طب تمام زي الفل انا فعلا فكيته بس كنت سايبه مع واحد صاحبي فضيع الاي سي اللي كان ضارب ومش عارفيين نجيب رقمه فشكلها كده فيها طلعه للحرفيين ... عموما انا هستني الخريطه بتاعت الفيوزات دي اما تنزلها وربنا ييسر الحال
عرض للطباعة
آسف جداً اتأخرت فى التقرير بتاعى :) نظراً لبعض الظروف
المهم حقول النقط المهمة لأنى أعتقد انها حتفيد ناس كتير
المشكلة كانت العربية لما بعدى بعض المطبات الرخمة شوية أول ما أعدى بالفردتين اللى قدام العربية بتنزل تهبد على المطب أو ساعات تحك جامد من تحت
بالنسبة للفحص رفعنا العربية وكشفنا على المساعدين والمقصات واليايات والتشخيص جلب المقصين قدام تحت (العدلين مش المحنيين) بايظين
الحل جبنا جوز مقصات جداد (نوع اسمه rts ألمانى وتمنهم ٩٠٠ جنيه للمقصين)
الحقيقة مكنتش مقتنع أوى بالموضوع بس بعد التغيير فرق كتير فعلاً الأداء وحتى الآن متكررش موضوع الهبد والحك على المطبات الحمد لله
بعد كده قالولى روح اظبط زوايا بس وانا ماشى بقيت اسمع صوت زى نشر الألوميتال وأنا ماشى ومع الفرامل بحس الدواسة بتتهز جامد وبتبان اوى لما اهدى بالعربية جامد لما سرعتها تقل وتقرب تقف
رجهتلهم فحصوا التيل والطنابير وقالولى كان فيه صفيحة بتحك فى الطنبور وعدلناها
مشيت لقيت الأمور احسن وهى ماشية بس موضوع الفرامل لسه فقالولى اظبط زوايا الأول
رحت بريدجستون اظبط زوايا وقالى خلى العفشجى يظبط العجلة اليمين نص درجة للخارج والشمال نص درجة مش فاكر فى اى اتجاه عشان متحدفش منك يمين ولو مش حاسس بيها اوى نظبط على كده فقلتله اظبط المهم ظبط الزوايا على كده وخرجت لقيت الفرامل احسن لكن مازال العيب موجود بيبان لما اهدى جامد
رجعت تانى لمركز الصيانة واحنا بنتكلم الميكانيكى بتاعهم سمعنا فقالى دى عيب abs
بصراحه كلامه مش مقنع حط العربية على الجهاز مقالش فيه مشكله
رفعنا العربيه وفكينا الحساسات من جنب العجل قدام من جوه لقينا الحساسات فعلا عليها شحم خفيف وتراب
رشوهم بال wd 40 ونشفوهم وركبنا وطلعت اجرب
لقيت الدنيا ظبطت وزى الفل بصراحة كنت مستغرب اوى من التشخيص ده ومكنتش مقتنع خالص بس النتيجة هى اللى حكمت فحبيت احكيلكم القصة دى يمكن حد منكم يواجهها فيبقى عارف المشكلة فين بدل ما يلف ويدور زى ما حصل معايا
الاستاذ الفاضل /احمد سعد.. استفسار بخصوص موتور tsi 1400
هو ينفع نحط 92 على 95 ولا غلط .. ولو نويت اغير واحط 95 .. لازم التانك يفضى من 92 ولا عادى.. وسؤال مهم جدا جدا .. دلوقتى لو غيرت وحطيت 95 .. وفضلت ماشى عليه كتير يعنى سنتين او اكتر .. وحصل ظرف .. مثلا خلانى ارجع ل92 .. او بعت العربيه لواحد المفروض والغالب انه هيستعمل 92 .. العربيه هتبقى ايه حالتها .. طبيعى هيقل السحب ودا عادى ..لكن يعنى هتبقى عاديه ولا ممكن يأثر ويسبب اضرار لاقدر الله عليها
جارى البحث عن بليه امامى للباسات 2000
بعد ما جبت واحده صينى مكملتش يوم والله العظيم غير الفك والتركيب والخراط
لن استعمل قطع غيار الا الالمانى
بص عادي انك تحط 92 على 95 والموضوع ده بيعملو الناس اللي معاها الباسات 2008 ال1600 fsi لأن الموتور ده لازم 95 فبيخلطو 92مع 95 علشان يقل التسقيف وطبعا الأداء هيختلف مع بنزين 95 كتير ولو رجعت 92 بعد 95 عادي المشكله كلها في موضوع البنزين أن الموتور يسقف أو لا يعني لو مش بيسقف مع 92 يبقى تمام ومفيش اي مشاكل هتحصل في الموتور مشكله الموتور مع البنزين التسقيف والرصاص وغالبا بنزين مصر خالي من الرصاص لاكن توكل على مافيش مشاكل طالما زي ماقولتلك مش بتسقف وان شاء الله خير
