الموضوع: يـوم طـويل بتـوكـيـل الصـحـراوى

[quote]
واذا كان المشـرف بيتكلم ويرد بأسـلوب غيـر سـوى وبيعـرض مشـكلته الشـخصـية مع التوكيل بأسـلوب هجـومى وتهـكمـي ويـسـهل أثـارتـه من قـلة فى منـتــداه فعلى الأشـراف السـلام [quote]
أستاذ طارق
حضرتك قلت إني باتكلم بأسلوب غير سوي
لن أرد على هذا السباب فقط احتراماً لسنك، وفي ذات الوقت أرفع شكوى لأدمين المنتدى الأستاذ محمود حفناوي لمعرفة المخطئ فينا واتخاذ اللازم حياله

[quote="وائل عطية"][quote]
واذا كان المشـرف بيتكلم ويرد بأسـلوب غيـر سـوى وبيعـرض مشـكلته الشـخصـية مع التوكيل بأسـلوب هجـومى وتهـكمـي ويـسـهل أثـارتـه من قـلة فى منـتــداه فعلى الأشـراف السـلام

أستاذ طارق
حضرتك قلت إني باتكلم بأسلوب غير سوي
لن أرد على هذا السباب فقط احتراماً لسنك، وفي ذات الوقت أرفع شكوى لأدمين المنتدى الأستاذ محمود حفناوي لمعرفة المخطئ فينا واتخاذ اللازم حياله

غير سوى.....قلة.....هوه فيه ايه؟ يا أ/طارق براحة شوية، درء الضرر مقدم على جلب المنفعة، لكن التكسير مفيش أسهل منه و اللى مبيعرفش يكسر، ممكن يروح لميخا علشان يتعلم يابانى، بس ياخد معاه ترنك.

أولا : السلام عليكم و رحمة الله و بركاته

يا جماعة إن ما قمنا بذكره من ملاحظات بخصوص التوكيل يوم الصيانةم ا هو إلا ملاحظة لفتت نظرنا يومها

الغريب إن الهجوم اللي حاصل ده غريب بجد يا جماعة ، واحد بيقول "انا رحت يوم كذا و كان فيه عربيات و ناس كتير و ماكانش فيه زعيق أو مشكلة" ديه ملاحظة المفروض إنها ماتزعلش حد، لأن انا شخصيا لم أكذب حد و لم أذكر إلا ملاحظاتي الشخصية (التي هي بدون قيمة و لا تمثل شئ)، من أراد معرفة هذه الملاحظة فأهلا به و من أراد تكذيبها فأيضا اهلا به، عادي يا جماعة، بس انا شخصيا بدأت اتعلم حاجة و هي إني بعد كدة (في الغالب) هاحتفظ بملاحظاتي لنفسي، حيث إنها من الواضح بتعمل مشاكل (مش عارف ليه)

الموضوع التاني، موضوع الرابطة، بجد بردة انا مش عارف الناس كل شوية بتجيب سيرته مع إن لسة مافيش أي حاجة اتفعلت و لا الناس اصلا قاعدت مع بعض و لا اتفقوا مين هايعمل ايه

ثالثا: معظم الناس يا جماعة إشتكت من جسر السويس، قليل من اشتكوا من الصحراوي ، و مع العلم بس فرع السويس ده اسمه (تكنو سيرفيس) و الصحراوي اسمه (ابو الفتوح) و مسمعتش حد اشتكى غير واحد من فرع الاسكندرية و كان تعليقه "ناقص معدات و إمكانيات" و عرفت بعد كدة إن كل حاجة كملت فيه و بقى مركز خدمة متكامل

رابعا:
معاذ كتب

استاذ طارق يا ريت حضرتك تذكر المكان الممتاز اللى عملت فيه الصيانة, علشان الناس اللى فى المنتدى تعرف فين المركز السرى ده

بجد يا استاذ معاذ سؤال يثير الكثير و الكثير، لأن إحنا قايلين من اسبوع فات إن إحنا رايحين مركز الصحراوي علشان صيانة الألف، فده كدة سؤال تهكمي واضح و فيه تلميحات لمعاني مش كويسة

خامسا: إحنا هانستفاد إيه من إن إحنا نقول كلام مش حقيقي !!!!!!!!!!!!!!!!!

