تعمل لية لو كنت مكانى؟ صاحب العمارة غير كالون شقتى وهى فاضية وبياخد حقة مقدما

**drcobra** · 11-01-2014 09:53 AM

تعمل لية لو كنت مكانى؟ صاحب العمارة غير كالون شقتى قبل ما اسكن وهى فاضية وبياخد حقة مقدما
الموضوع ان انا شارى 3شقق فى عمارة مقدم واقساط على 36 شهر دفعت المقدم واقساط من شهر 2 الماضى يعنى 12 قسط قبل ميعادهم .الراجل دة تعبنى فى كل حاجة فى التسليم والواجهة والسلم وتشطيب المدخل وفى شهر رمضان اللى فات انا اللى قدمت على مقايسة الكهرباء للعمارة كلها علشان اخلص .المهم انا عملت الدور الارضى شقتين عيادة ومن شهر 8 اللى فات وانا باخد من من جارى لان صاحب العمارة مش راضى يعمل المقايسة بتاعة المياة وكان اتفقنا اخر ميعاد شهر 11 الماضى ولم يفى بوعدة المشكلة ان كل شهر يقول اللى بعدة... طبعا قعدنا واتكلمنا وجاى ياخد القسط تاشهرى 3 الاف جنية وبيشطب فى شقتة اللى فى العمارة وبيقولى معيش فلوس قلتلة امال بتشطب شقتك لية ؟؟؟ قالى انت مالك ..قلتلة لا دا فعلا مالى انت بتاخد حقك قبل ميعادة واناسى حقوق الناس المهم قالى انا مش هاعمل مقايسة المياة قلتلة وانا مش هاديك اقساط ..... مشى وقالى مش عايز الفلوس خالص قلتلة لا فلوسك هاتوصلك بعد كدة رسمى عن طريق القسم...بالليل بفتح الشقة المفتاح مبيفتحش الشقة لسة بتتشطب وانا سايب الباب مفتوح علشان كان سايب اسمنت وجبس فى شقتى .اكتشفت ان الراجل دة غير كالون الشقة.مرضتش اروح القسم على طول قلت ابعتلة ناس تفهمة غلطة وكفاية الناس تعرفة على حقيقتة

المفجأة تصورواااااااا يقول للناس اية انا مش هاسكن جنبة وهاخد الشقة وهادخل اللى دفعة فى الشقة علشان بيكيش الشقتتين اللى فى الارضى

تعمل اية لو كنت مكانى؟؟؟؟؟؟

**أحمد كمال** · 11-01-2014 09:57 AM

الذوق مش هينفع

**starlanos** · 11-01-2014 10:48 AM

اقل حاجة هعمله محضر في الاسم محضر يكون مكلف

**الفجر** · 11-01-2014 12:04 PM

محضر تبديد الامانة فيها قضية جنائية فورا

**drcobra** · 11-01-2014 12:08 PM

والله انا مش متخيل انسان ضلالى زى دة
المفروض هنكون جيران فلازم نحافظ على بعض

مع اول خلاف بينى وبينة اول مرة اقولة انت لازم تلتزم بكلامك او انا هاخد اجراء يخون الامانة اللى هى الشقة اللى انا سايبها مفتوحة علشان يحط فيها الاسمنت والجبس بتاعة

بيحاول يسطو على الشقة اللى انا دافع فيها دم قلبى

المشكلة فعلا ان دة هيبقى جارى

اعمل اية ؟؟

**TAMERMEGAHED** · 11-01-2014 12:17 PM

كويس ان ربنا كشفهولك من الاول واعتقد ان طمع فى الشقه كمان وعايز ياخدها وفعلا لازم محاضر وقله ادب مع الاشكال ده

**مهند-النجار** · 11-01-2014 12:20 PM

محضر شحطط اهله

**DreAmO** · 11-01-2014 12:30 PM

نصيحه غاليه اوي

روح لمحامي فوراً .. ومعاك صور من كل ورقه تخص الشقق ( عقود , مياه ,كهرباء , ايصالات )
وتكون عارف عنوان الراجل ده بالظبط ( يعني السرير اللي بينام فيه فين )

وتحكي كل شىء للمحامي .. بكل وضوح وصراحه
وتتفق انت والمحامي بقى على اللي انت ناوي تعمله مع الراجل ده ( بالقانون )

وترتب اوراقك عالاتي

1- تأديب الراجل ده على كل اللي عمله معاك ( بالقانون )
2- طريقه واسلوب قانوني لإسترداد كل ما تم صرفه وهدره على الشقق دي
3- ترك هذه الشقق تماماً .. والبعد عن الراجل ده
4- انسى قاعدات الصلح وقاعدات العرب والكلام اللي مش هيأكل عيش ده ( رجاله بشنبات بتقول الكلمه وتلحسها عادي )
5- رفض اي حل وسط يقترحه الراجل ده .. او كلمه شرف او كلمه رجوله والهلس ده كله اونطه مع النوعيه دي

ومعلش .. نصيب بقى .. بس اوعى فعلا تصعب عليك الشقق وتقول بعد اللي عمتله واتحملته
لأنك مش هترتاح فيها .. ( أسأل مجرب )

**esam_refaat** · 11-01-2014 04:07 PM

المشاركة الأصلية كتبت بواسطة dreamo

نصيحه غاليه اوي

روح لمحامي فوراً .. ومعاك صور من كل ورقه تخص الشقق ( عقود , مياه ,كهرباء , ايصالات )
وتكون عارف عنوان الراجل ده بالظبط ( يعني السرير اللي بينام فيه فين )

وتحكي كل شىء للمحامي .. بكل وضوح وصراحه
وتتفق انت والمحامي بقى على اللي انت ناوي تعمله مع الراجل ده ( بالقانون )

وترتب اوراقك عالاتي

1- تأديب الراجل ده على كل اللي عمله معاك ( بالقانون )
2- طريقه واسلوب قانوني لإسترداد كل ما تم صرفه وهدره على الشقق دي
3- ترك هذه الشقق تماماً .. والبعد عن الراجل ده
4- انسى قاعدات الصلح وقاعدات العرب والكلام اللي مش هيأكل عيش ده ( رجاله بشنبات بتقول الكلمه وتلحسها عادي )
5- رفض اي حل وسط يقترحه الراجل ده .. او كلمه شرف او كلمه رجوله والهلس ده كله اونطه مع النوعيه دي

ومعلش .. نصيب بقى .. بس اوعى فعلا تصعب عليك الشقق وتقول بعد اللي عمتله واتحملته
لأنك مش هترتاح فيها .. ( أسأل مجرب )

انا اتفق مع هذا الراى اتجاهك حاليا هو تاديبه مع اخذ اكبر قدر من حقك وتمشى لانك مش هتقدر تسكن او تعمل فى مكان مع وجود مشاكل وربنا يعينك

الموضوع: تعمل لية لو كنت مكانى؟ صاحب العمارة غير كالون شقتى وهى فاضية وبياخد حقة مقدما

LinkBack

أدوات الموضوع

عرض

-

-

-

-

المواضيع المتشابهه

لو مكانى تعمل ايه؟؟؟؟؟؟؟؟؟

تعمل إيه لو كنت مكانى؟؟؟؟

لو كنت مكانى تعمل ايه

تعمل ايه لو كنت مكانى

لو إنت مكانى تعمل ايه ؟

الكلمات الدلالية لهذا الموضوع

المفضلات

المفضلات

ضوابط المشاركة