إن مش دايماً كلام الكتالوج صح,,
وطبعاً أنت حر تغيرة بدري أو علي 100 ألف,, أحنا بنقول اللي نعرفه ومن واقع التجربة,
ولو لينا عمر أبقي شوف الزيت هينزل عامل أزاي علي 100 ألف,,
وأبقي عرفنا رأيك برد في الموضوع دا,, وأحكيلنا تجربتك مع تغيرة,
أتمني أني أكون أفدتك وفهمتك هما ليه بيكتبو كدا في الكتالوج وتقدر تعمل فيها سيرش بنفسك,
بالتوفيق.
زيت الأربعة غيار كل ٤٠ الف وزيت الستة غيار كل ١٠٠ الف
ونوع الزيت مختلف يعني زيت الستة ممكن بتحط لأربعة لكن العكس لا ..
انا معايا اكسنت2012 بردوا في الكتالوج بيتغير الزيت في الخدمه الشاقه علي 100000 الف كيلو لكن لما سالت في التوكيل قالي يا 40000 الف يااو 3 سنين ايهما اقرب لاني انا استهلاكي بسيط للعربيه يعني عايز علي الاقل 5 سنيين علشان اجيب 40000 فقالي 3 سنين علي زيت الفتيس ويتغير وشكرا
لو قريت كلامي صح هتلاقيني كاتب بالنص,
"العربية بتاخد حوالي 6 لتر,, لكن اللي بيتغير بيبقي حوالي 3 لتر بس,, "
وال 3 لتر دول بيتغيرو لو الزيت نازل مش ناقص ومن غير تغير فلتر,
وهيبقو 3.5 ل 4 لتر لو أتغير فلتر معاهم,, أو حتي لو الزيت نازل ناقص من غير تغير فلتر,,
وتصحيح لمعلومة حضرتك,, حوار الفتيس بياخد 6 إلي 7 لتر دا حقيقي لو غيرت كل الزيت اللي في الفتيس,
ودا صعب إلا عن طريق جهاز تدور الزيت داخل الفتيس,, لكن فيه ناس كتير بتعمله,
ودي صورة من الكتالوج,,
فيها الفتيس بياخد كام لتر زيت, ونوع الزيت,,
http://img843.imageshack.us/img843/4958/8u3r.png
وطبعاً لما أحنا بنغير 3 أو 4 بس بعد ما بفتح الطبة وبينزل 3 لتر,
واللي بنحطة جديد بيتخلطو علي 3 لتر اللي جوا في قربة الفتيس ولونهم أسود ومحروقين,
عشان كدا الغيار التاني لزيت الفتيس لازم يكون علي فترة أقل,
حوالي 30 ألف كيلو بالنسبة للفتيس ال 4 سرعات,,
وحوالي 50 إلي 60 ألف بالنسبة للفتيس الجديد ال 6 سرعات,,
وطبعاً كل واحد حر يغير أو ميغيرش علي الفترات دي,,!!
عشان محدش يقول أننا بننصح بتغير الزيت بدري,
بس اللي ربنا يديه العمر ويروح يغير الزيت ويشوف لونه وهوا نازل قدامه,,
لما تشوف لون الزيت اللي هيتحط أحمر وردي,, واللي نازل هيبقي أسود ومحروق وتعرف من الفني أو من الكتالوج إن الفتيس بياخد 6.8 لتر واللي هينزلك 3 لتر بس,
هتعرف ساعتها إن فيه 3 لتر قاعدين جوا في القربة وطبعاً بنفس لون الزيت المحروق ولزوجتهم رايحة خالص وأشبه بالمية,,
يعني لما تغير 3 أو 4 لتر بس, هتاخد نص الكفائة اللي مفروض تاخدها من غيار الزيت لأنه هيتخلط علي الزيت اللي جوا الفتيس,,
تعديل أخير لمعلومة حضرتك, نوع الزيت SP-iii مش atf :Zb_sor1[1]:
atf يعني Automatic Transmission Fluid :oops2:
يعني بالعربية زيت الفتيس الأوتوماتيك, ودا مش أسم الزيت ولا نوعه,,
يعني لما تروح تشتري الزيت مش هينفع تقول للبايع أنا عايز زيت atf
لأن atf معناها زيت الفتيس الأوتوماتيك في العموم وممكن البايع يديك حاجة غلط مش لفتيسك طالما أنت محددتش نوع الزيت,,
ولازم تقول أنا عايز زيت فتيس أوتوماتيك نوع sp-iii ولا sp-4 وهكذا.
