الموضوع: ملاك لانسر شارك 2014 واهلا بالجميع

اه يا باشا خليخي

السلام عليكم،
ممكن اعرف يا جماعة ابوص علي ايه و ابقي مهتم بايه و انا بستلم العربية و ايه هي العدة اللي بتيجي مع الشارك 2014 ان شاء الله
دعواتكم يا شاركاوية (:

المشاركة الأصلية كتبت بواسطة islam mohamed

السلام عليكم،
ممكن اعرف يا جماعة ابوص علي ايه و ابقي مهتم بايه و انا بستلم العربية و ايه هي العدة اللي بتيجي مع الشارك 2014 ان شاء الله
دعواتكم يا شاركاوية (:

اولا الف مبروك وربنا يباركلك فيها بص يا باشا انت اول حاجة تبص علي العربة كويس وتجرب كل حاجة كأنك اشترتها (يعني جرب المساحات والاضاءات والتكييف ........الخ)وباذن الله ميكونش فيها حاجة لان الشارك مابيكونش فيها العيوب البدائية دي باذن الله بعد كده هتدفع الفلوس وتستلم عربيتك بيكون ليها مفتاحين (معرفش الهايلاين نظامها ايه في المفاتيح) ممكن الاستاذ عمرو 800 يفيدك في النقطة دي وهتاخد وصل بيع (ورقة) من المعرض تثبت انك انت دفعت فلوس العربية للمعرض وتقدر تمشي بالورقة دي لحد ما ترخص وبعد كده بقي بتفتح الشنطة بقي وتستلم الاستبن (بيكون حديد مش جنط) والعدة (كوريك ومفتاح وشوية مفاتيح)ومش فاكر ايه كمان

المشاركة الأصلية كتبت بواسطة amr_8800

بص يا فندم
انت هتستلم العربيه كأنك بتتفرج على عربيه مستعمله
يعني تبص على كل شبر فيها من بره وتتأكد مفيهاش اي خرابيش ولا حكات صغيره ولا خبطات طبعا
ومن جوه تتأكد انها نضيفه ومش فيها اي بقع في الفرش
وبعدين بتستلم
الولاعه والطفايه بتاعت السجاير
الاستبن بيكون حديد
مثلث طوارئ
شنطة عده فيها مفتاح العجل و حديده الكوريك والحديده بتاعت السحب وقطر العربيه
والكوريك طبها
وفي اريال سقف بس مش عارف في كل الفئات ولا في الهاي لاين بس
وبتستلم 4 طبب بتوع الجنوط عليهم علامة ميتسوبيشي
وطبعا مفتاحين لو العربيه هاي لاين هيبقو مفتاحين سمارت كي لو فئات اقل هيبقو مفاحين ريموت عادي

اما الورق بقا
هتستلم ايصال توريد نقديه للخزينه (ده الي بيسبت انك دفعت فلوس العربيه مؤقتا)
وصوره من محضر استلام العربيه مكتوب فيها انك استلمت كل متعلقات العربيه
بعد كده لما الورق يجهز
هتستلم جواب المرور بأسمك طبعا
فاتوره معتمده من المرور وختومه
صورة الافراج الجمركي
شهادة بيانات
ولو العربيه وكيل ختاخد كتاب الخدمه الي هو الضمان وتتأكد انو مختوم من داياموند موتورز

بس هتروح ترخص وتدعيلي
وبعد مترخص متنساس تتصل 16606 عشان تفعل الضمان
بس يكون معاك الرخصه ورقم الشاسيه كامل 14 رقم بتجيو من تحت الكرسي الي جنب السواق وانت بتتصل عشان هيطلبوه منك
والف الف مبروك مقدما

استاذ عمرو من فضلك يعني ايه طبب الجنوط دول؟؟؟؟؟ ممكن تشرحهملي

المشاركة الأصلية كتبت بواسطة amr_8800

يا فندم دايره كده بتركب في نص الجنط الي عليها علامه ميتسوبيشي
انا لما استلمت العربيه كانو في الشنطه كل واحده في كيس
وهما طلعوهم من الاكياس وركبوهم في الجنط

بص هقولك من انت عندك في نص الجنط في علامه ميتسوبيشي كده بين المسامير الي ماسكه الفرده
العلامه دي عباره عن طبه بتتشال وتتركب
لما استلمت العربيه مكنوش راكبين وكاو في الشنطه في اكياسهم زي ما قلتلك وركبهو هما

متقلقش اكيد عندك يا استاذ محمد

شكرا ياباشا لاهتمامك وردك وانا مالاحظتهمش بصراحة بس بكرة هبص عليهم باذن الله واشوفهم موجودين ولا لا

ازيكو يا شاركاوية اجازة سعيدة