الموضوع: ملاك لانسر شارك 2014 واهلا بالجميع

الحمدلله استلمت شارك 2014 فئه اولى ورخصت امبارح..
وبقيت من ملاك لاااانسر شااااااارك

السلام عليكم ورحمة الله وبركاته انا عضو جديد فى الموقع المتميز المحترم نايل موتورز. أوﻻ أحب اشكركم جميعا على تواصلكم الدائم.وجزاكم الله خيرا انا أحمد عوض قطب من الغردقة.

المشاركة الأصلية كتبت بواسطة amr_8800

الف مبروك تاني مره
بس ياريت تدينا شوية معلومات
وكيل ولا خليجي واللون ايه والسعر لو فيها حاجه زياده
وانطباعك عن العربيه ايه
وطبعا مش هسالك عن رايك عشان انت ملحاتش تجرب

الله يبارك فيك يا باشا
هي العربيه وكيل اول فئه لون فيراني والسعر انا كنت جايبها من الطارق ب 137 لما كانت فالتوكيل ب139 لكن بعد محجزت بيومين سعرها نزل وكلمت المعرض ونزلولي السعر ل134 واستلمت بالسعر دا الحمدلله.

بالنسبه لانطباعي طبعا العربيه واسعه جدا جدا انا عامل بيها دلوقتي 500ك العربيه لحد دلوقتي ممتازه ومريحه.. استهلاك البنزين بيبقى 7.2 وانا مشغل التكييف عالدائري طبعا انا المفروض مركزش معاه دلوقتي بس لاحظت انه فالمعقول واكيد بعد ال1000 يظبط اكتر.

صوت الموتور بيقولو عالي محستش بكده غير لما بقرص بسمع صوت الموتور فعلا بيعلى بس بصراحه صوته جامد والموضوع دا عجبني مش مدايقني خاااالص.
بالنسبه للتكييف مش هتكلم هقولك ياباني يا باشا تلااااااجه ومبحس بتاثير فسحب العربيه والتكيف مفتوح.

بالنسبه للتقفيل انا شايف ان الخامات كويسه مبسمعش صوت طقطقه والكلام دا جربته فطرق مكسره
مسمعتش غير مره واحده تزيق بسيط جدا فالازاز اللي جمبي حاولت اسمعها تاني معرفتش مشعارف دا بيتهيقلي ولا ايه.
اللي مديقني السقف لما بدوس عليه لفوق بيطلع سنه يعني تحس انه مفكوك مشعارف دا طبيعي ولا لا لان دي اول عربيه زيرو اركبها وكنت راكب قبليها لادا فمعنديش خبره بصراحه ياريت لو تفيدني فالموضوع دا خصوصا لو تدوس عليه من نحيه القوايم هتلاقيه مفكوك او مشماسك فالصاج.
برضو اللي مديقني لما بدوس على الباب من جوا وهو مقفول برجلى هتلاقي الباب بيتداس لجوا برضو اقصد مش ناشف يعني.. مشعارف دا مشكله تقفيل ولا دا طبيعي فكل العربيات ولا لأ.

الكاسيت لطيف مش وحش والعربيه فيها 4 سماعات و 2 تويتر صوتهم كويس.
الشنطه طبعا مش واسعه ودا مش ماثر معايا فحاجه.
اللي عجبني برضو ان العربيه عاليه وعفشتها محترمه جدا ودا اللي خلاني افكر فيها انا كنت رايح اتفرج عالريو والrb والبيجو 301 كلهم عربيات كويسه لكن استقريت الحمدلله على لانسر من اول مركبتها
فالمجمل العربيه تحفه وعجباني جدا الحمدلله مش شايف فيها مشاكل بصراحه غير موضوع السقف دا وانا شايفها صفقه رابحه بالنسبه للسعر دا في ظل الاسعار الغريبه اللي بنسمعا اليومين دول.

وانشاءالله لو في اي جديد هشارك معاكوا..

سعر البوما 2014 البيضاء الخليجى 140 ألف
سعر الشارك 2014 الوكيل 134 ألف
أنا محتار بين الاثنين
أفيدونى أفادكم الله