بالتوفيق,
يا جماعه انا اتصلت بالتوكيل و قالي ان زيت الفتيس الـ6 سرعات بيتغير علي 80000 كيلو
و الله الموفق و المستعان
هي 80000 تعتبرفعلا حل وسط وعشان ظروف القياده الشاقه في مصر.
شكرا على النقاش المفيد.
انتا ليه بتتكلم بافش كده
احنا لزمتنا أن اللي معاه معلومة زيادة يفيد بيها التاني
الزيت اسمه كتبته ناقص وهوا spirax atf وده الزيت اللي بيتغير ف التوكيل ...الأربعة غيار ... معلومة تدوير الزيت دي بقا اللي غريبة لان المفروض الكارتيرة دي اوطي نقطة يعني لو فيه اي زيت لازم ينزل زيه ذي زيت الماتور
وارد يكون كلامك صح بس التوكيل نفسه مبيعملش تدوير لسبعة لتر زي مبتقول واصلا مبيغيرش الفلتر
أنا مش قافش ولا حاجة,, أنا بس بوضح لك النقط اللي أعرفها ومتأكد منها,
وأكيد أحنا كلنا هنا عشان نفيد بعض, :tumb:
بالنسبة لقصة أن الكارتيرة أوطي نقطة, وأفتراضك بأن الزيت هينزل منها لأنها أوطي نقطة فادا مع أحترامي الشخصي ليك عشان متفكرنيش قافش بس أفتراض خاطئ,,
لأنك لما تروح تغير الزيت إن شاء الله وتفط الطبة اللي في كارتيرة الزيت هينزل لك 3 إلي 3.5 لتر زيت فتيس فقط,,
وصورة الكتالوج اللي جبتها لك بتوضح أن الفتيس بياخد حوالي 7 لتر,
http://img843.imageshack.us/img843/4958/8u3r.png
طيب ال 3.5 لتر التانين, أو ال 4 لتر التانين لو نزلك 3 لتر بس راحو فين ؟؟؟؟
الفتيس أكلهم ؟؟؟ ومش بتكلم بقفش عشان متفهمنيش غلط تاني,, :oho:
الموضوع ببساطة إن ال 3 إلي 4 لتر التانين بيكونو بايتين جوا القربة,,
ودي ما بين الفتيس والموتور واللي بالعربي أسمها محول العزم,,
ولون الزيت اللي هتشوفه نازل قدامك لما تغير زيت, هيبقي هوا هوا نفس الزيت اللي موجود جواها اللي هوا أسود محروق,,
عشان كدا ينصح بأنك تغير الزيت تاني مرة علي فترات أقرب لأنك هتخلط نص كمية زيت جديد لونه أحمر وردي, علي نص كمية زيت قديم لونة أسود ومحروق,,
الكلام دا كله نصيحة أخوية ليك لمصلحتك,, وأنك ليك الحرية في أنك تاخد بيه أو متاخدش,
يعني لو حابب تقنع نفسك بإن الكارتيرة هينزلك منها كل الزيت دي حاجة ترجع لك,,!!
لما تيجي تغير زيت علي الطبيعية وتكون مع واحد فني فاهم,
هتعرف معني الكلام اللي كنت بشرحهولك دلوقتي وباخد وقت في أني أكتبهولك.
تحياتي لك,
والسعة الكلية للزيت اللي بياخده الفتيس تاني أهي تحت خانة volume
ولما تيجي تغير زيت أبقي شوف هينزلك نفس الرقم دا ولا أقل,,
http://img843.imageshack.us/img843/4958/8u3r.png
ومعلومة تدوير الزيت اللي قلتهالك دي معلومة حقيقة بس مش كلها بيعملها,
والزيت اللي أسمه spirax atf دا برضه مش محدد هوا لفتيس أيه,
spirax زي Diamond زي SK
المهم تشوف هوا SP-iii ولا SP-4 دا النوع
بالتوفيق.