سادسا:

استاذ وائل, و د. اسلام, برنش سمسم, جمال ابو شنب, دول اللى انا فاكرهم و فى غيرهم كل دول اشتكوا, طب يبقى الكلام ايه؟

معنى ان حضرتك و استاذ محمد لم تواجهوا اى حاجة يبقى دى صدفة, و ربما تكون بداية لمعاملة احسن من جهة الوكيل

ممكن فعلا تكون بداية تحسن و ممكن تكون صدفة و ممكن يكون الناس إللي حضرتك ذكرتهم (مع كامل إحترامي و تقديري لهم طبعا) حظهم كان مش كويس، الله أعلم، إحنا كان معانا في الصحراوي عدد كبير جدا جدا من الناس و مكانش فيه حد زعلان من حاجة، فممكن فعلا تكون الخدمة بتتحسن الله أعلم

سابعا:

اما بالنسبة لموضوع الفولكس اللى انا كتبه فوق

انا لما الوكيل, لقيته بيلخبط كده, مشيت و مروحتش تانى

لأن فى اى مكان هلاقى قطع غيار للعربية, اصلى و تايوانى و كورى, و استيراد

يعنى الوكيل هو الخسران مش انا

اما حضراتكم, لو حصل حاجة لا قدر الله للعربية, لنتم فى قبضة الوكيل, و كل واحد و حظه ممكن القطعة موجودة, او مش موجودة

يخلصها فى يوم او فى شهر, و انتم ما باليد حيلة, متقدروش تعملوا اى حاجة, لأن قطع غيار العربية غير متوفرة غير عنده بس

ربنا يبركلك في عربيتك و متحتاجش حاجة لا من جوة التوكيل و لا من برة
بس حضرتك هنا بتتكلم على عربية قديمة و معروفة في العالم كله (بولو) و عربية موجودة من التسعينات، يعني لو مالهاش قطع غيار برة التوكيل تبق مهزلة و لو مالهاش كمان صنايعية يفهموا فيها تبقى مهزلة أكبر، فامعلش المقارنة ديه مش مقبولة خالص، العربية ماكملتش سنة لسه، و لحد دلوقتي الناس بتوقفني في الشارع و يسألوني عن العربية و بياناتها و مواصفتها، يعني لسة عربية غريبة بالنسبة للناس و الصنيعية و المستوردين و التجار
اللانوس كانت كدة أول سنة و بعد كدة بقت عربية الشعب بكل ما في الكلمة من معاني

ثامنا: أستاذ وائل عطية، حضرتك من أكثر الشخصيات إللي بحترمها و بقدرها فعلا، أرجو منك عدم الزعل من الأستاذ طارق، أنا متهيألي إن ممكن يكون حصل سؤ فهم بس في الكلام لأن استاذ طارق بردة بيعز حضرتك و بيقدرك كتير، و متهيألي إنه كان يقصد بكلمة (أسلوب غير سوي) إن حضرتك بس ممكن تكون كتبت الكلام و حضرتك منفعل بس مش أكتر، أنا على فكرة مش بدافع و لا حاجة و ربنا يعلم، أنا بس يعز عليا أشوف خلاف بين حضرتكوا لأنكوا أخين عزاز جدا عليا و أكيد على باقي الأخوة

و في النهاية آسف على الأطالة

الأستاذ طارق قال :
((((((( وشـهـــادة أحاسـب عليهـا أمـام اللـه - أنى لم أسـمع شىء غيـر عـادى أو تهـويل كما نـقـرا )))))))

بعد إذن حضرتك كلامك بيدل اني اللي قالوا تجاربهم مش صادقين او مضخمين لما حدث معهم وهذا فيه تكذيب للآخرين واللي معاهم العربيه وبيدافعوا عنها مش معنى ان حضرتك رحت كام ساعه ولسه ممشتشي بالعربيه يبقى حضرتك كلام مظبوط وغيرك مش مظبوط
طب انا هقولك على حاجه ما انت قولت كلامك اهه وواحد يأتي بكره يروح كاتب تجربته مع التوكيل ويكذبك ........ ينفع

استاذ طارق قال :
(((( وعلمت أن السـيارة مـزودة بعـدد 4 كمبيـوتـر للتحـكـم فى الوظـائف المخـتـلفة بالسـيـارة عكس الموجـود ببعض السـيارات ( كمبيوتر واحد فقط ) ولاداعـى لـذكـر أنـواعهـا حتى لانتعرض للهجـوم من أصـحـابه ( اللهم أجعل كلامـنا خفيفـا عليهـم ) وهـذه مـيـزة كبيـرة تحسـب للأسـبـرانـزا . ))))

ومش عارف حضتك مين اللي قال ان اربعة كمبيوتر دي ميزه يعني ....... غريبه والله انا مش عارف ده على أساس ايه أصلا انها تبقى ميزه
مش كل حاجه تأخذ بالكثرة
مش معنى ان في اربعة كمبيوتر تبقى ميزه يعني والله أعلم هما عملنهم اربعة ليه ميمكن مش عارفين يجمعهوهم في واحد وهو الأربعه واحد شغال مثلا والباقي أحتياطي يعني ولا ايه مش فاهم .........


