الموضوع: رابطه مالكي الباسات b5&b5.5 من 1996 الي2005

السلام عليكم و رحمة الله و بركاته
احب ارحب اولا بأعضاء الرابطه المحترمه جدا
ثانيا اسألتى لاستاذ hitmangate اللى خلانى بصراحه احب العربيه دى جدا من خلال قرائتى لمواضيع الرابطه من اول صفحه و انا لاحظت انوا انسان خدوم و مابيبخلش بأى معلومه يعرفها لأى حد بيسآل
انا كنت ناوى بصراحه اجيب اوكتافيا a4 ولاكن طبعا زى ما قولت الباسات نغششت فى دماغى فعايز استفسر عن شوية حاجات
هو فى فرق ما بين ال b5 وال b5.5 غير الموديل والفوانيس والاكصدامات
قطع الغيار بتاعت الاثنين واحده ولا فيه اختلاف
الصالون من جوه واحد ولا فيه اختلاف
فيه فرق ملحوظ ما بين الماتور ال 1600 وال 2000 وايهما افضل فى قطع الغيار
انا قدامى العربيتين ايهما افضل وتنصحنى ابص على ايه وانا بشتريها وترشحلى ايه من الاثنين لو انت مكانى
واخيرا شكرا مقدما على الرد وادعيلى ربنا يوفقنى فى عربيه تكون بنت حلال لانى دى اول تجربه ليه فى الالمانى علشان انا طول عمرى بركب يابانى و كورى

المشاركة الأصلية كتبت بواسطة elhelawy

السلام عليكم و رحمة الله و بركاته
احب ارحب اولا بأعضاء الرابطه المحترمه جدا
ثانيا اسألتى لاستاذ hitmangate اللى خلانى بصراحه احب العربيه دى جدا من خلال قرائتى لمواضيع الرابطه من اول صفحه و انا لاحظت انوا انسان خدوم و مابيبخلش بأى معلومه يعرفها لأى حد بيسآل
انا كنت ناوى بصراحه اجيب اوكتافيا a4 ولاكن طبعا زى ما قولت الباسات نغششت فى دماغى فعايز استفسر عن شوية حاجات
هو فى فرق ما بين ال b5 وال b5.5 غير الموديل والفوانيس والاكصدامات
قطع الغيار بتاعت الاثنين واحده ولا فيه اختلاف
الصالون من جوه واحد ولا فيه اختلاف
فيه فرق ملحوظ ما بين الماتور ال 1600 وال 2000 وايهما افضل فى قطع الغيار
انا قدامى العربيتين ايهما افضل وتنصحنى ابص على ايه وانا بشتريها وترشحلى ايه من الاثنين لو انت مكانى
واخيرا شكرا مقدما على الرد وادعيلى ربنا يوفقنى فى عربيه تكون بنت حلال لانى دى اول تجربه ليه فى الالمانى علشان انا طول عمرى بركب يابانى و كورى

