الموضوع: رابطه مالكي الباسات b5&b5.5 من 1996 الي2005

المشاركة الأصلية كتبت بواسطة mmdbdw

الف مبروك يا باشا على العربيه
و منور الرابطه و مالكى الباسات

عربيتك نفس مواصفات عربيتي بالظبط حتى ف اللون ما شاء الله

ربنا يبارك لك و تنورنا

و احمد باشا اشهر من النار على العلم و كلنا بنستفاد من خبرته

تقبل تحياتى

متشكر يا افندم على زوقك و الله يبارك فيك
وشرف ليه ان عربيتى نفس الموديل و اللون بتاع عربيتك علشان عربيتى جايه من المانيا وانت من بور سعيد فأكيد بردوا عربيتك جايه من المانيا لانى درجة النبيتى بتاعتنا غير اللى بتاعة الوكيل اللى منزلها مصر الدرجه بتاعتنا مشعره ببنى شويه انما اللى هنا نبيتى صيرف وربنا يباركلنا ويبارك لكل الرابطه فى عربياتهم امين

المشاركة الأصلية كتبت بواسطة elhelawy

الله يبارك فيك يا استاذ احمد متشكر على تعبك معايا وهكلمك ان شاء الله علشان عايز اسألك على كام حاجه

تحت امرك في اي حاجه

المشاركة الأصلية كتبت بواسطة broken

hitmangate"

إزيك يا كبير

أنا عايز الحاجات دي ضروري جدا ،

1- طاسات للكاوتشات بتاعه الباسات 1997

2- التكييف بتاعي فيه مشكلة كبيرة شحنته و فضي كذا مره و بعدين عمل صوت مرعب كده و أنا لسه شاحنه و وقف رحت لمركز خدمه قاللي إنه محتاج كباس ... عايز أعرف حاجه مهمه ... مين في الحرفيين أستاذ في تكييف الباسات ... كمان الكباس أجيبه منين و سعره حوالي كام ؟؟

3- هواية التكييف الوسطانية عندي أتكسرت خالص ... أجيبها منين و بكام

4- الشبكة الأمامية برضه محتاجها جديده أجيبها منين و بكام ؟؟

السلام عليكم بص ياباشا هتنزل شارع المرسيدس في الحرفيين هتلاقي كل حاجه للعربيه استيراد والمحلات جنب بعضها بتاعت الفولكس بالنسبه للتكييف الكباس ممكن يعمل حوالي 1000-1200 هتلاقيهم غلوه علشان احنا في الصيف وممكن تلاقيه ارخص شويه بص الحرفيين مجربتش اتعامل مع حد فيهم بس فيه واحد بتاع تكييفات ممتاز انا اتعاملت معاه وهوا استاذ في تكييف الالماني وشاطر اوي في الاوبل اللي هيا ارخم تكييف في الدنيا اسمه عبقرينو جنب قهوه سي عمر في ظهر ابو رامي الحي السابع ده بتاع تكييف بس روحله وخليه يكشفلك عليها وهو راجل امين جدا ومحترم وهيظبطهالك ان شاء الله الشبكه جبها استيراد افضل بالعلامه بتاعتها لان الاصليه متينه عن الجديد وهوايه التكييف برضه استيراد وكله من الحرفيين بس روح لبتاع التكييف الاول يشوفلك التسريب منين علشان تحدد ايه اللي عندكوبعدين شوف هتجيب ايه وجيب الحاجه استيراد وان شاء الله خير

المشاركة الأصلية كتبت بواسطة mmdbdw

سؤال يا باشا
امتى اعرف انى محتاج اغير مقصات بس و امتى اغير طقم العفشه الامامى
و شكرا

بص أعراض تلف المقصات
-1 تسمع صوت طقه لما تطلع مطب وتنزل أو تنزل في نقره بالراحة تسمع صوت طقه
2-علي السرعات العاليه العربيه تعوم منك بالذات في مطبات الهوا
وطريقه اختبار المقصات هترفع العربيه من كل ناحيه وفك عجله عجله طبعا اللي قدام وامسك كل مقص بأيدك وهزه جامد جدا اللي يتحرك بسهوله يبقى بايظ والأفضل لو هتغير تجيب جديد مع بعض وتجيب الفيبي أو السواج الألماني غير الماركتين دول رمي فلوس على الأرض ولو اللي بايظ اللي فوق بس ممكن يتجابو استيراد وبالنسبه لمستوى الخدمه بتفرق من واحد لواحد حسب طريقه السواقه والطريق ونوع المقصات اللي راكبه وبالنسبه لطقم العفشه قصدك المساعدين والبطاحات لو قصدك كده يبقى برضه وانت رافع العربيه هتبص على المساعد لو لاقيته جايب زيت يبقى بايظ والبطاحات لو في ملف بتلف والطاره ماردتش معاك يبقى بطاحات أو لو بتلف يمين أوشمال تسمع صوت خخشونة من ناحيه البطاحات وبطاحات العربيه دي مش بتبان من الحوض زي كل العربيات هتلاقيها في أعلىالمساعد من ورا العجل فوق ووعلى شكل مثلث ومتركب فيها المقصات اللي فوق دي كل العفشه بتاعت العربيه من الإمام ووأي استفسارات انا في الخدمة

اه معلش نسيت اقولك بارات الدريكسيون الخارجيه لو ماشي في حته مكسره هتحس بدبدبه في الدريكسيون