ملاك لانسر شارك 2014 واهلا بالجميع

**د.ياسر** · 19-09-2014 03:04 PM

المشاركة الأصلية كتبت بواسطة morojam

السلام عليكم .. .. حجزت شارك من اسبوع من المصرية والسعر كان ساعتها 145 للفئة التانية.. بس للاسف لسه مستلمتش عشان ملقيتش اللون النبيتي او الاسود اللي عاوزهم.. دعواتكم بقي عشان استلم وابقي وسطيكم..

مبروووووووووووك عليك مقدما
هو فرش النبيتي لونه ايه من جوا ؟؟

**عمرو السويس** · 20-09-2014 01:50 AM

كنت عايز اسال عن ثبات العربية خصوصا في الملفات لان العربية بتاعتي عومت مني مرتين و انا علي طريق شرم الشيخ و مش عيب سواقة و كنت علي سرعة 120. انا كان معايا النترا 2006 و كنت بمشي علي نفس الطريق و باخد ملفات اسرع من كده و عمرها معومت مني.
نرجو الافادة لاني قلقان تكون المشكلة في العربية

**aelkassaby** · 20-09-2014 01:52 AM

المشاركة الأصلية كتبت بواسطة amgad osama

الف الف مبروك يا باشا ربنا يباركلك فيها يارب ويديك خيرها ويكفيك شرها إن شاء الله
بالنسبه لصيانه الالف انا لسه عاملها الاسبوع اللي فات فابو رواش وهما غيرو زيت وفلتر زيت وشيكو على حجات كتير كده قالي عليها المهندس اللي قابلني هما 26 نقطه مشفاكر منهم غير تظبيط هوا الكاوتش..

حطولي زيت توتال والموتور بياخد 5 لتر زيت و مشعارف توتال حلو ولا وحش بصراحه بس انا مطمن للتوكيل.

خدو ساعتين

طبعا كتير على تغير الزيت والفلتر بس الحجه كانت انهم بيشيكو على ال26نقطه اللي مشفاكرهم:c_laugh[1]: بس المكان كويس وشايف عربيتي وهما شغالين فيها من ورا الازاز .
بالنسبه للتكاليف دفعت 514 ج

وبالنسبه للكماليات سالت المهندس عن الحجات دي...
اللسبويلر ب1500 على ما اتزكر.. لكن قالي هو الوحيد اللي ممكن اركبه برا التوكيل عادي
الفوجات ب 700 ( وبيقولي مش اصلي دي هاي كوبي

)
الانزار ب550 وبيتركب على مفتاح العربيه
الباركينج سينسور ب 500

ومتنساش يا باشا تاخد معاك كتيب الخدمه عشان بيختموه من عندهم..
وبالتوفيق انشاءالله والف مبروك مره تاني يا باشا

الله يبارك فيك ويباركلك في عربيتك وتسلم على اهتمامك وردك بالعلومات دي والكماليات .. بس معندهمش كاميرا بدل السينيور عشان ماخرمش الاكصدام؟

انا هعمل الصيانة الصبح ان شاء الله في مركز تبع دايموند اسمه سعودي في طريق السويس .. يا رب يكون كويس
انا محتاج أأمن على العربية وعايز شركة تكون بتنجز بسرعه حتى لو غالية شوية .. عندك اي معلومات؟ وسمعت ان كل توكيل بيكون فيه شﻻكة تأمين مفضلة ليهم وبيسهلوا تعاملاتهم فعايز اعرف مين الافضل مع دابموند

تسلم كمان مرة وربنا يباركلك

**morojam** · 20-09-2014 09:49 AM

المشاركة الأصلية كتبت بواسطة د.ياسر

مبروووووووووووك عليك مقدما
هو فرش النبيتي لونه ايه من جوا ؟؟

تصدق والله مش عارف لاني لسه مستلمتش .. اول لما استلم ان شاء الله هاشوف واكتب هنا علطول ان شاء الله

**ahmedz310** · 21-09-2014 03:11 PM

ماشاء الله ، انا حاسس ان العربيه حققت مبيعات في 2014 ماحققتهاش من ساعة مانزلت وبالذات بعد ارتفاع اسعار العربيات الكوري
دلوقتي ياجماعه انا عندي استفسار وعارف انكم مش هتبخلوا عليا بالرد ، انا دلوقتي بفكر في الشارك 2015 الفئة التانيه ياتري ايه الاختلاف بينها وبين الفئة التانيه 2014 ؟ وسعرها كام في التوكيل ؟ وهل الكاسيت فيه usb
الاستفسار التاني وده المهم ، هل لدي التوكيل مركز صيانه معتمد في السويس او الاسماعيليه لأني مقيم في جنوب سينا وللأسف مافيش في جنوب سينا مركز صيانه للوكيل ؟؟