اولا ياباشا شرفت ونورت الرابطه وشكرا على ذوقك وثانيا الباسات الموديل ده في الأساس اودى اكتر منلها فولكس يعني للمعرفة العربيه دى ماتور وشاسيه وعفشه وكهربا ابتكار اودى في الأساس لأن توأمها في الأودي اللي هي a4 نزلت سنه 95 والباسات نزلت 96 وعلى فكره تصميم الشاسيه والعفشه ووضع الموتور لسه الأودي باستعمالها لغاية وقتنا هذا والباسات دي من العربيات اللي فولكس مش هتعمل زيها تاني لانها معموله بضمير زياده عن اللزوم الباسات نزلت من سنه 96 إلى 2000 بشكل اللي هي b5 وعدلو شكلها في 2001 إلى 2005 بشكل اللي هي b5.5 والعربيتين واحد شاسيه وعفشه ومواتير وكهرباء والصالون الداخلي ووالأبواب وكل حاجه عدا الشكل الأمامي بالكبوت والرفارف وشكل الفوانيس الخلفي غير كده كلو واحد وبالنسبه للموتور طبعا فيه فرق لصالح ال 2000 بس ال 1600 مش وحش اوى هو مشكلته في الطلعه عموما ال1600 بيطلع 100 حصان وال 2000 بيطلع 115 حصان وال b5.5 نزلت بموتور 2000 2 كامه بيطلع 130 حصان بالنسبه لقطع الغيار ال 2000 موجوده اكتر من 1600 علشان الاستيراد قليل شويه ال 1600 بس حاجات ال 2000 متشابهة مع 1600 والأفضل منهم هما الاتنين موتور 1800 عادي ده بيطلع 125 حصان وعموما مواتير الباسات أيا كانت سعتها معمره جدا وبالنسبه لقطع غيارها رخيصة جدا وارخص من الانسر البوما في الاستيراد وبعض الجديد وهتلاقي بعض الأسعار كاتبيها في الرابطه وبرضه علشان تكون في الصوره أغلى حاجه فى العربيه دى طقم المقصات الأمامي أو اسمها شدادات وهما عباره عن 8 شداد 4 يمين و4 شمال مصنوعة من الألومنيوم تمنهم بقى جديد ألماني ماركة اسمها فيبي بلاشتين بيعملو 4000 ج بس حاجه نضيفه وبيعيشو عمر طويل وتمنهم استيراد 1200 ج بس هما مشكلتهم انهم مش بيتغيرلهم بيض أو جلبه لأنهم كل واحد عباره عن جلبه ماسك في الشداد اخره بيضه الشداد ومش بيتباعو جداد لوحدهم لازم الطقم جديد ممكن تجيب استيراد اللي بايظ بس عموما هما مش عيب ومش بيبوظو بسهوله وللعلم انت بتاخد أداء عالي من العفشه دي يعني انا بجيب بيها 200 عادي وماشاء الله ثابته جدا ولو فيها موتور أكبر تجيب بيها 260 وبرضه تفضل ثابته وطبعا هي عربيه عائليه وكبيرة جدا من جوه وشنطها واسعه جدا وعزلها فوق الممتاز وطبعا صاج ناشف جدا جدا وانا برشحلك ال b5.5 لانها الموديل الأحدث بس هتلاقيها قليله شويه وعموما أهم حاجه تكشف عليها الموتور والفتيس والعفشه وطبعا الأساسيات وعلى فكره العربيه دىمافيهاش مشكله يتخاف. منها يعني فتيسها فوق الممتاز بالنسبه للاتوماتيك ومافيهوش أي عيب أو أعطال والعربيه دي عموما مافيهاش أعطال شائعة واعطالها قليله جدا بس اهم حاجه الحاله لانها هي اللي هتكمل معاك يعني لو لقيت b5 حاله أفضل من b5.5 يبقى تخليك في ال b5 لأن على اد مالعربيه دي حلوه ممكن تكرهك فيها لو حالتها وحشه زيها زي كل الألماني بس لو وقعت في حاجه كويسه أن شاءالله مش هتركب بعدها أقل من بي ام أو مرسيدس وربنا يوفقك للاصلح ويكرمك بحاجه نضيفه وأي استفسار انا في الخدمه وانا متابع معاك في اي حاجه

