امريكا ذات نفسها بتدور على السيارات الاقتصاديه فى استهلاك البنزين
طبيعى الزحمه بتزود فى استهلاك البنزين لكن فى عربياتنا بتفرق لتر او 2 زياده
لكن واضح فرق السى سى فى الزياده الكبيره معاك
رقم العضوية : 144326
تاريخ التسجيل : 22May2013
المشاركات : 218
النوع : ذكر
الاقامة : مصر
السيارة: جيب
السيارة[2]: جيب
الحالة :
السلام عليكم
انا يا جماعه معايا جيب شيروكى 93 اربعه سلندر 2500 سى سى كنت لاحظت ان استهلاك البنزين عندى مبالغ فيه اوى بيوصل ل 28 لتر فى 58 كيلو
وبعد ما غيرت تقريبا كل حاجه من فلتربنزين ورشاشين كانوا مش كويسين و جيبت طقم بوجيهات امريكانى champion وظبطت كهربة العربيه وغيرت اسبراتير وغيرت حساس ميه وغيرت زيت طلعت مع الميكانيكى فولت العربيه للأخر وبعدين طلعنا جربنا العربيه 56 كيلو متصلين ودى كانت اول مره اسوق المسافه دى متصله ايوه لانه انا مشوايرى صغيره ويوميها الدنيا كانت فاضيه وتقريبا ماسوقناش فى زحمه غير عشر دقايق بس من ساعه ونص او ساعتين وكنت احيانا بحرق عالغيارات خلصنا وعملنا ال 56 كيلو طبعا من غير تسخين للعربيه ولا وقوف فى اشارات وروحنا حطينا بنزين تانى لقينا العربيه اخدت 10 لتر فقط وده بالرغم انه بالنسبه لعربياتكوا ممكن يكون استهلاك عالى لكنه بالنسبالى رضا اوى لان الاسبوع اللى قبله كنت ماشى 58 كيلو واخدت 28 لتر
المهم فرحت وقولت المشكله اتحلت اخيرااااااااااا
لكن مع المشى بقى الصبح والظهر فى الزحمه دلوقتى انا داخل على 50 كيلو والمؤشر داخل عالنص يعنى تقريبا كده استهلكت لحد دلوقتى اكتر من 20 لتر على 50 كيلو :(
طيب انا دلوقتى تعبت ومش عايز اكره العربيه واغلب الميكانيكيه بيقولوا مفيش سبب للاستهلاك العالى ده
هل ممكن يكون العيب فى سواقتى ؟ انا هديكوا نبذه كده عن اسلوب سواقتى اللى هحاول اغير منه وياريت تقولولى السواقه دى بالاضافه للزحمه ممكن توصل للأستهلاك العالى ده ولا ايه ؟
بصوا انا مش طايش فى سواقتى ومتأنى اوى بس لو الطريق قدامى فاضى بقرص واحرق عالغيارات
يعنى ممكن اول ما اطلع بالعربيه ادوس لحد نص دواسة البنزين والار بى ام ينط ل 3 او فوقها وبعدين اغير
مثلا كان فى سبب ما موقف الطريق وانا مخنوق اول ما الطريق يفتح لو شايف الدنيا امان بروح جايب اوى فى تانى فى تالت بحرق عالغيارات زى ما قولت لحضراتكم
لما ببقى فى الزحمه بدوس بنزين الار بى ام بيكون 1 او 2 او بينهم وبمشى بالدبرياج عشان العربيه متفتحش منى وافضل مسيطر عليها
انا قررت انى هحاول امسك نفسى ومحرقش واطلع بالعربيه تدريجيا وهحاول فى الزحمه مضغطش بنزين جامد مع الدبرياج تفتكروا لو عدلت سواقتى كده الاستهلاك هيتظبط ؟
رقم العضوية : 44650
تاريخ التسجيل : 08Aug2009
المشاركات : 2,222
النوع : ذكر
الاقامة : jjjjjjjjjjjjjjjj
السيارة: k
السيارة[2]: jjjjjk
دراجة بخارية: iiiiiii
الحالة :
امريكا ذات نفسها بتدور على السيارات الاقتصاديه فى استهلاك البنزين
طبيعى الزحمه بتزود فى استهلاك البنزين لكن فى عربياتنا بتفرق لتر او 2 زياده
لكن واضح فرق السى سى فى الزياده الكبيره معاك
الانفرتر الهندى من البدايه للنهايه
http://www.nilemotors.net/Nile/430457-a.html
رقم العضوية : 144326
تاريخ التسجيل : 22May2013
المشاركات : 218
النوع : ذكر
الاقامة : مصر
السيارة: جيب
السيارة[2]: جيب
الحالة :
ممكن فعلا
شكرا يا باشا عرد والاهتمام
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
بص انا هجيبلك من الاخر على قد ما اقدر
انت في كلامك بتقول اول مرة امشى 50 كيلو متصلين ، وغير كدة بتمشى في زحمة جوة البلد
