هو في الفيديو ده هو بيعمل ايه في التكييف بالظبط ؟
[youtube]https://www.youtube.com/watch?v=Z69ghs_uYco[/youtube]
عرض للطباعة
هو في الفيديو ده هو بيعمل ايه في التكييف بالظبط ؟
[youtube]https://www.youtube.com/watch?v=Z69ghs_uYco[/youtube]
الفيديو ده بيشرح ازاي تمسح أعطال التكييف التاتش من وحده التاتش نفسها بدون برنامج أعطال
انا جبت المروحة الصغيرة بس بتشتغل لما نجربها مباشرة مع البطارية ومش بتشتغل مع التكييف بما تتوصل بفيشتها عادي و جربنا فيشتها علي لمبة نورت اللمبة
الكهربائي فتي ووصلهالي بسلكه مع الكومبريسور فاشتغلت ١٥ ساعه كويس مع التكييف ووانا في الطريق التكييف كله فصل بصيت لقيت فيوز فصل غيرته اشتغل و بعدها فصل بردو ، كنت عايز اعرف اتصرف ازاي عشان شكل الكهربائي مش شاطر ؟
انت عندك التكييف التاتش صح؟ عموما لازم تكشف عليه ببرنامج vcds وتشوف طالع عطل ايه لاني شاكك في حاجه من اتنين ياما كتاوت المروحه بتاعت التكييف او سويتش تشغيل المروحه اللي بيشتغل لو درجه الحراره هتعلي علشان الموتور مايسخنش عموما اكشف وقوللي اكواد الاعطال وانا هقولك بالظبط اللي فيها وقبل ماتكشف وصل المروحه بفيشتها وربنا يسهل وتطلع بسيطه بس متنساش تقوللي الاكواد اللي طلعتلك
انا كده هستني لما ارجع من سفري عشان مش معايا الكابل هنا
هو في حل تاني مانيوال اقدر اشوف بيه العطل ده ولا الاحسن استني لما ارجع و اشوفها ع الجهاز ؟
هي المروحة بتشتغل المفروض بمجرد مانا افتح التكييف مش كده ؟
انا روحت للراجل بتاع التكييفات اللي بيكشف بالكمبيوتر في المنطقه اللي انا فيها ، قبل ما يوصلي الكمبيوتر بص و جرب حاجات و قالي انت الكومبريسور و المروحة الاتنين مش لاقطين مع التكييف لكن شغالين بكهربا مباشرة ، روح لكهربائي
ببص علي شاشة التكييف لقيت درجة حرارة العربية ظاهره صفر سيلزيوس !
دورت علي اكتر من كهربائي لقيت كله قافل عشان النهارده الاحد
الحمد لله اخيرا وصلت للمشكله و اتحلت طلعت مشكله فيوز عمومي كبير و كل حاجه اشتغلت
بس التكييف مش بيسقع كويس رغم ان الفريون ٢٥٠ مظبوط
طيب تمام الف مبروك وبالنسبه لموضوع التسقيع اغسل السربنتينه بمسدس مياه من ادام وجرب بس لو معملش حاجه وفضلت زي ماهي معلش استناني لبكره علشان الابتوب بتاعي عليه كميه الفريون المظبوطه للعربيه بس تقريبا كدا الفريون قليل وعايز يزيد شويه بس هتاكدلك من الرقم الصحيح وان شاء الله خير
الله يبارك فيك ، حاضر و ربنا يكرمك شكرا :-)اقتباس:
المشاركة الأصلية كتبت بواسطة ahmed saad
كان في مركز صيانة عامل يوم فحص مجاني روحت عنده فحصت قالي عندك 4 حاجات اولا حساس شكمان و قالي متغيروش دلوقتي عشان مشكلة غش البنزين في المحافظة عندنا ملوش حل في الفترة دي استني شوية
تاني حاجة حساس درجة الحرارة الخارجية
تالت حاجه بيقولي ان ظاهر عنده ان العربية فيها مثيت سرعه و طارة مالتي رغم انهم مش موجودين و قالي يبقي الطارة دي مش بتاعت العربيية
