كورولا 2014 و سبورتاج 2014 و بيجو3008 و فلوانس 2014 و رابيد

**ashraf adel** · 24-03-2014 08:05 PM

المشاركة الأصلية كتبت بواسطة محمد بدر

الحمدالله وبفضل الله ودون الدخول في التفاصيل لم أنصح أحد بالسبورتاج إلا وعاد علي بسيل من الشكر علي هذه النصيحة. اسعدهم الله بسيارتهم

السبورتاج عربية كبيرة نوع ما على محرك 1600 سى سى انا بيتهيأ لى ان مصر هى البلد الوحيدة فى العالم اللى بينزل فيها العربية دى بالمحرك ده لانها موجودة فى الخليج بمحرك 2000 سى سى لو صار ليك فرصة وتسوق العربية دى بمحرك 2000 سى سى حتعرف الفرق

**محمد بدر** · 24-03-2014 09:04 PM

المشاركة الأصلية كتبت بواسطة ashraf adel

السبورتاج عربية كبيرة نوع ما على محرك 1600 سى سى انا بيتهيأ لى ان مصر هى البلد الوحيدة فى العالم اللى بينزل فيها العربية دى بالمحرك ده لانها موجودة فى الخليج بمحرك 2000 سى سى لو صار ليك فرصة وتسوق العربية دى بمحرك 2000 سى سى حتعرف الفرق

منغير سواقة ولا تجربة 2000cc
السبورتاج بتنزل مصر بموتور 140 حصان Gdi والعربيه سحبها ما شاء الله أفضل من سحب عربيات سيدان كثير
ومحدش أشتكي من إن العربيه حجمها كبير علي المحرك أول مره أسمع الموضوع ده
وبعدين حضرتك كان لازم تجرب قبل حكمك بهذا الشكل علشان وجودنا هنا لتبادل المعلومات بأمانه وشفافيه علشان الناس تدعيلينا متدعيش علينا
علي فكره السبورتاج 2000cc ـ 166 حصان

**طارق نبيل** · 02-04-2014 12:32 AM

انا عندى نفس مشكلتك ... عايز عربية عالية عن الارض علشان الشوارع المكسرة و المطبات الى الواحد بيطير من فوقيها و شنطة واسعة علشان السفر ...
كنت عايز اجيب الكورولا طبعا مش محتاجة كلام ... يابانى, ثبات على الطريق , محافظة على السعر , مميزات كتير ... العيب الخطير هو انها وطية جدا و سمعت انها بتحك فى اى مطب ... و طبعا مش حدفع المبلغ دة كلة و اتحسر عليها و هى بتحك فى الارض ...

**طارق نبيل** · 02-04-2014 12:36 AM

الكارينز الجديدة مختفية خالص ... مع انها عجبانى جدا ... بس الاختفاء الرهيب دة محير جدا ... و سمعت انها برضو بتحك فى الارض بالرغم من ان ارتفاعها 15 سم

العربية التحفة الجديدة البيجو 2008 دى سعرها منافس جدا و شكلها تحفة بس لسة مش عارف نزلت مصر ولا لا ... هى كانت فى المعرض و ارتفاعها عن الارض 16.5 سم

**K.Ossama** · 02-04-2014 12:50 AM

المشاركة الأصلية كتبت بواسطة طارق نبيل

الكارينز الجديدة مختفية خالص ... مع انها عجبانى جدا ... بس الاختفاء الرهيب دة محير جدا ... و سمعت انها برضو بتحك فى الارض بالرغم من ان ارتفاعها 15 سم

العربية التحفة الجديدة البيجو 2008 دى سعرها منافس جدا و شكلها تحفة بس لسة مش عارف نزلت مصر ولا لا ... هى كانت فى المعرض و ارتفاعها عن الارض 16.5 سم

بيجو 2008 نزلت وفى منها فئتين
الأولى ب170 والثانية 190
بس مش كبيرة، يعنى قد الياريس مثلاً

**ahmzd** · 02-04-2014 07:27 AM

أنا رأيي أن الفلوينس فيها كل ما تريد! الوسع الداخلي للصالون والشنطة، الارتفاع عن الأرض، الكماليات الكثيرة في مقابل السعر، موتور وفتيس ياباني، عملية وانتشار معقولين جدا وفي تحسن، توكيل محترم جدا.. هذا جزء من قليل.. والله أعلم.

**Ammpage** · 03-04-2014 09:51 PM

انا هاقولك رأي من واقع تجربتي الفترة السابقة ، معايا بيجو ٣٠٠٨ p2 2014 وهي ممتازة من كل الجوانب اللحضرتك طلبها ، بالاضافة للقيمة مقابل المال ، الماتور قوي جدا ١٥٦ حصان تربو نفس ماتور بيجو ٥٠٨، من الاخر متعة في القيادة ،
وانا كنت في نفس حيرتك عند الشراء بس حظي أني عملت تست درايف ولما قارنتها ب أوكتافيا A7 مع اخي لقيت في فرق كبير في الأداء والأمان - فيها ٦ ايرباج .
عارف عيب العربية إيه ؟ اعتقد فقط انها بيجو وفرنساوي :)
نصيحة ما تشتريش اي عربية قبل ما تعمل تست درايف - بالتوفيق ان شاء الله .