الموضوع: مشكلة التنتيش في ال 128

السلام عليكم ورحمة الله وبركاته

رجاء الإفادة إخواني

المشكلة بدأت مع برودة الجو .. العربية كانت بتغيب في الدوارة وروحت للميكانيكي يوم الخميس
غير البوجيهات وابلاتين وكوندنسر وجربت أدورها عندها كذا مرة ودارت حلاوة بدون مشاكل وعلشان الميكانيكي جنب البيت ملحقتش أخد بالي من العيب الجديد اللي طرأ على العربية
بانت لي وانا رايح الشغل اليوم .. العربية بتنتش وبتبان أوي في السرعات الهادية وكمان وانا بسخن الصبح لما أشيل رجلي من على دواسة البنزين بتنتش وبتبقى باينة أوي وممكن تفصل كمان وفي الدوارة تعتل تعتيلة غريبة
أنا حاسس إن المشكلة سهلة وهي مجرد غلطة من الميكانيكي في تركيب الأجزاء اللي اتغيرت خاصة في الاسبراتير
ياريت لو حد عنده فكرة على الموضوع ده يفيدني

وجزاكم الله كل خير

المشاركة الأصلية كتبت بواسطة amro1965

من الواضح والله اعلم
انه معرفش يظبط كهربه السيارة
اما غياب الدوارة من وجهه نظرى التكريك الزائد بيجعل السيارة بتشرق ويتملى الكربراتير بنزين
واتمنى ان تخبرنا السبب لاحقا

تمام أستاذ عمرو ماشاء الله عليك هي فعلا طلعت زي ما بتقول بالضبط الكهرباء كانت عاوزة تتضبط مش أكتر
أنا عديت على الميكانيكا وانا راجع من الشغل ضبطها في ثانية والعربية الحمد لله بقت تمام
ألف شكر لك