و اخيرا بيفتح غطا زيت الموتور قالي في تبخير بسيط كده الموتور خفقيف 60 % كفاءة
كنت عايز رايكوا هل فعلا استني شوية علي حساس الشكمان و صحيح الموتور خفيف كده و كده محتاج تغيير ولا لأ عشان انا حاسس بيه عادي في السواقه
و لو جبت طارة مالتي مثبت السرعه و الكونترول بتاع الكاسيت هيشتغل عادي ؟
معلش عايز مساعدتكم خدت عربية اخويا باسات 2002 مانيوال مرة واحدة العجلة اللي ورا شمال قفشت مبتتحركش ولم امشي عليها كاني شادد الهاند جبيت الميكانيكي قالي عايزة طنابير خلفي و تيل خلفي و2 ماستر خلفي غير ان العربية فيها كوبلن شمال عايز اسعر الحاجات ديه ضروري عشان هنزل اجيبها من الحرافيين
السلام عليكم
ارجو من الاخوة فى المنتدة مساعدتى فى قطع غيار سيارة باسات 1999 مانيوال 1600
عملت حادث والحمد لله ربنا نجانى بس العربية اتبهدلت عايزة كبوت ورفرف وصدر كامل بتجهيزاتة وفوانيسة وفى فردة شاسية مخزنة
ارجو الافادة
احد اعضاء الرابطة اسمه اسلام عرفني علي تاجر اسمه القاضي في شارع المرسيدس في الحرفيين و كرمنا في السعر جدا .... انت روح قوله انا جايلك من طرف اسلام اللي اخد منك المروحة و قالك ان كل اصحابه معاهم نفس العربية ده و بعتلك دكتور من الصعيد اخد مروحة بردو بس متقولوش علي وجود رابطة او جروب علي النت
ا.محمد القاضي 01285247565
السلام عليكم
انا بفكر انزل بورسعيد اشترى نص كامل بيقولوا الاسعار هناك رخيصة
معنديش فكرة استني بقي ا.احمد سعد يرد عليكاقتباس:
المشاركة الأصلية كتبت بواسطة hmdapas
السلام عليكم
ارجو منكم الافادة باسرع وقت لية مفيش رد وجزى الله الاخ الكريم اللى رد كل خير
بص ياباشا الصدر كامل بتاع العربيه في الحرفيين بالاكصدامات والريداتير وسربنتينه التكييف والفوانيس والشبكه ب 2400ج الكبوت حوالي 600ج والرفرف حوالي 300ج فرده الشاسيه مافيدكش لاني مش شايفها فمقدرش احكم بس غالبا هتبقي سهله وهتتظبط بزراجين وهما سهلين ان شاء الله لانهم مش لازقين في جنب العربيه من ادام وبالنسبه لقطع الغيار في بورسعيد تقريبا نفس تمن القاهره او اقل حاجه بسيطه جدا يعني ممكن تلاقي فرق 100 او 200 ج بس يعني لو انت من القاهره خليك في الحرفيين في شارع المرسيدس هتلاقي مرادك ان شاء الله والموضوع كله باذن الله مش هيعدي 5000ج وعذرا غلي التاخير في الرد لظروف خارجه عن ارادتي وانا متابع معاك واي استفسار انا تحت امرك
معلش ياباشا انا شفت انك من اسكندريه اقربلك خليك في بورسعيد تاخد الدولي لاخره تبقي في بورسعيد وجيب اللي انت عايزه من هناك وان شاء الله خير
