بالصور- تشغيل 24 ميني باص بخدمة WiFi على خط ''شبرا - المطار''

**hossam_elwani** · 29-12-2013 09:17 PM

المهم إن الأتوبيس الجديد المزود بالــ Wi Fi مكتوب عليه: Wi Fi on board ، الأتوبيس اللي خط سيره؛ القلعة - سيده عيشا - مجرى العيون كاتبين عليه Wi Fi on board
بغض النظر عن إن كل اللي معاه تليفون ذكي فهو بالضروره مشترك في باقة شهرية و مش محتاج أم الرفاهية الفارغة بتاعتكوا،
لكن بالتأكيد اللي هيركب الأتوبيس ده عامة الشعب، و انتوا زودتوا تمن التذكرة عشان الخدمة التافهة عديمة الأهمية.
فالست أم سيد و هي مروحه من السوق مطلوب منها حاجتين: إما إنها تدفع تذكرة فوق طاقتها المادية لخدمة هي لا تعرف أصلا ما هي!! و إما إنها تستنى أتوبيس تاني ساعة زيادة غير مزود بالخدمة..
يعني سبتوا العشوائيات الغير آدمية اللي بيعيش فيها ملايين المصريين، و سبتوا الأزمة الاقتصادية و الكارثة السياسية، و سبتوا أزمات الصناعة و الزراعة و الناس مش لاقية تاكل و بتموت بعض عالرغيف، و التعليم فاشل بس المهم إن انتوا عملتوا أتوبيسات كاتبين عليها بالانجليزي

**saddam** · 29-12-2013 09:21 PM

صديقي المواطن المؤسس
شكرا على الموضوع اﻹيجابي الذي يعطي للمواطن المصري بصيص أمل إنه ممكن بعد 150 سنة يكون عندنا دولة تبتدي تحترم آدمية مواطنيها
الأوتوبيس أو الميني أوتوبيس كبداية أفضل من لاشيء فالنت مش مكلف بتاتا وحاجات بسيطة ولكن كالعادة الحلو ميكملش وهو إنت عامل حاجة جميلة ويافطة فوق الباص ودي حاجة بسيطة بس فعلا معاناة بيعرفها كل مصري أوتوبيسات وميكروباصات المحروسة كلها بتعدي ومحدش عارفة رايحة فين والفكرة ينقصها التكييف فالنقل العام خارج مصر صار كله مكيف واللي مزعلني في الموضوع كالعادة سوء إختيار الأوتوبيس ﻷنه كعادة هذا النوع ناشف ومش طري وفي المطبات بيكسر الظهر وكمان رديء الصنع وأصواته عاليه ودائما كل من يركب هاشم باص بيحصل عنده صداع ولكن أهو بداية وشيء أحسن من لا شيء

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**besso** · 29-12-2013 09:23 PM

اسمحلى اخد كوبى من رد حضرتك يا استاذ hossam_elwani هاضيفه فى موضوع تانى يخص نفس الموضوع

**sherif222** · 29-12-2013 09:26 PM

يااااااااااا حلاوة ... وبكرة حتشوفوا مصر !

**hugan** · 29-12-2013 09:30 PM

اي كلام فاضي معقول
هبل في هبل
مشاريع وهميه وبزنس ومصالح لشله المنتفعين
وكله بيرزق

**Ahmed Selim** · 29-12-2013 09:47 PM

هو غالباً أحنا أتعودنا على جلد الذات و منقدرش نعيش من غيره.

الخبر فيه حاجات إيجابية كتير.........أبسطهم أن فيه ناس بتفكر فى راحة المواطن........حتى لو من وجهة نظرنا شايفين أن فيه حاجات أولى.

أى دولة فيها مؤسسات........كل مؤسسة ليها ميزانية خاصة بيها.......الميزانية الخاصة بنفس المؤسسة بتتقسم لبنود كتير.

مينفعش أجي أخد من ميزانية هيئة النقل العام و أروح أعمل بيها إسكان شباب مثلاً.

ده غير أن الشاشات اللى هيتعرض عليها إعلانات دي هتجيب فلوس.......غالباً هتغطي مصاريف خدمة الإنترنت المقدمة مجاناً و هتبقى مصدر دخل مستقل.............ده بفرض إستمرار الصيانة الدورية للمنظومة.

كمان الخبر بيقول أنهم 24 أتوبيس من ضمن أسطول أتوبيسات من 200 أتوبيس.......كل ده فى شركة واحدة هي شركة القاهرة للنقل الجماعي فى مشروع تابع لهيئة النقل العام......طبقاً لشروط التعاقد اللى بتجبر شركة القاهرة للنقل الجماعي بتغيير الأتوبيسات اللى مر عليها 6 سنين.

شوية تفائل الله يكرمكم..........

**abogogo** · 30-12-2013 12:54 AM

الحسنة الوحيدة من البتاع ده لما يكون واقف في إشارة من اللى هي بتقفل بالساعات ... هيكون تسلية لناس اللى راكبة عربيات حولين الاتوبيس ده في الاشارة

**Ahmed_Adham** · 30-12-2013 12:07 PM

يعني يا جماعه كلنا نطلب مواصلات أدميه ولما تبدأ تيجي نقوم مطلعين فيها القطط الفاطسه؟ أوتوبيس كراسيه جديده ومكيف وفيه انترنت وتليفزيون وشغال على خط شبرا المطار اللي ممكن ياخد ساعتين مرتاح. فيه أدميه ايه أكتر من كده؟ ندعي ربنا بس ان ينتشر الموضوع ده في القاهره كلها كخطوه أولى وبعد كده باقي المحافظات وعقبال ما يد التجديد تتنقل للمترو.

-

-

الموضوع: بالصور- تشغيل 24 ميني باص بخدمة WiFi على خط ''شبرا - المطار''

LinkBack

أدوات الموضوع

عرض

-

-

-

-

-

-

المواضيع المتشابهه

بالصور نسخة مميزة جداً من "ميني بيسمان"

استيكر نايل موتورز بخدمة الشحن لأى مكان

تقرير بالصور عن تشغيل لمبة التشيك انجين للالنترا 2009

إعادة تشغيل مثبت السرعة في ميجان ii: تقرير بالصور

الكلمات الدلالية لهذا الموضوع

المفضلات

المفضلات

ضوابط المشاركة