المشاركة الأصلية كتبت بواسطة hitmangate

اولا ياباشا شرفت ونورت الرابطه وشكرا على ذوقك وثانيا الباسات الموديل ده في الأساس اودى اكتر منلها فولكس يعني للمعرفة العربيه دى ماتور وشاسيه وعفشه وكهربا ابتكار اودى في الأساس لأن توأمها في الأودي اللي هي a4 نزلت سنه 95 والباسات نزلت 96 وعلى فكره تصميم الشاسيه والعفشه ووضع الموتور لسه الأودي باستعمالها لغاية وقتنا هذا والباسات دي من العربيات اللي فولكس مش هتعمل زيها تاني لانها معموله بضمير زياده عن اللزوم الباسات نزلت من سنه 96 إلى 2000 بشكل اللي هي b5 وعدلو شكلها في 2001 إلى 2005 بشكل اللي هي b5.5 والعربيتين واحد شاسيه وعفشه ومواتير وكهرباء والصالون الداخلي ووالأبواب وكل حاجه عدا الشكل الأمامي بالكبوت والرفارف وشكل الفوانيس الخلفي غير كده كلو واحد وبالنسبه للموتور طبعا فيه فرق لصالح ال 2000 بس ال 1600 مش وحش اوى هو مشكلته في الطلعه عموما ال1600 بيطلع 100 حصان وال 2000 بيطلع 115 حصان وال b5.5 نزلت بموتور 2000 2 كامه بيطلع 130 حصان بالنسبه لقطع الغيار ال 2000 موجوده اكتر من 1600 علشان الاستيراد قليل شويه ال 1600 بس حاجات ال 2000 متشابهة مع 1600 والأفضل منهم هما الاتنين موتور 1800 عادي ده بيطلع 125 حصان وعموما مواتير الباسات أيا كانت سعتها معمره جدا وبالنسبه لقطع غيارها رخيصة جدا وارخص من الانسر البوما في الاستيراد وبعض الجديد وهتلاقي بعض الأسعار كاتبيها في الرابطه وبرضه علشان تكون في الصوره أغلى حاجه فى العربيه دى طقم المقصات الأمامي أو اسمها شدادات وهما عباره عن 8 شداد 4 يمين و4 شمال مصنوعة من الألومنيوم تمنهم بقى جديد ألماني ماركة اسمها فيبي بلاشتين بيعملو 4000 ج بس حاجه نضيفه وبيعيشو عمر طويل وتمنهم استيراد 1200 ج بس هما مشكلتهم انهم مش بيتغيرلهم بيض أو جلبه لأنهم كل واحد عباره عن جلبه ماسك في الشداد اخره بيضه الشداد ومش بيتباعو جداد لوحدهم لازم الطقم جديد ممكن تجيب استيراد اللي بايظ بس عموما هما مش عيب ومش بيبوظو بسهوله وللعلم انت بتاخد أداء عالي من العفشه دي يعني انا بجيب بيها 200 عادي وماشاء الله ثابته جدا ولو فيها موتور أكبر تجيب بيها 260 وبرضه تفضل ثابته وطبعا هي عربيه عائليه وكبيرة جدا من جوه وشنطها واسعه جدا وعزلها فوق الممتاز وطبعا صاج ناشف جدا جدا وانا برشحلك ال b5.5 لانها الموديل الأحدث بس هتلاقيها قليله شويه وعموما أهم حاجه تكشف عليها الموتور والفتيس والعفشه وطبعا الأساسيات وعلى فكره العربيه دىمافيهاش مشكله يتخاف. منها يعني فتيسها فوق الممتاز بالنسبه للاتوماتيك ومافيهوش أي عيب أو أعطال والعربيه دي عموما مافيهاش أعطال شائعة واعطالها قليله جدا بس اهم حاجه الحاله لانها هي اللي هتكمل معاك يعني لو لقيت b5 حاله أفضل من b5.5 يبقى تخليك في ال b5 لأن على اد مالعربيه دي حلوه ممكن تكرهك فيها لو حالتها وحشه زيها زي كل الألماني بس لو وقعت في حاجه كويسه أن شاءالله مش هتركب بعدها أقل من بي ام أو مرسيدس وربنا يوفقك للاصلح ويكرمك بحاجه نضيفه وأي استفسار انا في الخدمه وانا متابع معاك في اي حاجه

طبعا انا مش عارف اقولك ايه غير جزاك الله خير
انا النهارده روحت محل قطع غيار اسموا ناجح فى فيصل يعتبر قريب منى علشان انا من سكان الهرم وسآلت على اسعار قطع الغبار وطلعت ما شاء الله مناسبه جدا مش مبالغ فيها ونويت على العربيه ان شاء الله
بس طالب منك طلب لو ينفع اخد رقم موبايلك علشان لو احتجت اى استشاره او استفسار منك يكون اسرع وانا بتفرج على العربيات
وشاكر ليك تانى على سرعة الرد و الاهتمام وان شاء الله ابقى عضو معاكوا هنا فى الرابطه

