الحوار فى اتوبيسات الواي فاي الجديدة هيكون كالتالى : -
===============================
الكمسرى :: لو سمحت يا حاج الاجرة ..
الراجل : اتفضل يا سيدى ..
الكُمسرى :: معلش يا حاج عاوزين جنيه كمان
- الراجل : ليه يعم ؟؟!! ما كل يوم بنركبها بكده ايه اللى غلاها ومفيش ازمة بنزين كماااااااااااااااان ..
الكُمسرى :: معلش احنا زودنا خدمة " واى فاى " للانترنت وشاشات بلازما وبالتالى الاجرة هتزيد ...
- الراجل : نعم .. ايه اللى انت بتقوله ده مش فاهم ..؟؟
الكُمسرى :: يعنى يا حاج ممكن تتفرج ع التليفزيون وتفتح نت من الموبايل بتاعك وانت راكب اكنك فى اوروبا اهو يعنى حاجة جامدة اوى ..
- الراجل : انت عبيط يعم ؟؟ .. ااساسا موبايلى مفيهوش نت .. وبعدين الاتوبيس هينفجر من الزحمة اللى فيه... نت ايه وزفت ايه ...
والاتوبيس اساسا مهكع ومنتهى الصلاحية ..
الكُمسرى :: ملناش دعوة .. روح قول للحكومة اللى سايبة الصحة والتعليم والاقتصاد ومسكت ف المشروع ده بحجة التطور ...
روح قولها صلحى الاتوبيسات قبل ما تركبيلها الواى فاى من أصله
روح قولهم الكلام ده يتعمل مثلا مع السياح كنوع استثمار اولا مش مع الغلابة اللى على قد حالهم زى حلاتى كدااااااا ...
روح قولهم الاطفال والناس الكبيرة ف المستشفيات بتموت بالبطئ بسبب سوء الخدمة هناك والمعاملة ..
روح قولهم البلد فيها 20.000 مستشار بياخدو شهريا مش أقل من
25 : 30 مليار جنيه عشان يحلو مشاكل البلد وعمرها ما اتحلت ..
روح قولهم فين حقى وفين الحاجات اللى المفروض تنفذوها والحلو كلها عندكو والله بس انتو اللى مش هاين عليكم تشتغلو بضمير والاعلام مطبلاتى وكلب اى نظام ليه ...
روح قولهم يعرفو انهم هيتحاسبو عليك يا حاج ..
روح قولهم ان اليابان فى 2011 حصل عندهم اعصار والبلد اتدمرت بنيتها الاساسية بالكامل بما فيها محطات الطاقة النووية والاقتصاد
وفى ظرف 21 يوم شغل بس البلد وقفت على رجليها من تانى
روح قولهم لو سألتو ع حلول لكل مشاكلكو هتلاقو والله (( عندكو شباب اكبر ثروة قومية عندكو عقول جامدة من دكاترة جاماعات ممكن تستيشروهم فى حل المشاكل مفيش مشكلة بدون حل طالما فى عقل بيفكر وينفذ صح ))
بس انتو طالما بتقبضو وتاكلو وتشبعو ومبسوطين انتو عيالكو طظ ف العالم الغلابة ...
روح قولهم حقى وحق الناس اللى ماتت مش عايزه منكو فالدنيا بس يوم القيامة مش هسيبو ... وربنا هيجبهولى غصب عنكو ..
الراجل : حسبى الله ونعم الوكيل ...
الى هنا وأنتهى الحوار ....
وانتظروا المفاجئات بعد الوايرلس في الاتوبيس :-
- ATM جنب كل فرن عيش بلدي ...!!!
- on the run بجوار كل مستودع انابيب ...!!!
- 100 Mega Free google drive space لكل المترددين على مستشفيات التأمين الصحي ...!!!
دولة الهبل
منقول ....
المفضلات