بص ياباشا موضوع العجله ده حصل معايا في العربيه وفي نفس العجله وانا صلحتها بنفسي والتكلفه كانت 5ج بص ياسيدي الماستر الخلفي انا حليته وفورته علي منجله الزور بتاعه قلاووظ فكيته وفيه اولسيه جلد مدور كده غيرته وده اللي تمنه 5ج فكيت القديم ورحت لواحد بتاع قطع غيار قولتله عاوز زي ده وكان بتاع قطع غيار كوري جبت نفس المقاس وركبته في مكانه وركبت البستم مكانه قلاووظ وركبت الدشمه وخدت هوا من العجله وكله تمام وبقالها معايا بتاع 9 شهور وزي الفل لو مش دماغك انك تصلح يبقي الماستر الخلفي 200ج والطنابير جديده 500ج والتيل الخلفي 150ج توبران ماركه محترمه وعندك بوش 200ج الكبالن انا لسه جايب من كام شهر جوز وكان الواحد عامل 320ج ماركه اسمها gknالماني وعندك توبران برضه كويس ونفس السعر واوعي تجيب الكوبلن اللي في العلبه اللي شبه الاصليه لانه صيني مضروب ومتجيبش تيواني ولا بتاع بالنسبه للطنابير والتيل والكبالن هتجيبهم من التوفيقيه عندك فتح الباب انا مجرب حاجته وكويسه الي حد ما ده بالنسبه للي سالت عليه لانه مستورد حاجات توبران ودي القطع اللي بقت مضمونه في السوق وانسي اي حد يقولك اصلي لان بعد لف علي جميع محلات قطع الغيار في مصر مفيش قطع غيار اصلي بقت بتنزل خلاص فعن تجربه احسن الوحشين التوبران ده كويس ودي شركه المانيه بس درجه تانيه مش a1 واي استفسار انا تحت امرك
بص ياباشا مبدايا كده الكفتجيه ليها ناسها وده واحد منهم اولا لما يقولك حساس شكمان ومتغيروش دلوقتي هوا كده بيوفرلك 300ج وبيلبسك في استهلاك بنزين عالي يعني اللي هتوفره في تمن الحساس هتدفعه في الاستهلاك الزائد والحساس اصلا استيراد ب300ج وبعدين انت عنك لمبه التشيك او epc منوره المفروض يخش ببرنامج vcds ويمسح الاعطال وبعدين لو عطل الحساس فضل يبقي حساس بايظ وبرضه تعرفه من الاستهلاك المهول للبنزين تاني حاجه لو كان بيكشف ببرنامج vcds اول مايفتح ال SCAn بيلاقي كل الاوبشانات موجوده امامه يعني بيلاقي مثلا ال Navigation موجود ايقونه ليها يبقي كده عربيتي فيها Gps لا طبعا وعموما علشان تتاكد طلع الدريكسيون لبره او عدل اتجاهه هتلاقي غطا فبر بيتفك بمسمارين من تحت هتفكه هتلاقي الضفيره بتاعت دراعات النور والمساحات لو لاقيت سلوك اوفيش مش متركبه يبقي فيها طاره مالتي ومثبت واتشالو بس مش هتلاقي حاجه لان الطارات المالتي مرميه مش نادره يعني لو كانت باظت من اللي قابلك ماكنش هيدوخ انه يغير ها وبالنسبه لحساس درجه الحراره الخارجيه بيتغير عادي وتمنه 100ج جديد فيبي الماني بالنسبه لموضوع الموتور هوا معاليه شغال جهاز كبس موتور علشان يقولك 60% بالبق لازم يكشف علشان يكون كلامه صح يعني كبس الموتور الصح بيبقي بعداد بيركب مكان البوجيه وبيتقاس كل سلندر لوحده وبتتحسب قوه الموتور صح ده ادق طريقه لقياس كبس الموتور مش بالبق الطاره المالتي تشتغل لو بضفيرتها وكاسيت يدعم المالتي ومثبت السرعه بتركب بس بيتغير كنترول موتور مدعم لمثبت السرعه وطبعا بضفيره يعني موضوع مش مستاهل في اجهزه مثبت سرعه بتتباع وبتتركب بس معرفش تمنها بيبقي كام ومعلش علي التاخير في الرد واي استفسار انا تحت امرك