SpirX is sp3اقتباس:
المشاركة الأصلية كتبت بواسطة Ahsp3 الفايس 875306742
الفتيس الأربعة مش محتاج ال sp4 ..
بس زي مقلتلك مش هيقول لا لو اتحطله sp4 اكيد احسنله بس انت مش هتستفيد منه غير أنه أغلى مرتين ضعف بس
موضوع تدوير او تغير السبعة لتر تقصد بيه هاف فلش على مرتين متساويين للوصول إلى مرحلة يكون الزيت الموجود انضف مايكون .. بس بردو انا بشبها ليك بزيت الموتور .. الطبيعي أنه ينزل لونه مقود لأنه لو منزلش كده يبقى مقمش بدوره ..
اخيرا والاهم أن التوكيل عامل ضمان خمس سنين ضمان اولى بيه يخاف أنه يغير نصهم ك بس ويعمل فول فلاش ..في حين أنه بيدور على أي مصلحة ياخد بيها فلوس .. للعلم بردو التوكيل مبيغيرش الفلتر لو مفيش مشكلة بس انا ناوي اغيره .
لعلمك فيه ناس راكبة سيراتو كسرو ال ١٢٠ الف ومغيروش الزيت لغايط دلوقتي وماشيا بدون مشاكل والزيت لونه طبيعي..
تم تغيير زيت الفتيس لعربيتي مع صيانة ال120 الف وخدت ٤ لتر بالتمام مع تغيير الفلتر
مبروك علي الصيانة. :tumb:
ممكن شرح طريقة تدوير الزيت عشان انزل ال6.8لتر كلهم لو تكرمتم .
لان عمليا بينزل 3.5 لتر فقط و ده مخالف لكتالوج التوكيل و المصنع.
و نظريا كده فى لسه 3 لتر لسه منزلوش .
عروستى ؟؟؟؟؟؟!!!!!!!
عوزين طريقه مضمونه ننزل ال 6.8 لتر كلهم .
يا ريت تفيدونا .بس ينزلوا ال 6.8 لتر على مره وحده و نحط زيهم بردوا فى صيانة ال 80 الف .
بالعقل والمنطق كدا مفيش أي أثار جانبية,, لأن مكنة تدوير الزيت بتدخل الزيت الجديد من الطبة العلوية وبتشفط الزيت القديم من الطبة السفلية,
وبالتالي بتطلع أكبر كمية زيت أسود ومحروقة "لو مكنش كل الزيت" من قلب الفتيس والقربة,,
ومهياش مكن كبس زيت بالمناسبة.!! أسمها مكنة تدوير زيت,,
جهاز كدا زيه زي جهاز شفط الزيت من موتور العربية في خدمة تغير الزيت السريعة.
هل دا ليه أثار جانبية ؟!!
كون حضرتك مش مقتنع بالفكرة وبتحاول تقنع نفسك بإن ليها أثار جانبية دي حاجة غريبة وترجع لك.!
بس تدوير الزيت هوا الطريقة الصح لتغير زيت الفتيس,,
لأنك بتاخد فتيس بزيت جديد 100% زي ما أشتريت عربية,, وبيكون الزيت كله لونه زهري ونضيف.
مش زي ما أنت ماشي عليها دلوقتي بنص زيت جديد ونص زيت قديم.
تحياتي.
هوا بيكون جهاز عامل زي جهاز تغير زيت الموتور اللي في التوكيل أو البنزينات النضيفة,
بيدخل الزيت الجديد من الطبة العلوية وبيسحب الزيت القديم من الطبة السفلية بعمل Vacuum في الدورة عشان الزيت اللي جوا القربة كله يطلع,,
والعربية بتاخد ال 6.8 لتر كلهم زيت جديد ومش بيبتبقي جوا الفتيس أي زيت قديم غير حاجة بسيطة جداً.
حوالي ربع لتر, يعني مش هيتبقي 3 لتر جوا زي الطريقة التقليدية.
الجهاز دا موجود في توكيل رينو, بس علي حد مش هينفع تستخدمه عندهم أو يدخلو حاجة تانية غير رينو في الورشة.
ولو فيه ورش نضيفة بره أو محلات متخصصة في تغيير الزيوت فقط ممكن تسئلهم لو الجهاز موجود عندهم.
