استلمت العربية وعملت حادثة

**mohamed_sabry** · 23-09-2008 02:15 PM

مبروك يا اسلام و ربنا يباركلك فيها , معلش العين صعبة و اللون الاحمر برضة بيشد العين جامد , فمعلش و الحمد لله انها جت على قد كدة , بالنسبة للكاسيت اظبط الbass و treble و شغل الload هتلاقى الصوت اتحسن كتير قوى .

**MoToRiZeR** · 23-09-2008 03:16 PM

معلش متزعلش يا إسلام كله بيتصلح و بيرجع زي الأول

و إنت قديم في المنتدي و عارف ..مفيش حد كمل بعربيته إسبوع من غير ما يتعلم عليها .. انا عن نفسي أول مرة أخرج بالعربية مواطن مصري أصيل علملي عليها .. فا متزعلش كلنا هذا الرجل و ربنا يخليلنا السمكرة و الدوكو .. إنت مأمن صح ؟

ألف مبروك عالإستلام و الترخيص

**AhmedGen2** · 23-09-2008 03:41 PM

المشاركة الأصلية كتبت بواسطة mohamed_sabry

مبروك يا اسلام و ربنا يباركلك فيها , معلش العين صعبة و اللون الاحمر برضة بيشد العين جامد , فمعلش و الحمد لله انها جت على قد كدة , بالنسبة للكاسيت اظبط الbass و treble و شغل الload هتلاقى الصوت اتحسن كتير قوى .

الله يبارك فيك يا محمد ، لسه واخد بالى ، هظبط الكاسيت وأشوف الاختلاف.

المشاركة الأصلية كتبت بواسطة MoToRiZeR

معلش متزعلش يا إسلام كله بيتصلح و بيرجع زي الأول
و إنت قديم في المنتدي و عارف ..مفيش حد كمل بعربيته إسبوع من غير ما يتعلم عليها .. انا عن نفسي أول مرة أخرج بالعربية مواطن مصري أصيل علملي عليها .. فا متزعلش كلنا هذا الرجل و ربنا يخليلنا السمكرة و الدوكو .. إنت مأمن صح ؟
ألف مبروك عالإستلام و الترخيص

متشكر يا محمود أنا مأمن مع الجمعية تبع عز العرب وعملت المحضر ، فاضل بقى مشوارى مع شركة التأمين والتصليح فى التوكيل معرفش لسه الاجراءات هتمشى ازاى ، لو عندك فكرة ياريت تبلغنى عشان يكون عندى خلفية بس.

**MohabSaeed** · 25-09-2008 03:10 AM

قدر الله و ماشاء فعل , معلش يا اسلام الحمد لله انها جت على كدا

على فكره العربيه ديه بجد فيها عفريت !!! انهارده كنت فى عز العرب ابو رواش بسال على قطع غيار, اول حاجه لقيتها ان الورشه بالكامل و بنسبه 90 % عربيات جين 2 ... و الكلام ده فى ورشه دودج " سمكره " و ورشه بى ام دبليو علاشان" الزوايا " و طبعا ورشه بروتون الى كان فيها 10 عربيات كلها جين 2 بس .. مافيش ويرا و كان فى عربيه يتيمه واجا مرميه فى الشمس بره .

الحاجه الملفته للنظر جدا ان معظم العربيات الى فى التوكيل كانت بتعمل شغل سمكره و دوكو بجد انا زوهلت من كم العربيات الجين 2 الى بتتسمكر !! ورشة دودج كان فيها بتاع 7 عربيات مثلا بيتسمكرو .. غير الى راكنين برهه و واخدين معجون ... غير الى فى ورشه بروتون و مفكون اكصدام ولا فانوس .
و غير الى راكنين و مستنين الشغل فيهم ... والى من غير باب ولانى من غير وش خالص ؟
ربنا يستر طريقنا جميعا بس العربيه ديه شكلها واخده عين من غبور ولا ايه مش عارف !!

**MoToRiZeR** · 25-09-2008 06:36 AM

غالباَ يا مهاب عشان معظم اللي بيجيب جين تو بيبقي متحمس للجري أوي و إنت عارف الباقي

**ultraHERO** · 25-09-2008 08:35 AM

الحمد لله على سلامتك و الف مبروووك على الجين تو

**ahmedsiyam** · 25-09-2008 12:04 PM

قدر الله و ماشاء فعل , معلش يا اسلام الحمد لله انها جت على كدا

على فكره العربيه ديه بجد فيها عفريت !!! انهارده كنت فى عز العرب ابو رواش بسال على قطع غيار, اول حاجه لقيتها ان الورشه بالكامل و بنسبه 90 % عربيات جين 2 ... و الكلام ده فى ورشه دودج " سمكره " و ورشه بى ام دبليو علاشان" الزوايا " و طبعا ورشه بروتون الى كان فيها 10 عربيات كلها جين 2 بس .. مافيش ويرا و كان فى عربيه يتيمه واجا مرميه فى الشمس بره .

الحاجه الملفته للنظر جدا ان معظم العربيات الى فى التوكيل كانت بتعمل شغل سمكره و دوكو بجد انا زوهلت من كم العربيات الجين 2 الى بتتسمكر !! ورشة دودج كان فيها بتاع 7 عربيات مثلا بيتسمكرو .. غير الى راكنين برهه و واخدين معجون ... غير الى فى ورشه بروتون و مفكون اكصدام ولا فانوس .
و غير الى راكنين و مستنين الشغل فيهم ... والى من غير باب ولانى من غير وش خالص ؟
ربنا يستر طريقنا جميعا بس العربيه ديه شكلها واخده عين من غبور ولا ايه مش عارف !!

اغلب مالكى السيارة و ليس كلهم من الشباب الارعن المتهور بتاع اليومين دول اللى بيسوق عربيته بدون ادنى احساس من المسئولية و فى الغالب اهله اللى جايبنله العربية فابالتالى هو لا تعبان فى الشراء و لا تعبان فى التصليح

ربنا يهدينا كلنا

**magedomran** · 25-09-2008 06:08 PM

كويس انها جت على قد كدة هى فعلا عين وخدت الشر وراحت الحمد لله
والف مليون مبروك يا عم ولا يهمك دايما بص للأسوء يعنى قول الحمد لله ان الراجل عايش وكمان العربيه متبهدلتش اكتر من كدة
وقضى اخف من قضى
بس لازم تسيبها شويه وتمشى بيها قد شهر كدة ولا حاجه او اكتر علشان الحسد وخد بالك من حاجه مهمه قوى
اى انسان ممكن يحسد نفسه
دايما قول اول ما تركبها دعاء الركوب وكمان قول
بسم الله ما شاء الله ولا قوه الا بالله
والمعوزتين
ان شاء الله ربنا يسترها معاك
والف مبروك يا حبيب ربنا يديك خيرها ويكفيك شرها وتستخدمها دايما فى طاعه الله عز وجل

**dede_dodo88** · 26-09-2008 02:12 AM

معلش متزعلش نفسك و متخليش الموضوع يعكنن عليك و يبوظلك فرحتك بالعربية
بس أتعلم بقى من أخطائك في السواقة
أنا برضه و العربية لسة جديدة و بعد ما طلعت الرخص و ماشي بعد ما خلصت واحد سواق تاكسي ابن حلال الأكصدام الحديد بتاعه من قدام فيه حتة بارزة لبرة فشبك في الأكصدام بتاعي من ورا و وقع الأكصدام كله بالشنب و الأكصدام كله أتغير و أتكلف بتاع 700 800 جنية مش فاكر بس الـتأمين هو اللي شال