تانى حاجة بتقول بتسيب الار بي ام بين 1 و 2 وانت في الزحمة باستمرار ودايما بتدوس دبرياج وبنزين مع بعض وده اصلا غلط على طقم الدبرياج هيسخن الاسطوانة وياكلها بسرعة ، مش بس هيزود الاستهلاك
الحل هيكون انك تراجع على الكهربا كلها بوجيهات وسلوك و موبينة وكله ، والكربراتير تظبطه وتتأكد ان مفيش تسريب هوا فيه ومفيش بوش في الاكس والباب والمكنة تتأكد من حالتها وتظبط التاكيهات والكاتينة والحوارات دى كلها ..... وتظبط الفرامل وتراجع على طقم الدبرياج
بعد كدة تلاحظ العادم بتاعك ، المفروض ما يبقاش في ريحة بنزين ني ، وتنضف اخر ماسورة الشكمان وتمشى شوية بالعربية، المفروض ما يكونش في عادم اسود باين قدامك وماسورة العادم ما تهببش
لو ده حصل ، اذا عربيتك سليمة ، وعشان تتأكد ، اطلع على الطريق الصحراوى او السخنة او السويس ، امشى 50 كيلو رايح و50 كيلو جاي بسرعة 90 وبدون حرق ، يعنى هو مشوار ساعة واحدة بس، شوف العربية هتعمل ايه ، لو ظبطت ، يبقى مشكلتك تكمن في السواقة في الزحمة بالاضافة لطريقة السواقة والحرق
انت لو متوسط سرعتك جوة البلد 7 و 8 و 10 ومشاوير كتيرة وصغيرة ، يعنى كل شوية تخرج مشوار 3 كيلو وترجع و تسيب االعربية تبرد وتانى يوم تخرج مشوار صغير وترجع برضه وهكذا و بتمشى في شوارع ضيقة على طول وزحمة على طول ، ده طبيعى للاسف وكان عندى في الـ 504 العربية بتاكل صفيحة في الـ 60 كيلو برضو
رقم العضوية : 144326
تاريخ التسجيل : 22May2013
المشاركات : 218
النوع : ذكر
الاقامة : مصر
السيارة: جيب
السيارة[2]: جيب
الحالة :
تمام يا استاز عمرو شكرا عالرد والاهتمام
بالنسبه للضغط عالدبرياج فده عشان الم العربيه واسيطر عليها لانى لو سيبت دبرياج هتفتح والمسافه بينى وبين العربيه اللى قدامى بتبقى قصيره اوى
بالنسبه لكهربة العريبه فانا مراجع عليها كويس وعامل ترميم للضفيره عند كهربائى محترم ومغير اسبراتير ومغير طقم بوجيهات امريكانى محترم والعربيه انجيكشن مش كرباتير
والمكنه مش وحشه يعنى العربيه ما شاء الله عليهم السحب والعزم بتاعها ممتااااااااز
بالنسبه للعادم بقى حاليا مفيش عادم بيظهر غير لما بدوس بنزين والعربيه واقفه والار بى ام يعدى ال 3 وافضل مستمر بتطلع قذيفه كده بس مش كتير اوى والميكانيكى بيقولى ان ده خزيييييين العربيه عايزه تمشى مشوار طويل وكل ده هيطلع
وبالنسبه لكلام حضرتك : انت لو متوسط سرعتك جوة البلد 7 و 8 و 10 ومشاوير كتيرة وصغيرة ، يعنى كل شوية تخرج مشوار 3 كيلو وترجع و تسيب االعربية تبرد وتانى يوم تخرج مشوار صغير وترجع برضه وهكذا و بتمشى في شوارع ضيقة على طول وزحمة على طول ، ده طبيعى للاسف وكان عندى في الـ 504 العربية بتاكل صفيحة في الـ 60 كيلو برضو
فده فعلا اللى بعمله بالظبط بس مش لدرجة ان السرعه 7و8و10 يعنى الكلام ده لما بيكون الطريق واقف ودايس دبرياج انما لو الطريق ماشى شويه ببقى ماشى على 20 او 40 ممكن السكه تفتح اجيب 60 للحظات وانزل تانى وهكذا انا بخرج بالعربيه اربع مرات فى الاسبوع اغلبها بتكون حوالى 3 كيلو رايح و 3 كيلو راجع وممكن يوم فى الاسبوع بتطول شويه وبعمل مشوار رايح راجع 28 كيلو
وشكرا مره تانيه لمرور حضرتك
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
انا بتكلم في متوسط السرعة وده غير السرعة ، انت لو عربيتك فيها كمبيوتر رحلات بيحسب متوسط السرعة صدقنى هتتصدم وهتلاقى ده المتوسط بتاعك
انا بسافر اسبوعيا على الطريق الزراعى وبمشى على الدائري كتير ، ورغم انى كتير بجيب سرعات 90 و 100 و 120 الا ان متوسط السرعة ككل مش بيعدي الـ 25-28 !!!!!
