الموضوع: سعر فتيس ميجان 2

تطورات زي الزفت في موضوع الفتيس الزباله ده

زي ما قلتلكم امبارح انهم ركبو الفتيس و العربيه دارت و زي الفل و كان باقي بس انهم يشحنو الفريون

النهارده كلموني الساعه 11 و قالولي الفتيس قفش و شوية كلام اهبل زيهم

المهم رحت التوكيل الزباله و المهندس بيقولي أن العربيه على n و العجلتين اللي قدام بيلفو عكس بعض يعني العربيه معشقه و لقيت كمان ان العربيه مش بتدور فالمهندس مينا قعد يقول كلام عجيب و يقول ان الفتيس قافش و عشان كده العربيه مش بتدور
قلتله ان العربيه كانت دايره امبارح و زي الفل و اتخانقت معاهم و طلعنا لمدير الصيانه و قعد يقول كلام أغرب منه و معلق على كلمه أن فتيسك بايظ و الكلام ده
و المهندس بيقولي ان الفتيس قافش و عشان كده ترس الفولام مش بيلف و بالتالي الموتور مش بيدور

المهم انا زهقت منهم و اتخنقت بجد من التوكيل ده اللي شغله زي الزفت و شكلهم بوظوا حاجه أو كسرو ترس الفولام

و انا دلوقتي في التوكيل مستني كساحه تيجي تشيل العربيه هطلعها اعملها بره و مش هدفع غير تمن الزيت و لمبتين كمان غيروهم 185جنيه و انا ممكن تقيس كمان على دول و مش ادفعهم بس انا دماغى وجعتني و مرضيتش ادفعلهم تكاليف الفك و التركيب اللي كانو اكتر من 1500

ربنا يسهل و اعمل العربيه الزباله دي عشان انا جبت أخرى منها و شكلى هولع فيها

المشاركة الأصلية كتبت بواسطة shiref_mohamed

ياباشا هدي نفسك معلش حصل خير وقدر الله وماشاء فعل ..
واضح جداً ان البهوات بوظو الفتيس شكلهم ركبو حاجه غلط وهيا الى عملت كده ...
على العموم انصحك تجيب فتيس استيراد وتركبه وعوضك على الله بس العربية مش زباله ولا حاجه انا عربيتي ماشية 185 الف كم ومغيرتش زيت الفتيس لحد دلوقتي والغيارات مظبوطه والعربية ناعمه جداً هو بس نصيبك كده واحمد ربنا انك بخير وزي ماقلت لحضرتك قدر الله وماشاء فعل وفداك مليون عربيه

يا باشا و الله انا مش فارق معايا الفلوس تتحرق بجاز انا اللي مزهقني تضييع الوقت و التعب على الفاضي من ناس المفروض أنها فاهمه و في الآخر يبوظو بدل ما يصلحو
و لو انا مكنتش استيت امبارح لآخر وقت و شفتها دايره و ماشيه بنفسي ، انا متأكد مليون في المئة انهم كانو هيقولو أنه بايظ و ان العربيه مدارتش اساسا لكن الحمد لله اني صبرت الوقت ده كله عشان ميعرفوش يكدبو عليا و انا حاسس و الله أن الحكايه كلها بسبب الزيت لأن دي الحاجه الوحيده اللي تخلي الفتيس يقفش لو كان في تسريب و هما غيرو الاويل سيل بتاعه لأني اتكلمت مع مهندس تاني في كيا و فهمني الحكايه كلها

انا كفايه اني اقولك ان اول امبارح طلعت من بيتي الساعه 9 و دخلته الساعه 2 باليل و كل ده بسبب الفتيس المنيل ده و في الآخر كمان يبوظوه

المهم الحمد لله و ربنا يسهل و تخلص ان شاء الله

انا دلوقتي شايلها على كساحه و هوديها لواحد هيحلها و يشوفلي ايه اللي حصل و و الله العظيم حرام يتقال عليهم مهندسين هو مهندس واحد اسمه شريف اللي محترم و المهندس اللي في كيا اللي جه من نفسه و اتكلم معايا و فهمني ايه الحاجات اللي ممكن تعمل كده

فرع العامريه اسكندريه و ده هو المركز الرئيسي

لكن فرع سموحه مش بيشتغل في الفتيس

سؤال مهم .. دلوقتي الحمد لله انا خلصت العربيه و باقي شوية تظبيطات بسيطه أن شاء الله

انا ركبت فتيس آخر استيراد و جربته و غيرت حاجات كتير فى الموتور بالمرة زي ترس الكام ديفييزر و الترس اللي جنبه و و البليتين و اتنين اوبا سيل في نفس المكان و الطبات يعني تقريبا كل حاجه و غيرت السيور

بس دلوقتي انا لسه مغيرتش زيت الفتيس و لسه محتاجه تتظبط على الكمبيوتر لان احنا خلصنا شغل فيها متأخر امبارح و النهارده الاحد اجازه فأنا روحت بيها عشان اجربها و نبقى نظبط الكمبيوتر بكره أو بعده ان شاء الله

دلوقتي ايه رأيكم في تغيير زيت الفتيس ? و ايه رأيكم في النوع ? و يا ريت الاسم بالكامل ?

هما بيقولولي أن الزيت عندي كويس و مش محتاج تغيير و الفتيس ناعم في النقلات و الراجل اللي جبت منه استيراد بيحلف أنه طالع من عربيه ماشيه 25 الف كيلو

و كمان سؤال عن الاستبترونيك عشان هوا فصل عندي من فتره يعني يجيب الغيار اللي انت عليه لكن العصايه مش بتغير فايه اللي بيحتاج يتغير و سعره في حدود كام

و أهم حاجه نقطة زيت الفتيس عشان دي اللي محيراني اغيره ولا ازوده بس عشان قلقان من حكاية gearbox overheating لان القديم كنت ممكن امشي بيه على 190 من أول الصحراوي لاخره من غير اي مشكله

منتظر آرائكم عشان نكمل الشغل بكره ان شاء الله و يا رب تكمل على خير و يكون الفتيس كويس