ملاك لانسر شارك 2014 واهلا بالجميع

**M ELHADY** · 04-01-2015 07:10 PM

لو سمحت هى العربية مثبوتة كام cc فى الرخصة واية الاوراق اللى المفروض تبقى معايا بعد الرخصة عشان كل الورق اتاخد فى ملف الرخصة ومفيش دليل اى فواتير معايا

**amr_8800** · 04-01-2015 07:14 PM

المشاركة الأصلية كتبت بواسطة m elhady

لو سمحت هى العربية مثبوتة كام cc فى الرخصة واية الاوراق اللى المفروض تبقى معايا بعد الرخصة عشان كل الورق اتاخد فى ملف الرخصة ومفيش دليل اى فواتير معايا

مكتوب في الرخصه عندي 1590
مفيش ورق كلو بياخدوه في المرور

**محمد سمير حسين** · 05-01-2015 10:05 AM

المشاركة الأصلية كتبت بواسطة khalid naser

السلام عليكم

أنا ان شاء الله ناوي أشتري عربية جديدة و بأفكر قى الشارك فكان عندي كام سؤال بعد اذن حضراتكم

أولا أنا ساعات بتهيألي ان فيه عربيات شارك أكبر و عربيات أصغر أنا مش عارف ده فرق في الموديلات بين 2013 و 14 و 15 و لا دي تهياّت

و كنت عاوز أسأل على وسع العربيةمن جوة هل كويس اللي هيكون قاعد فى الكرسي اللي را بيبقى مرتاح و لا قاعد مقرفص

و أخيرا ايه الفرق بين التوكيل و الخليجي يعني هل فيه فرق فى وسع العربية من جوة و لا هو الفرق في ايه بالظبط

و كمان يا ريت حد ينصحنا بمكان كويس أشتري منه أنا محتار ما بين سمير يان و المصرية

و بالمرة بقى هو هيبقى فيه تغيير فى الأسعار بعد موضوع تخفيض الجمارك ده
شطرا و عذرا عن الاطالة

العربيات كلها مقاس واحد وبالنسبة للوسع الداخلي ما شاء الله واسعة جدا اوسع كمان من الكورولا القديمة الجديدة معرفش ويمكن يكون ده اللي جه علي حساب وسع الشنطة وخلاها متوسطة الحجم

**Khalid Naser** · 05-01-2015 03:15 PM

المشاركة الأصلية كتبت بواسطة محمد سمير حسين

العربيات كلها مقاس واحد وبالنسبة للوسع الداخلي ما شاء الله واسعة جدا اوسع كمان من الكورولا القديمة الجديدة معرفش ويمكن يكون ده اللي جه علي حساب وسع الشنطة وخلاها متوسطة الحجم

متشكر على الايضاح

فيه حد ينصحني أشتري منين

**khaled_rz78** · 05-01-2015 05:46 PM

المشاركة الأصلية كتبت بواسطة dr.ahmed saad

الف مليون مبروك ربنا يباركلك فيها ويحفظك من كل سوء ماهى مده الحجز حتى الاستلام

الله يبارك فيك و عقبالك ان شاء الله استلمت ف نفس اليوم من دياموند ابو رواش لان الفئة الاولي كانت موجودة

**khaled_rz78** · 05-01-2015 05:56 PM

السلام عليكم
عملت صيانة الالف ف دياموند ابو رواش ب533 جم بس طلبت منهم يعدلو ميعاد صيانة العشرة الاف تبقي سنة بدل 6 شهور علي كمبيوتر العربية المهندس اللي قاعد رفض و قابلت مدير الصيانة قاللي تعالي اعمل الصيانة وقت ما تحب مش لازم تلتزم ب 6 شهور ممكن اهل الخبرة يفيدوني كده فيها مشكلة لاني مش همشي 10 الاف ف 6 شهور ابدا و سؤال اخير هو جدول الصيانة موجود ف الكتالوج فين بالظبط

**محمد سمير حسين** · 06-01-2015 08:59 AM

المشاركة الأصلية كتبت بواسطة khaled_rz78

السلام عليكم
عملت صيانة الالف ف دياموند ابو رواش ب533 جم بس طلبت منهم يعدلو ميعاد صيانة العشرة الاف تبقي سنة بدل 6 شهور علي كمبيوتر العربية المهندس اللي قاعد رفض و قابلت مدير الصيانة قاللي تعالي اعمل الصيانة وقت ما تحب مش لازم تلتزم ب 6 شهور ممكن اهل الخبرة يفيدوني كده فيها مشكلة لاني مش همشي 10 الاف ف 6 شهور ابدا و سؤال اخير هو جدول الصيانة موجود ف الكتالوج فين بالظبط

ياباشا حضرتك بتروح تعمل الصيانة بعد ما توصل 10000 في اي وقت حتي لو بعد سنة هو مش بيقيدك بميعاد معين

**fares mostafa** · 07-01-2015 06:11 PM

افيدونا افادكم الله
منين افضل مكان اشتري من عنده العربية بس تكون خليجي ضمان الرواس
وهل ضمان الرواس فعلا كويس ولا لا
ياريت رد سريع عشان بكره انشاء الله لازم انفذ

**XeeD** · 08-01-2015 06:06 PM

المشاركة الأصلية كتبت بواسطة fares mostafa

افيدونا افادكم الله
منين افضل مكان اشتري من عنده العربية بس تكون خليجي ضمان الرواس
وهل ضمان الرواس فعلا كويس ولا لا
ياريت رد سريع عشان بكره انشاء الله لازم انفذ

سمير ريان اقل سعر موجود انا لفيت عند القرش وعند الليثى وعند كذا حد اقل سعر كان عند سسمير ريان الخليجى عندة عامل اول فئة 130 الف فاضية وكاسيت صينى الفئة اللى بعدها عاملة 132 الف فيها سبويلر و كاسيت عريض اصلى القسط بيكون بفائدة 8.1 ينك القاهرة غو cib وبتدفع حوالى الف ونص علشان تشترى ضمان رواس طبعا اسعار العربيات دى قبل الفصىل لو هتشترى كاش سمير ريان ممكن تفاصل معاة وتنزل الف او اكتر ربنا يوفقك

**XeeD** · 08-01-2015 06:24 PM

السلام عليكم يا شاركاوية

انا توكلت على الله ونويت اشترى شارك خليجى من عند سمير ريان الفئات اللى اقدر اشتريها اتنين واحدة ب 130 الف بدون سبويلر وكاسيت صينى الفئة الللى بعدها ب 132 الف فيها سبويلر وكاسيت اصلى عريض الفرق بسيط والاسبويلر كويس بس انا سمعت ام تثبيت الاسبويلر فى الشنطة مش كويس وممكن يعمل برومة فى العربية فقلقت من الفئة دى كمان هل الافضل اشترى ضمان رواس ولا مش مهم لانى سمعت ان حتى لو ضمان هيدفعوك فلوس كمان كنت محتار فى اللون انا شايف ان الاسود والفرانى والنبيتى اشيك الوان مش حابب النبيتى اوى والاسود بيتبهدل بسرعة من التراب والشمس وعايز برضو رايكو كمان سمعت ان العربيات الخليجى ليها بعض قطع الغيار مختلفة عن الوكيل بمعنى لو حاجة باظت فى العربية الخليجى قطع الغيار بتاعت الوكيل مش هتركب عليها الكلام دا صح ولا لا برجاء الافادة