رزقك الله خيرها وابعد عنك شرها
رقم العضوية : 131111
تاريخ التسجيل : 09Nov2012
المشاركات : 5,961
النوع : ذكر
الاقامة : طنطا
السيارة: Fiat 132
السيارة[2]: Geely Emgrand EC 7
دراجة بخارية: I.S.A BMW.s.1000.rr
الحالة :
بسم الله الرحمن الرحيم
الحمد لله و الشكر لله و الفضل لله استلمت الجيلي امجراند 7 موديل 2014 فيراني بعد عناء طوووووووووويل استمر ل 22 يوم من يوم حجزي للعربية يوم 12/11/2013 ليوم الاستلام 4/12/2013 و الي حصل معايا كالتالي ...
انا بدئت تجهيز اوراق البنك من يوم 8/11 عشان اكون جاهز اسلم الملف يوم 11 وجهزت كل الورق الحمد لله ورحت اسلم الورق رجعوني عشان عنوان الضامن بس اتحلت الحمد لله اني جبت عقد ايجار ووصل تليفون يومها وكان في مشكلة انه بطاقة الضامن منتهية ولازم اجبلهم وصل التجديد عشان استلم قلت مش مشكلة اجيب الوصل كمان يومين تلاتة وبعدين رحت حجزت العربية يوم 12/11 و الاستاذ احمد دعباس مدير الفرع قالي هتستني شوية لان معنديش عربيات في المخزن و العربيات هتوصل يوم 20 قلتلة مفيش مشاكل يوم 20 رحتلة قالي العربيات وصلت بس عربيتك منزلتش قلتلة لية قالي عشان التريلا مفيهاش اماكن اصبر عليا يومين وهنزلك واحدة معا اول تريلا استنيت ليوم الخميس قالي للاسف التريلا موصلتش لسة بس في عربيتين فيراني جايين مشي تحب تشوفهم قلتلة لا انا عاوز تريلا قالي خلاص اصبر لوم الاحد ان شاء الله ووقتها كنا الخميس جيت عملت هنا موضوع عن العربيتين الي وصلو مشي وقلت اشوفهم ولا استني ويمكن التريلا تتاخر ورحتلة السبت قلتلة انا هبص علي العربيتين ولو عجبتني واحدة هحجزها لبكرة قالي مينفعش تحجز عربيتين ورحنا الفرع الرئيسي للشركة عشان نختم جواب التخصيص للبنك وهناك قالي انا اسف التريلا مش هتوصل بكرة لانها لسة مكملتش وصعب تنزل تريلا عشان عربية واحدة بس انا عندي العربيتين الي جم ماشيين الخميس تحب تشوفهم قلتلة اة رحنا عاينت ال 2 وطبعا انا حكيت القصة مرة ورسيت علي الي اخترتها بعد كدة رحت المرور عشان ارخص قالي جواب اعتماد الصناعة لسة موصلش اول ما قالي كدة قلت ....* بلاش اقول قلت اية عشان عيب
المهم افتكرت واحد صاحبي اشتري العربية وفضل مستنيي جواب اعتماد الصناعة 21 يوم كان الكلام دة الاربعاء روحت طبعا زعلان جدا جة الخميس احمد كلمني وقالي الورق وصل يا باشا جاهز ترخص السبت قلتلة علي البركة رحت السبت قالولي الورق وصل بس لسة متمضاش رحت الاحد وقت كتيييير لحد ما استلمتة وروحت مقدمتش الملف بسبب ان البية الموظف مشي الساعة 12 وبعدين رحت الاثنين وقفت لحد الساعة 2 و الموظف مش راضي يشتغل و الظابط يتحايل علية وهوة مش راضي ويوم ضاع بدون سبب وبعدين رحت الثلاثاء الساعة 8 الصبح قبل ميفتحو عشان اكون ضامن اروح بدري واقف في اول الطابور سلمت الملف الساعة 10 وقالولي تعالي بكرة استلم الرخصة رحت الاربعاء اخدت ورقة عملت بيها لوحة ارقام لان المرور مفيهوش ارقام ودمغتها وسلمتها في المرور وخلصت الرخصة واخدت الارقام تاني وانا ماشي لاقيت غلط في الرخصة مكتوب حظر بيع للبنك الاجتماعي و الصح بنك ناصر الاجتماعي رجعتلهم وعدلوها الحمد لله دي اول غلطة تاني غلطة بقي العربية فامية فبريقة يا ولاد التييييييييت مش كاتبين حاجة في الرخصة لية قام البية كاتبلي جوة الرخصة بالقلم ولزقها تاني زجاج ملون للبابين الخلفيين و الزجاج الخلفي بقلة يا استاذ مكتوب في الورق معاك زجاج ملون فبريقة قالي هوة كدة خلاص ويلا عشان في غيرك وورانا شغل قلت معلش يولع بجاز الكلمتين دول كفاية حرقة دم وقرف وامشي عشان ماضربش حد ورحت استلمت العربية الحمد لله ومشيت بيها 80 كيلو تقريبا معظمهم علي طريق سريع وفولت العربية بنزين اخدت 52 لتر ودفعت 100 جنية مقفولة
وبعدين اشتريت طقم دواسات و غطاء وميدالية ومعطر وركبتهم تمام وتوكلت علي الله ومشيت العربية جميلة ما شاء الله وحاسس بفرق شاسع لاني طالع من 132 و شاهين
بس لاني سوقت عربيات كتير متوهمتش ونسيت العيوب .. الحمد لله كنت مركز معا العربية و العيوب الي قابلتني
الشنطة لازم تترزع جامد عشان تقفل
الدبرياج عالي اوي وغبي جدا
لمبة الاستوب عشان تنور لازم اضغط فرامل جامد
الكراسي ناشفة شوية
حدفة يمين بتبان وانا في طريق مستقيم ودة تقريبا بسبب الكاوتش الويست ليك
دي المشاكل الي قابلتني لاكن العربية الحمد لله تمام وربنا يسترها عليا وميقابلنيش مشاكل
دعواتكم بقي ليا ان ربنا يحفظلي العربية ويباركلي فيها واسف ان التقرير غير منظم والتقرير دة مبدئي العربية لسة 230 كيلو التقرير الفعلي هعملة بعد صيانة الالف ان شاء الله عشان اخد وقت كافي اني احكم علي العربية كويس
. . . . . . . . . . . . . . . . . . . . . . . .
. . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥
رقم العضوية : 13633
تاريخ التسجيل : 26Jun2008
المشاركات : 5,636
النوع : ذكر
الاقامة : Cairo
السيارة: Optra 2007 AT
السيارة[2]: Pegeout 406 2004
دراجة بخارية: لا يوجد
الحالة :
رزقك الله خيرها وابعد عنك شرها
afrtow سابقاً
[B]
[gdwl] الإمام الشافعي
إني رأيت وقوف الماء يفسده * * * إن ساح طاب وإن لم يجرِ لم يطبِ
والأُسد لولا فراق الأرض ما افترست * * *والسهم لولا فراق القوس لم يصبِ
والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]
رقم العضوية : 132473
تاريخ التسجيل : 19Dec2012
المشاركات : 1,631
النوع : ذكر
الاقامة : Alex
السيارة: لا يوجد
السيارة[2]: w123 Mercedes 200
الحالة :
مبروك يا ميدو اخيرا ياراجل رخصت واستلمت ربنا يباركلك فيها
رقم العضوية : 124340
تاريخ التسجيل : 08May2012
المشاركات : 1,852
النوع : ذكر
الاقامة : na
السيارة: NA
السيارة[2]: BMW X1 Sport
دراجة بخارية: na
الحالة :
ياااااااااااااااه مبرووووووووك ياعم ميدو اخيراً
انت اخر واحد هرد عليه في المنتدى هنا فحبيت اقول لك الف الف مبروك قبل ما اسجل خروج نهائي بأذن الله
رقم العضوية : 117145
تاريخ التسجيل : 27Nov2011
المشاركات : 71
النوع : ذكر
الاقامة : الاسكندرية
السيارة: النترا
السيارة[2]: دايوو
الحالة :
حدفة يمين بتبان وانا في طريق مستقيم ودة تقريبا بسبب الكاوتش الويست ليك
(كده العربية عايزة ضبط زوايا يا ميدو مش عيب فى الكاوتش) المهم غبور مايقلكش استنى علشان الجهاز بايظ!!
رقم العضوية : 126748
تاريخ التسجيل : 28Jun2012
المشاركات : 1,283
النوع : ذكر
الاقامة : مصر
السيارة: 128
السيارة[2]: seat toledo 2015
دراجة بخارية: لايوجد
الحالة :
الف مبروك ياباشا والله زعلتني لما قولت علي المشاكل امتي هينزل العربية بدون مشاكل
رقم العضوية : 37309
تاريخ التسجيل : 05Apr2009
المشاركات : 4,099
النوع : ذكر
الاقامة : New Cairo
السيارة: Geely Emgrand7
السيارة[2]: Daewoo Nubira06 II SX
دراجة بخارية: no
الحالة :
ربنا يباركلك فيها
[img3]http://im77.gulfup.com/mVDw3c.png[/img3]
رقم العضوية : 6211
تاريخ التسجيل : 22Feb2008
المشاركات : 1,804
النوع : ذكر
الاقامة : القاهرة حدائق حلوان
السيارة: رينو لوجان
السيارة[2]: fiat 128
دراجة بخارية: لا
الحالة :
الف مبروك ياباشا أنتا فاكرنى و ألا لأ أنا اللى كنت بأقول أن الأمجراند بتسخن عموما ألف مبروك و ربنا يديك خيرها و يبعد عنك شرها
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
اهم حاجه في صيانه ال 1000
تشوف موضوع واير الفتيس
لو غيره بنوعيه جيده عن الي نازل فيها
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 133042
تاريخ التسجيل : 03Jan2013
المشاركات : 1,426
النوع : ذكر
الاقامة : cairo
السيارة: بيجو 301
السيارة[2]: اوبترا 2013
الحالة :
اخيرا...لقد هرمنا من اجل هذه اللحظه ...مبرووووك
المفضلات