مشكله غريبه تنقيط مياه

**waleed alsudy** · 07-12-2013 12:44 PM

ياجماعه انا حصل معايا حاجه غيربه وانا ماشي في امان الله يوم الخميس بالليل
مره وحده العرابيه وقفت مني ومش رضيت تشتغل غير بصعوبه بس لقيت صوتها غريبه واكن فيه حجرشه فرحت طافيها بسرعه جيت افتح الكبوت المقبض راح مكسور قولت مش مشكله رحت نازل وواحد جه ساعدني ورحت راكن العرابيه على جمب بس لقيتها مسقطه ميه كتير المهم مكنش معايا زراضيه اشد بيها الواير استنيت واحد صاحبي يجيلي وفضلت مقلق خفت يكون العرابيه حرارتها ارتفعت بس انا دايما وانا ماشي عنيا على امبير الحراره المهم صحبي جه وفتحت الكبوت علشان اتاكد لقيت المكنه عادي والزيت كويس يعني مش جوان حمدت ربنا بس طبعا معرفتش اقيس الزيت ولا اي حاجه قولت اقفل العرابيه واروح وبعدين امبارح بعد صلاه الجمعه رحتلها وفتحتها لقيت الزيت ناقص رحت جايب زيت ومزودها المهم جيت املي مايه لقيت حاجه غريبه بتحصل العرابيه عماله تاخد مايه كتير فشكيت ببص كدا على العرابيه من تحت من الناحيه اليمين لقيت في مايه بتنزل فمش عارف منين الخراطيم سليمه والريداتير سليم بس المايه دي بتنزل من مكان غريب معرفتش اوصل لمكان المايه دا رحت اخد العرابيه بسرعه وروحتها لحد البيت ييعني ممشتش 3 دقايق على بعض والامبير كان لسه حتى موصلش النص ركنتها وببص لقيت بردو المايه بتنزل وصوت غريب كدا ظاهر قلت يمكن علشان المايه جايه على السيوور
بس دا اللي حصل معايا
وعايز اعرف المايه دي جايه منين وليه وهل ممكن يكون حصل مشكله كبيره
مستني ردودكوا قل ما اروح اودي العرابيه للميكانيكي وشكرا ياجماعه واسف اني طولت عليكوا

**SAMEH_FOUAD** · 07-12-2013 01:07 PM

هتلاقى المياة اللى بتنزل دية من على ايديك اليمين وانت واقف قدام الكابوت

وكدة معناة ان طلمبة المياة باظت , ولازم تتغير فى اسرع وقت

وتمنها 275 جنية يابانى و مصنعية تغير 150 جنية

**waleed alsudy** · 07-12-2013 02:09 PM

ومش ممكن تكون الجوانات بتعته ولا اكيد يكون الطرمبه

**SAMEH_FOUAD** · 07-12-2013 02:29 PM

هية مش اتخرمت ياباشا

دة عمرها الافتراضى واول لما البلية بتاعتها بتبوظ بتسرب مياة وبتعمل صوت خشونة وبعد كدة بوش ومعرضة فى اى وقت ان العربية تقف وماترداش تدور , وهتضطر تقطرها , عشان كدة بقولك الحق بسرعة غيرها