والله مش فاكر صفحه كام بس دور في آخر 10 صفحات وعموما انا لما غيرت طقم الرشاشات كان عندي مشكله في رشاشين فجبت طقم رشاشات استيراد وبالصدفة جبت اللي معايا والمسطره كامله بالرشاشات كنت جايبها ب300ج وغيرت معاها الموبينه علشان كانت باظت ب300ج استيراد وكنت بالصدفه ببص على الرشاشات من تحت لاحظت انها فيها 2 فتحه زي خرم الابره والقديم اللي عندي كانت 4 فتحه وفرقت جدا في استهلاك البنزين لحد ماوصل معايا والحمد لله اني عملت 236كم بأول شرطه في عداد البنزين بس وانا رافع مع التعليق ده صوره لعداد عربيتي هتلاقيها في آخر كام صفحه وخلي بالك انا برضه سواقتي هاديه شويه يعني مش بدي كيك داون كتير وبدي الفتيس راحته في النقل ده غير ان اغلب مشيي سفر في طريق مفتوح وفعلا كان موضوع كويس ووفر معايا الحمد لله كويس
بص هتاخد البليه القديمه وتنزل بيها التوفيقيه وتروح لتوكيل skf بتاع البلى وفيه واحد برضه جنب محطه احمد عرابي بتاعت المترو على صف بنزينه موبيل ده شغال في البلى الياباني الkoyo والالماني skf و zf هتديله البليه وقوله عاوز بليه زي دي وهيجيبهالك نفس المقاس بإذن الله وهتنساها لأن الناس دي بتشتغل في البلى بس فبيجيبوا بلى اصلي مش صيني مضروب شوف كده وتوكل على الله وأن شاء الله خير
اسعار من الحرفيين (احمد القاضى)
شورت بلوك 1600 باسات 2000 ب 3500
عفشه امامى كامل طقم المقصات بالمساعدين بالطنابير بالكبالن 3000
راس كوبلن استيراد 150 و فى جديد صينى ب 150 و الايطالى ب 300
جوز مقصات شمال (المقصين الكبار اللى تحت) 400
بيضه تيش طرف 150 و جديدة ب 150 بردو
عداد الكيلو الصغير صفر لوحده لما عمل 2000 و ابتدي يعد من جديد
ايه ده حد يفهمني هو بيتبرمج ولا ايه؟
السلام عليكم
اولا احب اوجه الشكر للمهندس احمد سعد لانه افادنى كثيرا فى عربيتى الاودى
وتم بحمدالله تغير الفتيس وضبط العفشه عند شخص قمه فى الاخلاق والسماحه فى المعامله وفوق كده شاطر جدا وعنده كفائه عاليه فى جميع اعطال الفتيس الالمانى وخبره عاليه فى الميكانيكا والعفشه والعنوان فى جسر السويس
ورقم الموبايل م ايمن الشرقاوى ومحمود الشرقاوى
01277130245
01273560872
هو استهلاك العربيه الطبيعى فى البنزين ايه انا العربيه بتعمل معايا 400 كيلو فى التانك كلو هى 1600 و لما بفولها بتاخد 55 لتر و بيعملو 400 كيلو شويه سفر و شويه داخل المدينه هل الاستهلاك دة طبيعى و لا لا
لا طبعا زياده انا عندي بتعمل في السفر 450كم بنص التانك ولما بفولها بتاخد 35لتر وفي البلد بتعمل 370كم بنص التانك برضه بس الموضوع ده اتظبط معايا بعد ماغيرت مسطره الرشاشات لما باظ فيها رشاش بواحدة استيراد والحمد لله بس عموما العربيه استهلاكها من الكتالوج في السفر 7لتر/100كم وفي البلد أو الزحمه 11لتر/100كم ده للاوتوماتيك
طيب اعرف ازاى ان فى عندى مشكله فى الرشاشات او اى حساس
عايز اعرف سعر كارتيرة الزيت و الجوان و ال sensor كل دول بكام وشكرا علي المساعدة
مشكورين على الرد
زيت الباور المطلوب للباسات موديل 2000 اسمه (G002000) والمواصفة دي حتلاقيها في زيت Valvoline Synpower او نوع تاني اسمه Pentosin CH11 ودا حتلاقيه عند بتوع النقل التقيل مش الملاكي والأتنين لونهم اخضر ( مش ابيض ولا احم)