المشاركة الأصلية كتبت بواسطة hitmangate

اولا ياباشا شرفت ونورت الرابطه وشكرا على ذوقك وثانيا الباسات الموديل ده في الأساس اودى اكتر منلها فولكس يعني للمعرفة العربيه دى ماتور وشاسيه وعفشه وكهربا ابتكار اودى في الأساس لأن توأمها في الأودي اللي هي a4 نزلت سنه 95 والباسات نزلت 96 وعلى فكره تصميم الشاسيه والعفشه ووضع الموتور لسه الأودي باستعمالها لغاية وقتنا هذا والباسات دي من العربيات اللي فولكس مش هتعمل زيها تاني لانها معموله بضمير زياده عن اللزوم الباسات نزلت من سنه 96 إلى 2000 بشكل اللي هي b5 وعدلو شكلها في 2001 إلى 2005 بشكل اللي هي b5.5 والعربيتين واحد شاسيه وعفشه ومواتير وكهرباء والصالون الداخلي ووالأبواب وكل حاجه عدا الشكل الأمامي بالكبوت والرفارف وشكل الفوانيس الخلفي غير كده كلو واحد وبالنسبه للموتور طبعا فيه فرق لصالح ال 2000 بس ال 1600 مش وحش اوى هو مشكلته في الطلعه عموما ال1600 بيطلع 100 حصان وال 2000 بيطلع 115 حصان وال b5.5 نزلت بموتور 2000 2 كامه بيطلع 130 حصان بالنسبه لقطع الغيار ال 2000 موجوده اكتر من 1600 علشان الاستيراد قليل شويه ال 1600 بس حاجات ال 2000 متشابهة مع 1600 والأفضل منهم هما الاتنين موتور 1800 عادي ده بيطلع 125 حصان وعموما مواتير الباسات أيا كانت سعتها معمره جدا وبالنسبه لقطع غيارها رخيصة جدا وارخص من الانسر البوما في الاستيراد وبعض الجديد وهتلاقي بعض الأسعار كاتبيها في الرابطه وبرضه علشان تكون في الصوره أغلى حاجه فى العربيه دى طقم المقصات الأمامي أو اسمها شدادات وهما عباره عن 8 شداد 4 يمين و4 شمال مصنوعة من الألومنيوم تمنهم بقى جديد ألماني ماركة اسمها فيبي بلاشتين بيعملو 4000 ج بس حاجه نضيفه وبيعيشو عمر طويل وتمنهم استيراد 1200 ج بس هما مشكلتهم انهم مش بيتغيرلهم بيض أو جلبه لأنهم كل واحد عباره عن جلبه ماسك في الشداد اخره بيضه الشداد ومش بيتباعو جداد لوحدهم لازم الطقم جديد ممكن تجيب استيراد اللي بايظ بس عموما هما مش عيب ومش بيبوظو بسهوله وللعلم انت بتاخد أداء عالي من العفشه دي يعني انا بجيب بيها 200 عادي وماشاء الله ثابته جدا ولو فيها موتور أكبر تجيب بيها 260 وبرضه تفضل ثابته وطبعا هي عربيه عائليه وكبيرة جدا من جوه وشنطها واسعه جدا وعزلها فوق الممتاز وطبعا صاج ناشف جدا جدا وانا برشحلك ال b5.5 لانها الموديل الأحدث بس هتلاقيها قليله شويه وعموما أهم حاجه تكشف عليها الموتور والفتيس والعفشه وطبعا الأساسيات وعلى فكره العربيه دىمافيهاش مشكله يتخاف. منها يعني فتيسها فوق الممتاز بالنسبه للاتوماتيك ومافيهوش أي عيب أو أعطال والعربيه دي عموما مافيهاش أعطال شائعة واعطالها قليله جدا بس اهم حاجه الحاله لانها هي اللي هتكمل معاك يعني لو لقيت b5 حاله أفضل من b5.5 يبقى تخليك في ال b5 لأن على اد مالعربيه دي حلوه ممكن تكرهك فيها لو حالتها وحشه زيها زي كل الألماني بس لو وقعت في حاجه كويسه أن شاءالله مش هتركب بعدها أقل من بي ام أو مرسيدس وربنا يوفقك للاصلح ويكرمك بحاجه نضيفه وأي استفسار انا في الخدمه وانا متابع معاك في اي حاجه

