السلام عليكم ورحمة الله وبركاتة

اخوانى فرسان الفليشيا ... ديما و كالعادة العربية بتعمل معاية القلة ايام الاحد زى ما تكون قاصدة , وانا رايح الشغل الصبح حصل شىء غريب وانا فى نصف الطريق وفى مطلع كوبرى لقيت العربية بتشخلل وكملت عادى و انا نازل من الكوبرى جيت ادوس على دواسة الدبرياج عشان اغير ، ملقيتش الدواسة .. لقيتها غطسانه ومازالت العربية دايرة ، بطلت وجيت اشغل العربية بتدور ومفيش حركة مع الغيار للاسف !!!! حاولت ابص على الواير بتاع الدبرياج لقيتة راكب وشديت الدواسة بايدى ورجعتها ادام بدات تنزل وتطلع بس بمستوى اقل من الاول ، وبرده متحركتش العربية ، و مش بعمل بالعربية مشاوير كتير و غيرت طقم دبرياج من 7 شهور و مكنش فى اى اعراض لاعطال الدبرياج ولا دبه و لا ضعف تجميع ....؟؟ افيدونا .. افادكم الله :(