بالتوفيق.
أقنع TE=Ahmed Amin;3875314247]بالعقل والمنطق كدا مفيش أي أثار جانبية,, لأن مكنة تدوير الزيت بتدخل الزيت الجديد من الطبة العلوية وبتشفط الزيت القديم من الطبة السفلية,
وبالتالي بتطلع أكبر كمية زيت أسود ومحروقة "لو مكنش كل الزيت" من قلب الفتيس والقربة,,
ومهياش مكن كبس زيت بالمناسبة.!! أسمها مكنة تدوير زيت,,
جهاز كدا زيه زي جهاز شفط الزيت من موتور العربية في خدمة تغير الزيت السريعة.
هل دا ليه أثار جانبية ؟!!
كون حضرتك مش مقتنع بالفكرة وبتحاول تقنع نفسك بإن ليها أثار جانبية دي حاجة غريبة وترجع لك.!
بس تدوير الزيت هوا الطريقة الصح لتغير زيت الفتيس,,
لأنك بتاخد فتيس بزيت جديد 100% زي ما أشتريت عربية,, وبيكون الزيت كله لونه زهري ونضيف.
مش زي ما أنت ماشي عليها دلوقتي بنص زيت جديد ونص زيت قديم.
تحياتي.[/QUOTE]
اقنع نفسي بايه بس .. هوا انا حرمت حاجة مباحة ? وبعدين توكيلها هوا اللي بيغني مش انا.
ولعلمك بس الزيت بيبقا احمر وهوا هوا زيت الباور عندنا ف الاربع سرعات ..
اه آخر حاجة حابب اقولهالك أن أي حد بيفتي مبيتحملش نتيجة فتيه .نحن ف مصر . يعني لما انا كنت بغير الزيت كنت واقف ايدي ف ايده .. علشان ابسط حاجة لو مسمار اتفك من الفلتر مركبش.. أو الفلتر ركب من غير السيليكون يبقا انتا كده عليه العوض ف اللي انتا عملته .وزيتك كله هيبقا على الأرض من غير متحس. فانتا دلوقتي عايز حاجة شغل فنادق أعلى من التوكيل بيعملها كمل جميلك ودله على حد متخصص علشان متبقاش عواقب وخيمة
ايوا انا عاوز من شغل الفنادق ده
هههههههههههه
عاوز من ده يا حزومبل
والله وأنا كمان عايز من الشغل دا,
وحاولت أدخل العربية في توكيل رينو في غيار زيت الفتيس اللي فات بس منفعش.
وغيرت الزيت بالطريقة التقليدية اللي هيا فك الطبة السفلية ونزل 3 لتر بس وحطيت 3 ونص لانه كان ناقص.
وطبعاً الزيت مش نضيف دلوقتي لأن أتخلط علي 3 قدهم جوا محروقين زي اللي نزلو,,
ولو لاقيت حد قريب عنده مكنة التدوير هبقي أعرفك.
يا ريت و نكون مشكورين لحضرتك جدا
طب لو العربيه دورناها بعد فك الكارتيره بتاعه الفتيس لمده 30 ثانيه بعدين تبطل العربيه عشان الزيت يلف فى الفتيس و ينزل شويه ولو لترين كمان منه ,, هل دا يضر الفتيس ؟
الفكرة مضرة جداً لسببين,,
- السبب الأول أنها هتكون زي تدوير موتور العربية بدون زيت جواة لمدة٣٠ثانية.واللي ممكن الموتور يرزع ويفوت بسببها, أو يحصل أحتكاك شديد في الموتور من حركة البساتم بدون تزييت.
الفتيس الأوتو غير المانيوال,
فيه طلمبة زيت شغال والڤالڤاتهيا والڤالڤ بادي بتكونشغالةطولالوقتمنأولمابتدورالعربية,
علي عكس الفتيس المانيوال بيكون حر الحركة.
- والسبب التاني, أنك لما تفك الطبة وتدور العربية مش هينزلك زيت.!