الله ينور عليك يا استاذ احمد
دايما بتتحفنا بمعلوماتك الهايله عن العربيه دى و انا منتظر و بابحث عن عربيه باسات 2004 او 2005 موتور 1800 عادى

رجلنا الهمام hitmangate احمد بيه .. ازىك ياباشا يارب تكون تمااااام :)

ليا عندك سؤال كدا فى مشكله وقع فيها واحد صاحبى هو عربيته باسات b5 وقريب كدا حصله حاجه غريبه وتهييسه عاليه ان عدادين الحراره والبنزين فصلو ومبقوش شغالين و الشنطه مبقتش بتفتح كهربا و نور الصالون مش شغال و الازازين الكهربا اللى قدام مش بيفتحو برده ! راح لواحد يحطها ع الجهاز يرستر الكونترول او يعملو اى حاجه معرفش يأكسس عليها وراح لواحد تانى برده معرفش والاتنين المفروض انهم متخصصين فولكس !! هو شاكك ان فى فار تقريبا او حاجه كان لمحها بتجرى من الكبوت فى مره تكون كلت سلوك ولا حاجه لأن الهيس دا حصل بعدها علطول!! انت ايه رايك فالتخاريف دى و ممكن تكون ايه ؟! مع العلم ان العربيه ماشيه زى الفل ومافيش اى مشاكل تانيه ؟ مانيوال 1600

المشاركة الأصلية كتبت بواسطة m7nsh

رجلنا الهمام hitmangate احمد بيه .. ازىك ياباشا يارب تكون تمااااام :)

ليا عندك سؤال كدا فى مشكله وقع فيها واحد صاحبى هو عربيته باسات b5 وقريب كدا حصله حاجه غريبه وتهييسه عاليه ان عدادين الحراره والبنزين فصلو ومبقوش شغالين و الشنطه مبقتش بتفتح كهربا و نور الصالون مش شغال و الازازين الكهربا اللى قدام مش بيفتحو برده ! راح لواحد يحطها ع الجهاز يرستر الكونترول او يعملو اى حاجه معرفش يأكسس عليها وراح لواحد تانى برده معرفش والاتنين المفروض انهم متخصصين فولكس !! هو شاكك ان فى فار تقريبا او حاجه كان لمحها بتجرى من الكبوت فى مره تكون كلت سلوك ولا حاجه لأن الهيس دا حصل بعدها علطول!! انت ايه رايك فالتخاريف دى و ممكن تكون ايه ؟! مع العلم ان العربيه ماشيه زى الفل ومافيش اى مشاكل تانيه ؟ مانيوال 1600

باشمهندس محمد ليك واحشه ياراجل يارب تكون بخير بص الموضوع ده لازم يروح لكهربائىفولكس ويكون فاهم العربيه للأن موضوع عدم دخول الاسكانر على العربيه ده ممكن يكون الفار قطع سلكه من بتوع فيشه الأعطال اللي رايحه للكنترول في الضفيره فالموضوع ده عايز مراجعه على الضفيره علشان محدش يفتي عليه وخليه قبل كل ده يشوف علبه الفيوزات اللي شمال التابلوه هيفك غطا التابلوه من الشمال ويتأكد أن كل الفيوزات سليمه طبعا والعربيه مبطله والمفتاح مش في الكونتاكت ويعمل نظره سريعه كده على ضفيره الكنترول يونت بالنظرهيفتح الكبوت هيلاقي علبه جنب سيرفو الفرامل وخارج منها الضفيره في خرطوم سوسته جلد ييشوفها لو الفار كلها أو عمل فيها حاجه وان شاء الله خير بس اهم حاجه يروح لكهربائى فولكس