الموضوع: بتعمل إيه مع سايس العربية

المشاركة الأصلية كتبت بواسطة amir

مهذبه ايه و رزله ايه بس
دول شويه بلطجيه بيفكروني بافلام الحرافيش و الاتاوات
و اللي يجنن ان الحكومه مسيبنهم علينا
و دول ولا غلابه ولا حاجه دول بلطجيه صرف
تعالو نحسب حسبه صغيره كده عن المهنه دي
يقف النطع من دول يستهلك علبه سجاير مثلا و كام كوبايه شاي= 5 جنيه في اليوم مثلا
هناخد مكان علي سبيل المثال السراج مول و مول الكمبيوتر اللي جنبه
في خلال ساعه واحده متوسط العربيات اللي بتقف و تطلع هنقول 20 عربيه
و في خلال اليوم بيقف اخينا ده من 9 الصبح الي 11 12 باليل
هنقول 14 ساعه
يبقي عدد العربيات = 14 * 20 = 280 عربيه في خلال اليوم
شوفو انتو بقي من عدد العربيات دي ممكن ياخد بالميت نص جنيه و ممكن يبلطج شويه علي الناس و ياخد جنيه غير الناس الحلوه اللي بتدفع 2 او 3 او حتي 5 جنيه
يعني اليوم بتاع سيادته بيقفل فيه من 200 جنيه بالميت الي 300 جنيه او اكتر
يعني الشهر علي الاقل بيطلع منه 6000 جنيه بالميت و علي اقل تقدير و دون حساب ايام الخميس و الجمعه اللي الناس بتخرج اكتر فيهم

مين فينا بقي بياخد 6000 جنيه شهريا من غير ما يعمل حاجه قدامهم؟!!!

والله يا باشا كلامك صح ومية مية، بس ال 6000 جنيه دول بيتقسم بينه وبين المعلم الكبير اللى مشغله . أصل اللى أنا اعرفه ان كل منطقة ليها ريس كبير هو اللى بيشغل العيال دى ويخمس معاهم فى الفلوس يعنى دول ناس غلابة بيكسبولهم 3000 جنيه بس فى الشهر يعملوا إيه دول فى الغلا إلى إحنا فيه وشقيانين طول النهار