**khaledelshafie** · 21-09-2014 05:30 PM

المشاركة الأصلية كتبت بواسطة ahmedz310

ماشاء الله ، انا حاسس ان العربيه حققت مبيعات في 2014 ماحققتهاش من ساعة مانزلت وبالذات بعد ارتفاع اسعار العربيات الكوري
دلوقتي ياجماعه انا عندي استفسار وعارف انكم مش هتبخلوا عليا بالرد ، انا دلوقتي بفكر في الشارك 2015 الفئة التانيه ياتري ايه الاختلاف بينها وبين الفئة التانيه 2014 ؟ وسعرها كام في التوكيل ؟ وهل الكاسيت فيه usb
الاستفسار التاني وده المهم ، هل لدي التوكيل مركز صيانه معتمد في السويس او الاسماعيليه لأني مقيم في جنوب سينا وللأسف مافيش في جنوب سينا مركز صيانه للوكيل ؟؟

لو فرق السعر كبير هات 2014 ووفر الفلوس واستفيد من خصم ال5 الاف جنيه ...العربية ممكن تخلص على 144 الف جنيه 2014 الفئة التانية

بالنسبة للفروقات اللى عرفته من بعض الناس هنا انهم شالوا الاشارات الجانبية ونقلوها للمرايات وحطوا بدالها حلية نيكل وزودوا سبويلر ومعرفش فيها usb ولا لا
بس انا شايف ان الفروقات ما تستاهلش خالص وخاصة انك ممكن تركب السبويلر بره عادى...

وفعلا فيه مركز صيانة تبع دياموند في طريق مصر اسماعيلية

**memo zemo** · 22-09-2014 01:36 PM

السلام عليكم ورحمة الله وبركاته انا استلمت العربيه القرش فى شهر مارس وهى عربيه رائعه بس المشكله فى الوكيل (دايموند) انا عامل التامين عندهم بس هما غاليين فى قطع الغيار والمصنعيه وشركة التامين التابعه ليهم مش تمام ولما سبتلهم العربيه علشان يغيرو الاكصدام اخدو مده طويله جدا وفى حاجات اتسرقت من العربيه متعلقات شخصيه مش قطع غيار يعنى لو ميكانيكى فى الشارع مش هيعمل كده.

**memo zemo** · 22-09-2014 02:07 PM

باختصار شديد سياره رائعه ووكيل سىء

**Amgad Osama** · 22-09-2014 02:10 PM

المشاركة الأصلية كتبت بواسطة aelkassaby

الله يبارك فيك ويباركلك في عربيتك وتسلم على اهتمامك وردك بالعلومات دي والكماليات .. بس معندهمش كاميرا بدل السينيور عشان ماخرمش الاكصدام؟

انا هعمل الصيانة الصبح ان شاء الله في مركز تبع دايموند اسمه سعودي في طريق السويس .. يا رب يكون كويس
انا محتاج أأمن على العربية وعايز شركة تكون بتنجز بسرعه حتى لو غالية شوية .. عندك اي معلومات؟ وسمعت ان كل توكيل بيكون فيه شﻻكة تأمين مفضلة ليهم وبيسهلوا تعاملاتهم فعايز اعرف مين الافضل مع دابموند

تسلم كمان مرة وربنا يباركلك

ربنا يخليك يا باشا ومعلش اتاخرت عليك بالنسبه للكاميرا انا شفت عندهم كاميرا بس معرفش بكام وبرضو هيخرمو فالاكصدام وبعدين يا باشا ضالما هتركب فالتوكيل متقلقش من موضوع تخريم الاكصدام دي حاجه عاديه..
بالنسبه للتامين انا مامن فشركه قناه السويس تامين كلي حتى لو لقدر الله اتسرقت هيدفعولي 75% من تمن العربيه وبالنسبه للحوادث هيتكفلو بكل حاجه بس هدفع 4 فالالف وحاطط برضو ونش شغال 24ساعه لو لقدر الله احتجته..
التامين كان ب 4000ج عشان عملو معايا واجب هو المفروض ب4700ج والموضوع خلص علطول عشان مكنتش لسه رخصت وديت ورقها وتاني يوم دفعت وخدت ورق التامين الحمدلله

انت برضو شوف لو في شركات تانيه هتجبلك سعر افضل يبقى تمام وتحت امرك فاي استفسار

**morojam** · 22-09-2014 03:30 PM

السلام عليكم .. امبارح الحمد لله استلمت العربية من المصرية بس للاسف لو فيراني .. هو جميل بس كان نفسي في النبيتي بس الحمد لله .. افيراني جميل في العربية ما شاء الله وخصوصا ان الفرش اسود.. العربية فئة تانية الحمد لله علي 145.. كان لي سؤال .. انا ان شاء الله هرخص كمان شهر ان شاء الله عشان مسافر كمان كام يوم ولسه ورق العربية مش موجود.. ينفع افعل الضمان دلوقتي ولا لازم لما ارخص وخصوصا ان رقم الشاسيه مش معايا .. خل مطلوب ولا كفاية رقم الموتور.. جزاكم الله خيرا