والله يا استاذ احمد انت جامد جدا ماشاء الله .. هو انا عندي مكنش في ولا لمبة اتشك منورة اصلا و استهلاك البنزين عالي مع بنزينات معينة و كويس جدا لما افول من وطنية مثلا وهو كشف بجهاز شبه التاب كده بس اكبر شوية بيدعم كل العربيات ... و هشوف موضوع المالتي ده و اقولك وصلت لايه...وياريت لو تعرفني اعرف ازاي ان فلتر البنزين و البوجيهات عايزين يتغيروا ؟
شكرا للرد
طب ممكن حضرتك حد كويس اجيب منة وسعر النص فى حدود كام نص كامل
طيب بص ياباشا لو الاستهلاك بيفرق من محطه لمحطة هقولك على حاجه تعملها وإن شاء الله مش هتحتاج تغير حساس شكمان بص هتتفتح الكبوت هتلاقىحساس الشكمان راكب ععلى الشكمان من فوق من عند الشجره من ورا هتلاقيه عباره عن صباع داخل في الشكمان هتفكه بمفتاح 22 تقريبا مش فاكر اوى المهم تفكه وتنضف الرأس اللي داخله في الشكمان هتلاقى عليها هباب وسواد نضفه بالراحه واغسله ببنزين لغايه ما تنضف كل اللى فيه وركبه تاني وان شاء الله الدنيا تظبط معاك في الاستهلاك وبالنسبه لفلتر البنزين والبوجيهات البوجيهات لو اصليه تغيرها كل 40000كم والفلتر غيره كل 10000كم بما ان البنزين عندك وحش وتحسهم لما يتكتموا أن العربيه سحبها قل واداءها أقل وأهم حاجه تجيب بوجيهات اصليه أوngk من التوكيل في مصر في صقر قريش المعادي لو امكن والفلتر حاول تدور علىاالأصلي وان شاء الله تتظبط معاك وتبقى زي الفل وأي استفسار انا تحت أمرك
انا عرفت ان الزيت الاحمر بتاع الفتيس مينفعش و للاسف انا لما اشتريت العربية كان لسه الراجل مغيره من يومين و قالي متغيروش وانا ماشي عليه
كشفت ع الفتيس ملقتش فيه مشكله لكن مش لاقي حد جنبنا هنا عنده جهاز الشفط بتاع زيت الفتيس هل ممكن الزيت يتصفي عادي زي زيت الموتور و بعدها احط الزيت الابيض ؟
و مفيش هنا زيت فيبي في زيت ابيض تاني اللتر ب ٩٥ احطه و خلاص ؟
بص ياباشا الموضوع ده اكبر غلط في حق الفتيس لان الزيت الاحمر معدني وتقيل وكله شوائب بعكس الابيض التخليقي النقي وكمان الزيت الابيض موصل للكهرباء علشان الحساسات بتاعت الفتيس من الداخل ده غير ان الزيت مخلوط مع زيت ابيض وده برضه غلط عموما لازم تنزل بيها مصر وتروح لاحمد زاهر اللي في صقر قريش المعادي بتاع فتايس اوتو وهينزلك الزيت وينضف الفالف بدي وتجيب الزيت الفيبي من مصر مع فلتر زيت فتيس وان شاء الله تتحل بس نصيحه ماتمشيش عليه وتكسل وتقول مش مشكله علشان الموضوع ده يطيرلك فتيس علي طول وان شاء الله خير واي استفسار انا تحت امرك
السلام عليكم
عايز افضل مركز صيانة عندنا في اسكندرية
السلام عليكم
شكراا للرجالة اللى ردو على الاسئلة اللى كانت عندى فى باسات م 2000- 1600 cc اتوماتيك
عندى مشاكل ياريت فى رد
1- ساعات اشم ريحة العادم بتاع السيارة وبيكون الحريق مش مظبوط (نى)
2- السيارة بحس انهى تقيلة فى المشى والسحب
3- العفشة بتعزف سينفونية وانا ماشى (عاوز حد مش نصاب ياما يصلحها او اغيرها
