الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة waleed mohamme

اولا تحية طيبة لكل ملاك الشارك
ارجو المساعدة منكم لانى بصراحة بفكر اشترى عربية جديدة بعد لما حدث ليا حادث مؤلم بعربيتى النيسان صنى وتقلبت بيا من حوالى شهرين تقريبا والعربية هلاك كلى بس بصراحة الواحد مش قادر يعيش فى البلد دة بدو ن سيارة علشان كدة فكرت فى لانسر شارك2015 والكروز 2015 بس ليا بعض الاستفسارات من ملاكها المحترمين
1- هل الشارك افضل ام شفرولية كروز ام نيسان سنترا ؟
2- هل يوجد فى الفئة التالتة فرامل abs علشان لما دخلت موقع التوكيل وجدت ان الفئة الرابعة فقط هى اللى فيها فرامل مانعة الانزلاق ودة من مقارنة للاربع فئات ؟
3- بالنسبة للبنزين هل هى فعلا بتشتغل ببنزين 95 فقط ولو استخدم فيه بنزين 92 هل له تاثير مستقبلى على الماتور؟
4- انا سالت امبارح عليها فى معرض الطارق قالى ان الموجود دلوقتى موديل 2014 ولسة شوية على 2015 صراحة كلامه لم يقنعنى لان احنا داخلين على شهر اكتوبر ومن المفترض ان 2015 نزلت فهل الرجل دة كلامه صح ولا ايه؟
والف شكر للجميع

1- بالنسبة للمفاضلة بين الكروز والشارك والسنترا فدى حاجة ترجع لحضرتك بالنسبة للشكل والسعر والامكانيات بس بالنسبالى لما كنت بقارن بين الشارك والكروز فضلت الشارك علشان عربيه يابانى تماما بسعر كويس جدا وواسعه من جوه وعالية عن الارض وعفشة ناعمة محترمة تنفع فى شوارع مصر وتكييف كويس جداااا وثبات عالى يقارب الالمانى ويعيبها فقط قلة الكماليات

2- الفرامل abs موجودة فى سيارات الوكيل من اول الفئة التانية

3- بالنسبة للبنزين فمكتوب على تانك البنزين استعمال بنزين 95 ولكن على حسب الاراء التى قرأتها فمنذ نزول السيارة من عام 2008 ويتم استعمال بنزين 92 بدون مشاكل بس مش هتاخد القدرة الحصانية الكامله للموتور

4- موديل 2015 وكيل هينزل فى بداية شهر 11 فاذا كان عند حضرتك استعداد للانتظار لحين نزول السيارة ومش فارق مع حضرتك زيادة السعر لموديل 2015 فإنتظر موديل 2015 وهو نفس الشكل الحالى ولكن يقال ان الجنط تغير ........ انا شخصيا مكنش عندى استعداد ادفع فلوس زيادة لفرق الموديل فقط خصوصا انى ناوى اقتنى العربية لفترة طويلة اذا كان ليا وللعربية عمر إن شاء الله فأشتريت الفئة التالته وكيل 2014
مع العمل ان موديل 2015 نزل خليجى بإشارات فى المرايات وحلية نيكل مكان الغماز

5- سيارات الوكيل للعلم مواصفات خليجية سعودية وده مكتوب على بطاقة حديدية متبرشمة بجانب قائم باب السائق