الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة yousif elshour

سلام عليكم يا جماعة.. معلش استفسار هل يوجد حل للباور في الشارك 2014 . الباور تقيل جدا جدا. وكمان صوت الموتور عالي... ارجو الافادز

الباور فعلا تقيل بس ده ميزة لانه بيدي ثبات علي السرعات العالية والموتور برده صوته فعلا عالي ومالهومش حل

السلام عليكم ورحمه الله وبركاته
اسمي حسام الدين صدقي
مهندس كهرباء power
ارجو واتمني ان تقبالوني عضو جديد معاك
انا والحمد لله اشتريت واستلمت امس سياره شارك 2014 بتوكيل هاي تريد الفئه الثانيه فراني بفرش داخلي اسود من سمير الريان
انا اول مره اشتري سياره اتوماتيك وكان معاي قبل كده مانوال وطبعا انا الحمد لله مبسوط وحاسس بالفرق بس انا ملاحظ جدا ان عفشه الشارك نشفه اوي هل ده يا جماعه عيب فيها ولا هتلين بعد كده انا حاسس اني بحس بالمطبات اوي وصوت الموتور عالي وحاسس انها فقيره اوي في الاوبشن الداخلي لا يوجد اناره صالون فوق السائق لا يوجد usb يوجد فقط aux ومش عارف احولها ل usb اعمل ايه وهل لازم امشي بالعربيه بسرعه معينه لغايه ماوصل لصيانه 1000 وما هو توكيل هاي تريد هل كويس ولا وحش ارجو الافاده ياجماعه لاحسن انا عايز حد يقنعنني بالتردد الي عندي قبل ما احس بالندم لان انا ممكن بالسعر ده 145000 ج كنت جبت عربيه في ابشن كتير ولا انا ممكن اركب كل الابشن ده في الشارك بعد كده سنه بسنه في التوكيل ذي الفوجات - gps -usb - واسبلير وهكذا

المشاركة الأصلية كتبت بواسطة محمد سمير حسين

يا باشا الف مبروك وربنا يباركلك موضوع التكتكة ده عادي انا بسمعه في اوقات بس مش بركز بقي هو بيحصل علي طول ولا لا عامة استني لما اجي ادور العربية هركز اكتر واقولك وبالنسبة للعداد بلاش تلعب فيها لما تروح التوكيل خليه م يظبطوهالك احسن او لو عندك وقت افتح التكتالوج وهتلاقي شرح وافي بالموضوع ده

الله يبارك في حضرتك .. شاكر افضالك معلش تاعبك معايا .. وبالنسبة للتوكيل ان شاء الله في اقرب وقت اروح .. وكل عام وانت بخير شكرا مرة تانية

السلام عليكم
انا لسه عضو جديد ولسه شارى لانسر شارك الفئة الثانية 2014 ووصلت 1000 كيلو انا عايش فى الغردقة وعلشان انزل القاهرة لعمل صيانة 1000 كيلو مشوار كبير ولو عملت بره التوكيل الضمان هايروح عليا انا بجد محتار اعمل ايه ؟؟ وايه المفروض يتم فى صيانة 1000 كيلو وافضل نوع زيت موتور تنصحو بيه ؟

الأخوة الأعزاء كام سؤال أرجو الإفادة
عندي شارك 2014 الفئه الثالثة عايز
أركب فرش جلد نوعيه كويسه فين و بكام أنا من بنها أرجو الإفادة عن تجربه
الكاسيت يظهر aux ولكنه غير واصل أزاي اوصله فين وبكام ولو حبيت أغيره واجيب واحد به gps بكام وإيه أفضل نوع و منين وتنصحني اعمل كده وإلا لا
إيه أفضل كاميرا خلفيه فين وبكام
عايز احسن وسيله حمايه لمنع السرقة
لكم جزيل الشكر مقدما

