الموضوع: ملاك لانسر شارك 2014 واهلا بالجميع

انا قريت 50 الصفحة كويس وعاوز اغير انا معايا فلوتانس فيس ليفت العربية جميلة بس زى مبنقول مش راكبين على بعض بفكر فى الشارك بس موضوع الصوت دة مضيقنى شوية طب لو فية حل عند حد للعزل ممكن يقولة ويكون تكلفتوا قد اية

انا شايف ان المشكله حاليا في التوكيل

المشاركة الأصلية كتبت بواسطة mido102

والله يا ابراهيم انا شايفها عربيه ممتازه بس بيقولوا قطع غيارها غاليه ودلوقتي عايزين حد محترم نجبها منوت

والله انا موجود في الامارات ورحت التوكيل النهارده (الحبتور) بس 1.6 مش موجود عنده غير basic وخلاص العربيه دخلت دماغي وهعمل صلاه استخاره واللي فيه الخير ربنا يقدمه ان شاء الله والعربيه سعرها 51.300 درهم وان شاء الله لو في نصيب في العربيه هاخدها من غير دفعه اولي وهتبقي قسط علي 5 سنين معاها ضمان 3 سنين او 60 الف كيلو وحمايه الفرش والدهان وتفييم مجاني وسيرفيس 1000 و 5000 مجانا

المشاركة الأصلية كتبت بواسطة محمد سمير حسين

كل سنة وحضراتكم طيبين كلام حضرتك منطقي جدا والله وكذلك كلام الاستاذ ميدو انتو سالتوا علي عيوبها فالناس بدون علم تقول وحشة طب ايه الوحش اللي فيها يقولك وحشة وخلاص علشان الناس بتقول كده ولو حد بقي حب يزود علي كلمة وحشة هيقولك وحشة وعزلها سئ طب انا اللي اعرفه بقي يا جماعة ان كلمة العزل دية بتشمل حاجتين عزل حرارة وعزل صوت طب بالنسبة لعزل الحرارة ده بيظهر تاثيره علي التكييف لما تشغله انا عن نفسي ملاحظتش ان في فواقد بتحصل طب بالنسبة لعزل الصوت ده بيظهر تاثيره لما تقفل الزجاج كله انا عن نفسي برده لما بقفل الزجاج مش بسمع الاصوات الخارجية باثتثناء حاجتين اولا صوت الموتور لانه مصمم انه موتور رياضي وده صوت ممتع علي فكرة بيحسسك بقوة العربية وده في اول طلعة بس وبعد كده بيبقي عادي يعني من الاخر بيظهر مع الكيك داون وزي ما قلت لحضرتك ده مش عيب ده ميزة لانه موتور رياضي والصوت التاني اللي ممكن يكون بيوصل اثناء غلق الزجاحج هو صوت العجل بس ده بيحصل بس لما بيكون الاسفلت خشن لو ناعم ولا هتحس بحاجة وده لان الكاةتش اللي راكب نوعه دانلوب ودي علي فكرة فردة ممتازة ما شاء الله عليها باستثناء انها ناشفة فبيطلع الصوت مع الاسفلت الخشن لكن لو ركبت الدانلوب علي اي عربية هيظهر الصوت ده برده فانا بقي بترجي اي حد بيقول ان العزل سئ يثبتلي هو اكتشف الموضوع اللي الناس كلها عمالة تردده ده منين بالنسبة بقي لقوة التكييف اللي حضرتك كنت بتسأل عليه التكييف ما شاء الله عليه ممتاز

وانت بالصحه والسلامه وشكرا علي المعلومات الجميله

المشاركة الأصلية كتبت بواسطة 2alb

انا قريت 50 الصفحة كويس وعاوز اغير انا معايا فلوتانس فيس ليفت العربية جميلة بس زى مبنقول مش راكبين على بعض بفكر فى الشارك بس موضوع الصوت دة مضيقنى شوية طب لو فية حل عند حد للعزل ممكن يقولة ويكون تكلفتوا قد اية

والله يا جماعة انا شايف تحامل رهيب علي موضوع ان العزل سئ لو نقطة ان العزل س ده هو العيب الوحيد فانا عن نفسي متقبله اهم حاجة جوهر العربية والاعتمادية بتاعتها وومكن نعتبر ان الواحد بيشتري ارخص عربية ياباني من الالف للياء وبالسعر ده ففممكن نتجاوز عن نقطة العزل دي ومنقفش عندها كتير يا جماعة بلاش تحامل علي العربية ان عزلها وحش وان الاوبشن بتاعتها اقل من السيراتو مثلا طيب مانشوف السيراتو بكام وبعد كده نبقي نتكلم السيراتو عربية كوري واغلي من الشارك اللي هي ياباني فطبيعي جدا تبقي الشارك اقل في الامكانيات والا بقي لو الناس عاوزة اوبشن كتيرة في الشارك نزو بقي علي سعرها 20 ولا 30 الف جنيه وبكده مش هتبقي ارخص عربية ياباني في مصر وفي شريحة كبيرة من اللي اشتروها مش هيقدروا يشتروها وانا واحد منهم فالحمد لله ان اوبشناتها قليلة علشان اقدر اركب ياباني

المشاركة الأصلية كتبت بواسطة محمد سمير حسين

والله يا جماعة انا شايف تحامل رهيب علي موضوع ان العزل سئ لو نقطة ان العزل س ده هو العيب الوحيد فانا عن نفسي متقبله اهم حاجة جوهر العربية والاعتمادية بتاعتها وومكن نعتبر ان الواحد بيشتري ارخص عربية ياباني من الالف للياء وبالسعر ده ففممكن نتجاوز عن نقطة العزل دي ومنقفش عندها كتير يا جماعة بلاش تحامل علي العربية ان عزلها وحش وان الاوبشن بتاعتها اقل من السيراتو مثلا طيب مانشوف السيراتو بكام وبعد كده نبقي نتكلم السيراتو عربية كوري واغلي من الشارك اللي هي ياباني فطبيعي جدا تبقي الشارك اقل في الامكانيات والا بقي لو الناس عاوزة اوبشن كتيرة في الشارك نزو بقي علي سعرها 20 ولا 30 الف جنيه وبكده مش هتبقي ارخص عربية ياباني في مصر وفي شريحة كبيرة من اللي اشتروها مش هيقدروا يشتروها وانا واحد منهم فالحمد لله ان اوبشناتها قليلة علشان اقدر اركب ياباني

العربيه ممتازه المشكله دلوقتي في التوكيل وصيانته مشاكله كتير

المشاركة الأصلية كتبت بواسطة ser3a_0

انت كده واخدها بعرض الاسبويلر و الجنط صخ ؟

و كمان في الامارت عندك ميزه ممكن تنزل مصفح او الشارقه و تجيب البودي كيت بتاع ال gt 2.0

ده اللي بفكر اعمله اخر مره رحت الحبتور قولولي ادفع 10 و 740 قسط

ايوه هيا اللي بعرض الا سبويلر والجنط