كنت بسأل عن حساس الاير ماس وهل فيه منه جديد ولا استيراد وهل هو مهم ؟
تحياتى لكم
بص الايرماس طبعا مهم لأنه بيحسب كثافة الهوا اللي داخل للبوابه ومنها الكنترول بيظبط الحرق بتاع البنزين ولو بايظ الاستهلاك في البنزين يزيد وتحس ببرجله في الموتور وصعب تلاقيه جديد هتلاقيه استيراد بس لانه حساس كبير وعلى فكره ليه اسبراي تنظيف بتاع حساس الايرماس واي استفسار انا تحت امرك
ربنا يخليك لينا يا أستاذ / احمد سعد
هدور عليه لو تعرف حضرتك رنج سعره كام واجيبه منين وايه الطريقه اللى بيها اعرف انه سليم بعد الشراء
لو سمحتو يا رجاله عاوز اعرف سعر باسات 5.5 موديل 2003 او 2004 كامله اتوماتيك فتحه سقف 6 او 8 ايرباج 1800 تربو فتيس ستيبترونك ؟؟؟ وقطع غيار موتور 1800 تربو متوافره وبسعر معقول ولا لا ؟؟؟؟ وبيتحطله بنزين 92 عادى؟؟
السلام عليكم ورحمه الله وبركاته
تحيه طيبه للمهندس أحمد سعد وكل أعضاء نايل موتورز
معايا أودى b6 / 2002
ستيب ترونيك 6 نقلات
فتيس C V T
6 اير باج
فرش جلد
مخادع للظهر كهرباء
سينسور بارك
،Lcd dvd
ماشيه 180
جنوط 16
رشه بره
محتاج اعرف تعمل فى حدود كام لأن بفكر فى البيع
يا ريت صور العربيه و الحاله و السعر المتوقع و ان شاء الله اعتبرها اتباعت
لو نظيفه جدا هتعمل 80 ل 85 قطع غيار الموتور ال 1800 التيربو مش اوى لكن العادى متوفر البنزين 92 عادى على التربو لكن ال 1800 العادى 80 شغال
الف شكر لاهتمامك والرد عليه بس انا عاوز اعرف مش متوفر اوى ده يعنى موجود عند حد معين ولا نادر الوجود والفرق بين ال 1800 عادى والتربو التربو بس ممكن يتشال عادى ولا ده موتور وده موتور ؟؟؟؟ واستهلاك الموتور 1800 قد ايه اسف طولت عليك بس مش لاقى حد معاه العربيه اساله فعاوز معلومات كتير بعد اذنك
السلام عليكم ورحمة الله وبركاته اولا انا بعتذرلك على التأخير في الرد وانشغالي الفتره السابقه عن القسم لظروف عملي وثانيا بالنسبه للباسات ال1800 تربو قطع غياره موجوده عادي مفيش مشاكل في الحرفيين الحساسات موجوده استيراد والسيور وباقي الحاجه هيا هيا بتاعت ال1600 وال1800 العادي وعموما الموتور التربو هوا هوا العادي في التصميم بس زياده عليه التربو كيت والانتركوولر وده بيطلع 150حصان وعزم 210 نيوتن وبيشتغل 92 بدون أي مشاكل اطلاقا لأن نسبه انضغاطه 10.2 زي ال1600 عادي جدا أما بالنسبه للاستهلاك البنزين فالصفيحه تعمل معاك في السفر 240كم وفي البلد 180كم بس اهم حاجه في المواتير التربو لازم تكون دوره التبريد سليمه وحاطط المياه الحمرا الاصليه g12 علشان تحافظ على الموتور لأنه لو سخن هيضرب وش سلندر وبلوكه لأنه موتور الومنيوم بالكامل وفيه حاجه كمان هوا معقد شويه عن ال1800 العادي علشان التربو كيت والانتركوولر عاملين زحمه شويه ده غير ان مش اي صنايعي فولكس هتلاقيه شغال فيه وبيعرف يظبطه بس كاأداء هتاخد منه أداء عالي جدا وسحب وتجميع ممتاز لدرجه انك ممكن تطلع من فيرنا مستريح بالباسات التقيله في الوزن وبالنسبه للفتيس الاوتو اللي بيجي معاها بيبقى استبترونيك وده فتيس مافيهوش اي مشاكل ومعمر جدا جدا تغير بس زيت وفلتر اصلي وانساه طول مانت معاك العربيه وعموما أهم حاجه تكشف كويس على العربيه وعلى الموتور وتشوف كبسه وتكشف على الفتيس ونقلاته والعفشه ولو كويسه هتعمل في رينج ال85000ج تقل بس ماتزيدش وربنا يوفقك للاصلح واي استفسار انا تحت امرك