وأنا هنا هتكلم عن البيجو لأني معرفش في كيا مختلف كتير ولا لأ,,
وأنا كنت شارح الطريقة دي بالتفصيل في منتدي بيجو, في المشاركة دي,
http://www.nilemotors.net/Nile/35615...post3875197600
وعملت بحث علي كيا وعلي حسب ما قريت في اللنك دا أنها نفس الطريقة في موديلات لكيا,,
Checking transmission fluid level - Page 2 - Kia Forum
فا السبب التاني لأنك مينفعش تدور العربية من غير زيت فتيس أنك لما تفك الطبة وتدور العربية مش هينزلك زيت.!
لأن الفتيس لما بيشتغل الطلبمة بتضخ الزيت ما بين الفالف بادي والتروس والقربة والضغط بيكون عالي جوا الفتيس ومش بينزل منه زيت غير الزيادة بس,
يعني الكارتيرة مش هيكون فيها زيت وهتنقط نقط زيت بس لو كان الزيت مظبوط,,
ومش هتنقط خالص لو الزيت ناقص.هديك مثال الفتيس لو كان فيه كل كمية الزيت الأساسيو بتاعته, ولنفترض ال 7 أو ال 6 لتر بتوعه,
وفكيت الطبة السفلية والعربية شغالة, هينزلك بس الزيت الزيادة لو كان فيه زيت زيادة عن الرقم اللي متحدد في الكتالوج.
يعني لو الفتيس بياخد 6.8 لتر, وانت حطيت لها 7 لتر
ودورت العربية وحركت عصاية الفتيس علي الغيارات وهيا واقفة, بعدين فكيت الطبة السفلية وهيا العربية دايرة هينزلك 200 مللي لتر زيت بس,, ومش هينزلك حاجة من باقي ال 6.8 لتر.
لأن الباقي دا هيكون شغال في قلب الفتيس ومش هينزلك منو حاجة.
في طرق تانية أصيع بس لسه بقرأ عنها, واحد بأنك تزود الزيت النضيف من فوق وأنت بتفضي من تحت من غير مكنة تدوير,
والتانية إن يتشال خراطيم الكولر ويضغط الزيت الجديد وأنا لسه مش فاهم الطريقة بس بقي هبقي أقرا عنهم.
]Draining it you'll only get about 3 litres out. I'm told you then top up with 3 more litres then remove the pipe to the oil cooler & extend it with a hose to a bucket . Using a large funnel that will fit in to the dipstick hole get all the remaining ready to put in . Get someone to start engine in neutral on tickover & the old oil will come out of the hose whilst you pour it in the dipstick. Another method is to remove both oil cooler pipes , discharge to the waste bucket & put the new oil in a garden sprayer ( a clean one !! ) , pressurise it & connect to the oil cooler return line whilst your helper starts engine. 7,6 litres is what I'm told it holds.
دا اللنك.
Replacing auto gearbox fluid?? - Kia Owners Club Forums - Page 1
أبقي شوف الفيديو دا كدا,
How To Flush a Transmission Cooler -EricTheCarGuy - YouTube
هوا بينضف الكولر,, بس فيه حته كان الأسبراي خلص فيها المخصص لتنضف الكولر
وكان عايز يطلع بقيه المنظف وبقية الزيت اللي جوا,,
فحط خرطوم ضغط هوا وطلع الزيت القديم من الخرطوم التاني,.
بس دا لحد دلوقتي الكلام دا بالنسبة للكولر بس مش للفتيس,
وهوا جزء مهم جداً من الصيانة لو فيه سد في الكولر أو الزيت كان فيه رايش وهوا نازل, وفيه تنتيش في الغيارات.
لما الأقي حل لموضوع تغير الزيت كله هبقي أبعت لك هنا.
استاذ احمد
انا نعايا سيراتو خليجى ٢٠١١ الفتيس الجديد
انا قريت البوست بتاع حضرتك و عايز اغير الزيت انا لفيت عليه الدنيا كلها هنا فى الاسكندرية و لقيته التر ب٢٧٥ الى هو SP-IV و لقيت نوع اسمه Dexron -VI و الناس بتقول هو هو ال SP-IV و سعره ٢٠٠ فى اللتر هل ينفع ؟
سوال تانى انا سعات بحس بنتشه فى الفيتيس لما الغيار بينزل من الرابع او اى غيار للغيار الثالث و مش عارف المشكله فين ممكن نصحتك و تشرح اكتر ايه مشكله الفالف بادى دى ؟