شكراً لكم جميعاً :)
انا مش عارف أعمل إقتباس متعدد إزاي فهارد على الأسئلة كلها مرة واحدة
انا سواقتي عادية مش حماسية قوي...بس يمكن المالك اللي قبلي رجله كانت تقيله شوية...لكن من كلام المهندس ده العام بتاع التيل في العربية مع كل الناس
بالنسبة للزيت ...هي بتاخد 4.5 لتر بالفلتر
بالنسبة للفلتر k&n ...جبته من محل إسمه طوكيو في شارع دمشق...سعره 450 جنيه بس الراجل قاللي انه هايرفع ل 500 مع بداية السنة...على فكره هو هو بتاع الكروز.....انا لحد دلوقتي مش حاسس فرق جامد...لسه محتاج أمشي بالعربية في ظروف مختلفة علشان أحكم و عموماً الفلتر وظيفته هتبان أكتر على السرعات العالية مش في التسارع تحت لأنه بيساهم في تحسين القدرة الحسانية مش العزم...الميزة الأساسية انه مش هايتغيير بعمر العربية فقط غسيل و تنظيف و يرجع جديد.
الإستراحة في الدور التاني و فيها شباك باصص على الورشة كلها و بتشوف العربيات كلها و هما شغالين فيها...بس فيه زوايا مش بتبان لأن الشباك على جنب مش في النص...انا مثلاً كنت شايف عربيتي كلها ماعدا الكبوت :)
السوفتوير ده للأسترا j موديلات من 2009 لحد دلوقتي فقط
المفضلات