بالنسبة لكلام الميكانيكى عن التخزين في الشكمان صح الى حد ما ، ولو الموضوع ده ماراحش يبقى حاول تبص على الرشاشات وبدل عربيتك انجكشن اكشف عليها كمبيوتر بالمرة ممكن يبقى عندك حساس الشكمان عايز يتغير او حاجة .
سؤال تانى ، هو باالاستهلاك الفظيع ده انت بتحط 92 !!!!!
على فكرة لو بتحط 80 ، يبقى سيب العربية زي ما هى وفي الحالة دى اكيد الرشاشات وحساس الشكمان ضايعين والطرمبة في الطريق
بالنسبة انك تدوس دبرياج ماهى العربية هتفتح معاك لانك دايس بنزين ، فانت بتكتمها بالدبرياج ، وده مش صح اوى ، الاصح انك تقلل الدوس على البنزين مش تكتم بالدبرياج ، ولو برضه بعد ما رفعت رجلك من ع البنزين العربية بتجري برضه ، يبقى دوس دبرياج عادى ، اهم حاجة ما تبقاش دايس دبرياج وبنزين في نفس الوقت بدون داعى وخلى اخرك في الـ rpm 1100 في الزحمة اول وتانى يعنى اطلع بالدبرياج بس مع سندة خفيفة بالبنزين
رقم العضوية : 144326
تاريخ التسجيل : 22May2013
المشاركات : 218
النوع : ذكر
الاقامة : مصر
السيارة: جيب
السيارة[2]: جيب
الحالة :
اااااااااااااااااااااااه تمام حضرتك تقصد متوسط السرعه فى الساعه ايوم يبقى كلامك مظبوط
والعربيه انجيكشن وكشفنا عليها كمبيوتر والجهاز بيقول مفيش اى مشكله !! عشان كده انا مش لاقى سبب غير بقى الزحمه وطريقه سواقتى :( ده انا وصل بيا الامر انى شكيت ان يكون حد بيسرق البنزين من التانك والعربيه راكنه فى الجراج :(
وبالنسبه للبنزين اللى بحطه فا أنا بحط بنزين 90 ومؤخرا مبقاش موجود فبحط 92 بكن مش بحط 80 خالص
وبالنسبه لموضوع الدبرياج فا انا بدوس بنزين وبكتم دبرياج لانى بخاف لو مش دايس بنزين كويس العربيه تبطل :( فبقول كده احسن لكن هحاول فعلا اعمل زى ما حضرتك قولت ومزودش الار بى ام عن 1100
رقم العضوية : 141174
تاريخ التسجيل : 20Apr2013
المشاركات : 334
النوع : ذكر
الاقامة : alex
السيارة: maruti800
السيارة[2]: seat133
الحالة :
طبيعي جدا دة رايي
المشاوير القصيرة والمشي ف الزحمة بيحرق جامد انا عربيتي 800 سي سي و بتمشي ب 10 لتر 100 ك و دة يعتبر استهلاك عالي لان مشاويري ومشيي زيك تقريبا
العربية استهلاكها ف الطرق الكويسة المفتوحة حوالي لتر يمشيك 15 -17 كيلو وانا بعمل 10
طالما مشاويرك قصيرة وزحمة متغير عربيتك وهات حاجة متورها اقل شوية او خليها وهات عربية تانية معاها تبقي لمشاوير جوة البلد وخلي الجيب للسفر والتحميل
رقم العضوية : 144326
تاريخ التسجيل : 22May2013
المشاركات : 218
النوع : ذكر
الاقامة : مصر
السيارة: جيب
السيارة[2]: جيب
الحالة :
المفضلات