سعر فتيس ميجان 2

**M_samir** · 03-02-2014 03:02 PM

بوبينة او كويل

**Shiref_mohamed** · 03-02-2014 10:03 PM

المشاركة الأصلية كتبت بواسطة midofayad

سؤال مهم .. دلوقتي الحمد لله انا خلصت العربيه و باقي شوية تظبيطات بسيطه أن شاء الله

انا ركبت فتيس آخر استيراد و جربته و غيرت حاجات كتير فى الموتور بالمرة زي ترس الكام ديفييزر و الترس اللي جنبه و و البليتين و اتنين اوبا سيل في نفس المكان و الطبات يعني تقريبا كل حاجه و غيرت السيور

بس دلوقتي انا لسه مغيرتش زيت الفتيس و لسه محتاجه تتظبط على الكمبيوتر لان احنا خلصنا شغل فيها متأخر امبارح و النهارده الاحد اجازه فأنا روحت بيها عشان اجربها و نبقى نظبط الكمبيوتر بكره أو بعده ان شاء الله

دلوقتي ايه رأيكم في تغيير زيت الفتيس ? و ايه رأيكم في النوع ? و يا ريت الاسم بالكامل ?

هما بيقولولي أن الزيت عندي كويس و مش محتاج تغيير و الفتيس ناعم في النقلات و الراجل اللي جبت منه استيراد بيحلف أنه طالع من عربيه ماشيه 25 الف كيلو

و كمان سؤال عن الاستبترونيك عشان هوا فصل عندي من فتره يعني يجيب الغيار اللي انت عليه لكن العصايه مش بتغير فايه اللي بيحتاج يتغير و سعره في حدود كام

و أهم حاجه نقطة زيت الفتيس عشان دي اللي محيراني اغيره ولا ازوده بس عشان قلقان من حكاية gearbox overheating لان القديم كنت ممكن امشي بيه على 190 من أول الصحراوي لاخره من غير اي مشكله

منتظر آرائكم عشان نكمل الشغل بكره ان شاء الله و يا رب تكمل على خير و يكون الفتيس كويس

المفروض ان الى ركبه يكون كشف على زيته ولو تمام خلاص مفيش داعي لتغييره دلوقتي

**amrmohsen222** · 08-06-2014 07:51 PM

اولا اللي استورد السياره الميجان والله المفروض يتحاكم نفسي اسال حد جاب ميجان ويقولي صرف كام عليها انا عندي نفس مشكلة الفتيس ووقعت ف ايد شوية نصابين والله لو بايد لضربتهم بالنار الحل من الاول للفتيس تغييره ومفيش حد يجيب ميجان تحت اي وضع اولا بالرغم من سعرها الغالي قطع غيار نار وابتزاز ودوله مفيهاش معايير تحمي شعبها من النصب القانوني ميكانيكيه ولاد كلب للاسف الشديد انا والله ناوي لترين بنزين واولع ف العربيه دي

**midofayad** · 08-06-2014 07:58 PM

المشاركة الأصلية كتبت بواسطة amrmohsen222

اولا اللي استورد السياره الميجان والله المفروض يتحاكم نفسي اسال حد جاب ميجان ويقولي صرف كام عليها انا عندي نفس مشكلة الفتيس ووقعت ف ايد شوية نصابين والله لو بايد لضربتهم بالنار الحل من الاول للفتيس تغييره ومفيش حد يجيب ميجان تحت اي وضع اولا بالرغم من سعرها الغالي قطع غيار نار وابتزاز ودوله مفيهاش معايير تحمي شعبها من النصب القانوني ميكانيكيه ولاد كلب للاسف الشديد انا والله ناوي لترين بنزين واولع ف العربيه دي

هدي نفسك بس عشان هيا عربيه تجيب الضغط اساسا
و الله العظيم انا صارف عليها في سنتين اكتر من 100 الف جنيه
و هي عربيه نحس اساسا و موضوع الفتيس خدت فيه شهرين لغاية ما خلصته لأني كنت عايز اغير شوية حاجات كمان و اشتغلت مع شويه نصابين و قطع غيار بايظة و حوارات
و بعد كل ده بشهر عملت حادثه و جبتلها نص عشان اخد منه الحاجات اللي انا عاوزها بعيد عن وجع الدماغ مع النصابين رغم اني مكنتشمحتاج نص بس هو كده اوفرلي من أني اشتري حاجه حاجه و لو رجع بيا الزمن كنت اشتريت نص من أول يوم و كنت اتسلي فيه براحتي و مكنتش هصرف ربع اللي انا صرفته و كانت هتبقي حاجات مضمونه عن القرف اللي موجود عند الناس بره

نصيحه مني لو هتخلي العربيه دي معاك هاتلك نص كامل مش ناقص ولا مسمار و هتريح دماغك من أم الصنايعيه و النصب و هتوفر فلوس كمان