الموضوع: هو في عمره بدون وجبات في الفندق يا ريت رايكو

المشاركة الأصلية كتبت بواسطة secret-man

أظن نجمه واحده او نجمتين

انت متأ كد ازاي دول بيقولو الاسم انا مش متذكر

وبعدين انا سمعت ان اشركه دي سمعتها كويسه
تري جولي

متابع

الاحسن تطلع بدون وجبات ... الاكل رخيص نوعا ما و متوفر فى كل مكان ..... بالنسبه للسعر و النجوم مش مرتبطين اللى بيفرق الفندق بينه و بين الحرم مسافه كام و الوقت اللى هتطلع فيه ... هم دول اللى بيفرقو فى الاسعار جامد

المشاركة الأصلية كتبت بواسطة mohamed_selim

الاحسن تطلع بدون وجبات ... الاكل رخيص نوعا ما و متوفر فى كل مكان ..... بالنسبه للسعر و النجوم مش مرتبطين اللى بيفرق الفندق بينه و بين الحرم مسافه كام و الوقت اللى هتطلع فيه ... هم دول اللى بيفرقو فى الاسعار جامد

الوقت شهر 3
المسافه 700 متر
السعر انا والمدام وطفلين 7 و11 سنه 20800 طيران

بص ، أغلب الشركات بتطلع بدون وجبات أو بالكتير بالإفطار، والأفضل بدون علشان مترتبطش بمواعيد فى الفندق ، انت عايز تبقى براحتك

بخصوص الشركات ، فأنا طلعت مع إيجيبشان نايل تورز ، بجد رائعين جدا جدا جدا وفوق الوصف

ولما كنت ببحث عن شركات محترمة كانوا الأفضل ( ايجيبشان نايل تورز و تري جولي وكيميدار )

الميزة فى ايجيبشان نايل تورز انهم خدومين جدا جدا جدا ، وكل شوية يتصلوا بيك ويشوفوك لو محتاج حاجه ، ومواعيدهم وخدماتهم اكتر من رائعة ، بجد جزاهم الله عنا كل خير ، ريحوني جدا

وتري جولي كانوا نازلين معانا فى نفس الفندق فى المدينة وكانوا شكلهم جامدين برضوا ( نفس مستوى الخدمة بتلاقي ناس من الشركة واقفة فى الريسيبشن بعد وقبل كل صلاة علشان لو محتاج حاجه )

المهم حاول يكون العرض فية جمعه فى مكة وجمعة المدينة ، وحاول يكون دخول مدينة الأول ، وحاول يكون الأيام اللى فى مكة أكتر ، وابعت للشركات اللى انا كتبتها وقلهم انا عايز اسماء الفنادق والمدة وجدول الرحلة ، وادخل على ويكيمابيا وشوف على الخريطة قرب وبعد الفنادق ، انت معاك المدام والأطفال فشوف حاجه قريبة

وتقبل الله منكم وجعلها خالصة لوجه الله