اقتباس المشاركة الأصلية كتبت بواسطة Amgad Osama مشاهدة المشاركة
ربنا يخليك يا باشا ومعلش اتاخرت عليك بالنسبه للكاميرا انا شفت عندهم كاميرا بس معرفش بكام وبرضو هيخرمو فالاكصدام وبعدين يا باشا ضالما هتركب فالتوكيل متقلقش من موضوع تخريم الاكصدام دي حاجه عاديه..
بالنسبه للتامين انا مامن فشركه قناه السويس تامين كلي حتى لو لقدر الله اتسرقت هيدفعولي 75% من تمن العربيه وبالنسبه للحوادث هيتكفلو بكل حاجه بس هدفع 4 فالالف وحاطط برضو ونش شغال 24ساعه لو لقدر الله احتجته..
التامين كان ب 4000ج عشان عملو معايا واجب هو المفروض ب4700ج والموضوع خلص علطول عشان مكنتش لسه رخصت وديت ورقها وتاني يوم دفعت وخدت ورق التامين الحمدلله

انت برضو شوف لو في شركات تانيه هتجبلك سعر افضل يبقى تمام وتحت امرك فاي استفسار
تسلم على ذوقك .. على فكرة انا عملت صيانة الأف في السعودي جروب على طريق اسماعيلية الصحراوي عشان قريب مني .. بصراحة انا اتعاملت مع توكيلات و مراكز صيانة لأكتر من عربية بس اتبسط من اسلوبهم ونظامهم جدا جدا ودفعت 360 جنيه في الصيانة .. المكان منظم والاستراحة لطيفة و فيها بلاي ستيشن مجاني و الأهم انه كان يوم السبت و مكانش زحمة ابدا يعني أقل من 20 عربية من 9 لحد الساعة 11.30 .. لما دخلت الورشة لقيتها كويسة و المهندسين ذوق .. دي شوية معلومات حبيتها اشاركها معاك :)

بالنسبة للتأمين انا بصراحة عايز شركة تكون بتنجز و تخلص اي شئ بسرعة حتى لو نسبتها أعلى بس انا وقتي دائما ضيق جدا .. سمعت ان كونتاكت كويسة و مفيش فيها نسبة تحمل للعميل في الاصلاحات بالتوكيل .. عندك اي معلومات عنها؟ و كبير المهندسين في السعودي جروب لما سألته قاللي أليانز بتعمل الورق بسرعة فمحتار الحقيقة

وفعلا العربية محترمة جدا و جميلة و كل شوية اكتشف فيها ميزة جديدة زي اني عرفت ان فيها follow me والفرش البيج عالمي مع الأرضيات السوداء

ربنا يبارك للكل و يحفظهم