ملاك لانسر شارك 2014 واهلا بالجميع

**M.A.T** · 20-10-2014 04:52 AM

هو ايه وظيفه ال usb ،، فى العربيه

**zee** · 20-10-2014 08:48 AM

المشاركة الأصلية كتبت بواسطة abu_adam

يا جماعة أنا نويت اشترى الشارك على بركة الله ...

في معرض عارض عليا 2015 خليجي فيها كل الكماليات زي كاميرا و باركينج سنسور و فوجات و مقابض نيكل abs ب 139 ألف ..... ادوس ولا ايه يا افاضل ؟

طبعا دوس
ويا ريت تقولى اسم المعرض ده وعنوانه

**Waleed_aboammar** · 20-10-2014 01:58 PM

المشاركة الأصلية كتبت بواسطة M.A.T

هو ايه وظيفه ال usb ،، فى العربيه

لو فعلا بتسأل على usb و مش عارفه أقولك إنه ده المخرج اللى يتوصل عليه فلاشة كمبيوتر و يكون متحمل عليها مقاطع صوتية يعنى بيحل محل شرايط الكاسيت و ميزته انه جودة الصوت بيه جميلة و يكفى أنه بيشيل كمية أغانى و قران و حاجات كتير و تقدر تغيرها من الكمبيوتر زى مانت عايز

**M.A.T** · 20-10-2014 08:37 PM

فى حد من الاعضاء يأكد ان الموضوع ده موجود هنا فى مصر ،،، حد معاه هاي لاين وكيل ٢٠١٤ ./

Remote Start Mitsubishi Lancer in UAE - YouTube

و حاجه تانيه انا لما رحت المعرض ،،، لقيت. هاي لاين ،،، بس هو دور العربيه بحاجه بلاستيك فى الكونتاك ،، ضغط عليها و لفها اكنها مفتاح ،،، هل ده حاجه موجوده فى العربيه عند حضراتكم فى اى فئه ،،

و لو جدول صيانتها موجود ،،، و سعر طقم تيل امامى اصلى ،،

**Abu_Adam** · 20-10-2014 10:23 PM

المشاركة الأصلية كتبت بواسطة zee

طبعا دوس
ويا ريت تقولى اسم المعرض ده وعنوانه

معرض الليثي في شارع النزهة مدينة نصر

**mhmd_farouq** · 23-10-2014 06:16 AM

ازيكو يا رجاله يا رب تكونو بخير، كنت عايز اشتري الفئه التانيه وكيل، حد عنده فكره سعرها كام دلوقتي وهل فيه خصومات نازله عليها، موديل ٢٠١٤، وايه احسن مكان اجيبه منها، شكرااا

**محمد سمير حسين** · 24-10-2014 08:48 PM

المشاركة الأصلية كتبت بواسطة mhmd_farouq

ازيكو يا رجاله يا رب تكونو بخير، كنت عايز اشتري الفئه التانيه وكيل، حد عنده فكره سعرها كام دلوقتي وهل فيه خصومات نازله عليها، موديل ٢٠١٤، وايه احسن مكان اجيبه منها، شكرااا

الفئة التانية هاي تريد ب144 ومبروك مقدما

**5yatovic** · 25-10-2014 07:05 AM

السلام عليكم ورحمة الله وبركاته ..
اولا كل عم وانتم بخير ويارب يجعلها سنة خير وطاعة على الجميع
بصراحة انا يعتبر دي اول مرة اشترك في منتديات تختص بالسيارات والحقيقة المنتدى رائع وان شاء الله يبقى دائما كدا .. انا كان عندي استفسار بمناسبة الشارك او اتنين يعني
اا كنت اشتريت الشارك من شهرين تقريبا الفئة الاساسية basic يعني ب138 الف بضمان الوكيل .. 2014 طبعا
ماشاء الله العربية انا شايفها ممتازة من ناحية الارتفاع والثبات على الطريق والعربية ماشاء الله عفشتها ممتازة
طبعا بعد لالف كيلو الاولانية روحت التوكيل وغيروا الزيت وتمام كل حاجة دوقتي في حاجتين عاوز استفسر عنهم
من الاخوة الافاضل ملاك السيارة
الاولى من شهر تقريبا كدا وانا باشغل العربية حضراتكم عارفين في الكونتاك لفة اللي بتخلي التابلوه ينور قبل التشغيل بتاع المحرك خالص في صوت زي الشرز كدا او تكتكه بيطلع من ناحية الموتور مع تشغيل الطابلوه وليس تشغيل الموتور الصوت بيقعد اقل من ثانية ؟؟يعني الصوت بيظهر بس وانا بالف المفتاح قبل التشغيل خالص ؟؟ هل علي اقلق من الصوت ولا دا عادي سالت واحد معاه سيارة جديدة بردوا بس مش شارك قالي دا صوت (طرمبة البنزين) !! مش عارف مدى صحة الكلام انا المشكلة مااعرفش الصوت دا كا موجود قبل كدا ولا لا فياريت حد يفيدني لاني بصراحة مقلق من الموضوع وماباحبش اروح التوكيل من غير ماابقى عارف نوعا ما ايه المشكلة .
ثانيا دلوقتي في حد لعب عندي في العدادات وصفر العداد العادي مش الاساسي بتاع المسافة الكلية .. كان العداد قبل مايتصفر بيطلع المسافة الباقية على الصيانة التانية ومدة الشهور تقريبيا ..كانت تقريبا 5 او 6 شهور و9000 كيلو
المشكلة بعد مالعب في العداد بقت المسافة 18000 كيلو والمدة 10 شهور لو حد عنده علم ممكن ارجع اززاي للمدة الاولانية
ولكم مني جزيل الشكر مقدما وكل عام وانتم بخير

**yousif elshour** · 25-10-2014 02:23 PM

سلام عليكم يا جماعة.. معلش استفسار هل يوجد حل للباور في الشارك 2014 . الباور تقيل جدا جدا. وكمان صوت الموتور عالي... ارجو الافادز

**Siko El Hwary** · 28-10-2014 07:56 AM

يا جماعه فيه مفاجئه جامده جدا خلاص لانسر شارك وكيل 2015 نزلت للموزعين و الاسبوع الجاى انشاء الله الاسبوع الجاى هتكون جاهزه للبيع و المفاجئه الكبيره ان موديلات 2014 نزل عليها خصم كبير يعنى الهاى لاين 2014 بقت ب 165000 بس ايه رايكم فى الاخبار ديه انا انشاء الله مستنى علشان اشترى 2015 هاى لاين