وكلمه أخيره بدون حساسية وزعل

كلامك والله يا أستاذ طارق اول ما بدأت اقرأه حسيت عالطول أن حضرتك ميال لتحسين صورة وكيل سئ وفي ريحة تحييز واضحه في الكلام

وانا لا أذم في حضرتك حاشى لله ولكن هناك أحقاق للحق انت ممكن تقول رأيك ولكن لا تنكر على اللي جربوا وتكذبهم ........... وشكرا

أستاذ محمد صبري
أولاً شكراً على ردك الوافي
ثانياً محدش اتهم حضرتك بالكذب، بالعكس أنا مصدق حضرتك تماماً في كل حرف أنت قلته، بس فأنا لم أنقض كلامك أو أي كلام آخر، ولكن اعتراضي كان على كلام الأخ صاحب الموضوع، اللي وجه فيه إهانات صريحة ومباشرة وأيضاً غير مباشرة لشخصي وهو مالم أرد عليه فليس من طباعي والحمد لله الانحدار لتلك المستويات المتدنية من الحوارات ولا أذكر أحداً بالتورية أو الكناية احتراماً لهذا الشخص حتى وإن اختلفت معه واسمحلي ألا أسترسل في هذا الموضوع
ثالثاً أؤكد على عدم تكذيبك أنت أو الأخ طارق عن تجربة فأنا بعدما قمت بصيانة الألف كم في الصحراوي ذهبت إلى موقع كونتاكت وأخذت أُنشد قصيدة في مدحهم ولكن مع مرور الوقت انكشفوا على حقيقتهم فأجد أنه من الأمانة أن أذكر هذا أيضاً،
والأخ طارق برده أنا مش فاهم هو عايز إيه تحديداً : ألاقي إهمال وقلة أدب وأسكت أو أجي أضحك على الناس وأقول دول عندهم تكييف وشاي وقهوة !!! دا حتى الشاي والقهوة اتضح انهم بياخدوا فلوسهم بأضعاف تمنهم !!!!!!!!

طبعا يا أستاذ وائل لو حضرتك رحت و لاقيت في إهمال في التوكيل أو تقصير لازم تقول و إحنا طبعا لازم هانصدق حضرتك، لأن الهدف هنا هو الأستفادة و تبادل الخبرات في كل حاجة (العربيات - التوكيلات - الإكسسوار - الخدمات - ..... إلخ)

أنا والله بس إللي مزعلني هو المشكلة التي حدثت بين حضرتك و بين الأستاذ طارق، و إن شاء الله كل شئ يصفى و يروق.

و بالنسبة للتوكيل، هانشوف هل فعلا هايكمل كويس أو هايبقى وحش، هل بيتحسن و لا بيسؤ

يعني أنا شخصيا ملاحظتي عليهم إنهم لازم على الأقل يعملوا مركز صيانة تالت لأن مركزين بس في القاهرة صعب قوي و غير كافين بالمرة مع زيادة عدد تسليمات العربيات

المشاركة الأصلية كتبت بواسطة tarek2

فى النهـاية وبشـهـادة زميلى / محمـد صـبـرى أبراهـيـم - لم نجـد من المشـاكل ما لا يــتـم حله أو أصـلاحه ، بالمقـارنة بمـا يتم عـرضـه بالـمنـتـدى من مشـاكل عـويـصـة وصـراخ وتهـديد بالأعتـصـام والشـكوى للجهات المختصـة ....الخ نتيجـة لدخـول قـلة للمنتـدى بـغـرض الأثــــارة وأفـتـعـال المـشـاكـل وتـسـخينـهـا .... ...
[/b]

أولا : جزاك الله خيرا على التجربة المفيدة.
ثانيا : مش عشان ربنا سهلهالك والعملية مشيت عادي أنك تتهم الناس اللي حصلهم مشاكل وإشتكوا بأنهم يدخلون المنتدى بغرض إثارة وإفتعال المشاكل وتسخينها يا أخي ربنا ما يبتليك باللي شافوه
ليه إتهام الناس يا أخي ده الحكماء قالوا (من عاب أبتلي ولو بعد حين)
يا أخي قول الحمد لله إنها جت سليمة معاك وإدعي لإخوانك إللي تعبوا وحصلهم مشاكل في التوكيل
لما واحد يتظلم من التوكيل بتبقى صعبة على نفسه لكن لما يجي واحد يحقر من مشكلته لمجرد إنه محصلوش نفس المشكله ممكن تكون إسمها شماته
والنبي عليه الصلاة والسلام قال (لا تشمت بأخيك فيعافيه الله ويبتليك)

ختاما : لو كنت قلت في نهاية تجربتك أنك تتمنى أن كل الناس اللي بتشتكي من التوكيل يحصلهم نفس الخير اللي حصلك كان الناس حست بحسن نيتك تجاهم ومشاعر الأخوة الصادقة منك

وطبعا نتيجة للإتهام اللي إنت حطيته في نهاية كلامك الخير إتقلب شر

ياريت حضرتك تكون فهمتني والرجوع للحق قمة الفضيلة