ولكم منى كل التحية والاحترام
بص ياباشا أولا بالنسبه لريحه العادم وتقل السحب في السياره اكشف على العربيه بجهاز الأعطال Vcds وشوف هيطلعلك أعطال ايه وياريت لو تكتب أكواد الأعطال هنا وانا اقولك فيها ايه بإذن الله بس أولا لو بقالك كتير مغيرتش بوجيهات وفلاتر لازم تغيرهم وتنضف البوابه وتشوف لأن موضوع الحرق الني ده مشكلته ياما حساس شكمان أو ايرماس المهم اللي يحدد جهاز الأعطال علشان مانقولش حاجه وتطلع حاجه تانيه وبالنسبه للعفشه الأول روح اغسلها من تحت وبعد ماتتغسل وهيا مرفوعة انزل تحتها وأمسك كل مقص لوحده وهزه جامد بايديك لو حاجه اتهزت معاك يبقى المقص اللي اتهز بايظ ولو مافيش حاجه اتهزت معاك وكلهم سلام امشي بالعربيه بعد ماتغسل من تحت وهتلاقيها نعمت معاك لاكن لو مانعمتش ولسه فيها صوت طقه يبقى جلب المقصات اتهرت ودي ممكن تشوفها بالنظر وهيا مرفوعة تشوفها من جنب المقص لو لاقيتها مشققه يبقى برضه المقص يتغير ونصيحتي لو هتحتاج تغير طقم المقصات الامامي جيب الطقم الفيبي أو السواج دول الانضف في السوق وهتلاقيهم غاليين هيخشوا في 3500-4000ج بس انساهم وبالنسبه للي يركبهملك يكون واحد متخصص فولكس وبيفهم في العربيه وهما عموما سهلين في فكهم وتركيبهم وانا رافع فيديوهات لطريقة تغيير الطقم الامامي هنا في الموضوع وأي استفسار انا تحت أمرك
طيب انا لقيت هنا الزيت الفيبي و لقيت حد يغيرهولي بس مش عارف هيعرف ينضف الفالف بدي ولا لأاقتباس:
المشاركة الأصلية كتبت بواسطة ahmed saad
اغير الزيت عنده و خلاص عشان مش هقدر اسافر قريب ؟
بص علشان الظروف سيبها على الله ونزل الزيت وفك الكارتيره بتاعت الزيت وخلي الزيت يتصفي خالص وغير فلتر الزيت بس لازم تكون العربيه باردة علشان الفالف بدي ميتعرضش لهوا بارد وهو سخن فيفقع وغير واركب كل حاجه وحط الزيت اول 3 لتر بيتحطوا عادي واللتر الرابع ارفع العربيه من تحت السواق ودورها وادي r للفتيس وحط الرابع واقفل الطبه وأبقى غير الزيت تاني بعد 25000كم والفلتر تاني وربنا يسترها وخير إن شاء الله
اه والف اه من مشاكل تسريب الزيت النهارده بفتح الكبوت الاقي الفتيس من تحت القربه بتاعت المياه منشعه زيت والزيت ده لونه بني مش ابيض يعني مش زيت الفتيس الحمد لله بعد الفحص والتنطيط اكتشفت انه زيت الكرونه وطبعا للمعرفة فتيس الباسات الاوتو الكرونه بتاعته منفصلة وراكبه من بره على الفتيس وليها طبه تزويد موجوده جنب الكوبلن الداخلي الشمال طبه بالانكيه سداسي أن شاء الله هغسل الفتيس وهغير زيت الكرونه وهقولكوا أن شاء الله على التفاصيل وربنا يسترها
شكرا ، انا هروح شفط الزيت و اغيره النهارده ان شاء الله والحمدلله ان عربيتك طلع فيها المشكلة زيت بسيط مش زيت الفتيس :-)اقتباس:
المشاركة الأصلية كتبت بواسطة ahmed saad
معلش طلب صغير
كنت عايز اعررف اماكن اكشف علي b5 1997 1600 auto
بس ياريت يكون مكان كويس
شكرااا