صوت الموتور عالى امتى الصبح مع التشغيل و لا الصوت اللى هو مع المشى بسرعه

الهاي لاين سعرها كام وايه الاوبشنز فيها وهل 2015 تختلف عن السابق ولا لأ وشكرا

المشاركة الأصلية كتبت بواسطة حسام شارك

السلام عليكم ورحمه الله وبركاته
اسمي حسام الدين صدقي
مهندس كهرباء power
ارجو واتمني ان تقبالوني عضو جديد معاك
انا والحمد لله اشتريت واستلمت امس سياره شارك 2014 بتوكيل هاي تريد الفئه الثانيه فراني بفرش داخلي اسود من سمير الريان
انا اول مره اشتري سياره اتوماتيك وكان معاي قبل كده مانوال وطبعا انا الحمد لله مبسوط وحاسس بالفرق بس انا ملاحظ جدا ان عفشه الشارك نشفه اوي هل ده يا جماعه عيب فيها ولا هتلين بعد كده انا حاسس اني بحس بالمطبات اوي وصوت الموتور عالي وحاسس انها فقيره اوي في الاوبشن الداخلي لا يوجد اناره صالون فوق السائق لا يوجد usb يوجد فقط aux ومش عارف احولها ل usb اعمل ايه وهل لازم امشي بالعربيه بسرعه معينه لغايه ماوصل لصيانه 1000 وما هو توكيل هاي تريد هل كويس ولا وحش ارجو الافاده ياجماعه لاحسن انا عايز حد يقنعنني بالتردد الي عندي قبل ما احس بالندم لان انا ممكن بالسعر ده 145000 ج كنت جبت عربيه في ابشن كتير ولا انا ممكن اركب كل الابشن ده في الشارك بعد كده سنه بسنه في التوكيل ذي الفوجات - gps -usb - واسبلير وهكذا

الف مبروك يا باشمهندس عاوز اقول لحضرتك علي حاجة شيل من دماغك حتة التردد او الندم وتاكد تماما انك اشتريت اللي ربنا كاتبهولك ومقدرهولك في ناس بتبقي نازلة تشتري وناوية علي حاجة وتلاقيهيم اشتروا حاجة تانية بالنسبة لموضوع الاوبشن فبدون جدال فعلا الاوبشن قليل بس حضرتك اوزن الامور بمنطقية شوية ازاي بقي حضرتك شاري اكتر العربيات اعتمادية في السوق وده من تجارب ناس كتير مش انا اللي بقول حضرتك شاري ارخص عربية ياباني في السوق ومتقفلة كمان في اليابان يعني مش بره اليابان زي عربيات ياباني تانية موضوع الاوبشن بقي انت ممكن تعوضه واحدة واحدة يعني ممكن تركب اللي انت عاوزه براحتك ومافيش مشاكل في حاجة كل الابشن ممكن تركب من اول سنسور الركن لحد الكاميرا والجي بي اس واليو اس بي وكل ما تتخيله وكمان الاسبويلر وهتبص هتلاقي نفسك مركب الكامليات كلها اللي بتحلم بيها بمبلغ لا يتعدي ال5 الاف مثلا بالكتير اوي ضيف الخمسة علي 145 هيبقيو 150 الف جنيه يعني بقت بسعر السيراتو او الالنترا اول فئة علي ما اتذكر يبقي انهي الافضل اكيد الياباني وهتلاقي انت اللي معاك اوبشن اعلي ده بالنسبة للاوبشن بالنسبة بقي لموضوع الندم او التردد حضرتك هتحس بالكلام ده كمان 3 او اربع سنين مثلا وتشوف لانسر 2014 حالتها بقت عاملة ازاي وقارنها باي عربية مليانة اوبشن عاملة ازاي او حتي قارن لانسر 2008 باي عربية تانية 2008 وشوف الفرق وساعتها هتقول الحمد لله ان ربنا وفقني في الشارك لان الاوبشن مش كل حاجة اهم حاجة الاساس معلش انا طولت عليك بس ده من اهتمامي بكلام حضرتك