رابطه مالكي الباسات b5&b5.5 من 1996 الي2005

**Ahmed Saad** · 16-09-2014 08:18 PM

المشاركة الأصلية كتبت بواسطة manchestr_viru

شكرا

انت تؤمر ياباشا

**hmdapas** · 16-09-2014 11:44 PM

السلام عليكم
عايز افضل مركز صيانة عندنا في اسكندرية

**mafifi2000** · 17-09-2014 12:08 PM

السلام عليكم
شكراا للرجالة اللى ردو على الاسئلة اللى كانت عندى فى باسات م 2000- 1600 cc اتوماتيك
عندى مشاكل ياريت فى رد
1- ساعات اشم ريحة العادم بتاع السيارة وبيكون الحريق مش مظبوط (نى)
2- السيارة بحس انهى تقيلة فى المشى والسحب
3- العفشة بتعزف سينفونية وانا ماشى (عاوز حد مش نصاب ياما يصلحها او اغيرها
ولكم منى كل التحية والاحترام

**Ahmed Saad** · 17-09-2014 03:20 PM

المشاركة الأصلية كتبت بواسطة mafifi2000

السلام عليكم
شكراا للرجالة اللى ردو على الاسئلة اللى كانت عندى فى باسات م 2000- 1600 cc اتوماتيك
عندى مشاكل ياريت فى رد
1- ساعات اشم ريحة العادم بتاع السيارة وبيكون الحريق مش مظبوط (نى)
2- السيارة بحس انهى تقيلة فى المشى والسحب
3- العفشة بتعزف سينفونية وانا ماشى (عاوز حد مش نصاب ياما يصلحها او اغيرها
ولكم منى كل التحية والاحترام

بص ياباشا أولا بالنسبه لريحه العادم وتقل السحب في السياره اكشف على العربيه بجهاز الأعطال Vcds وشوف هيطلعلك أعطال ايه وياريت لو تكتب أكواد الأعطال هنا وانا اقولك فيها ايه بإذن الله بس أولا لو بقالك كتير مغيرتش بوجيهات وفلاتر لازم تغيرهم وتنضف البوابه وتشوف لأن موضوع الحرق الني ده مشكلته ياما حساس شكمان أو ايرماس المهم اللي يحدد جهاز الأعطال علشان مانقولش حاجه وتطلع حاجه تانيه وبالنسبه للعفشه الأول روح اغسلها من تحت وبعد ماتتغسل وهيا مرفوعة انزل تحتها وأمسك كل مقص لوحده وهزه جامد بايديك لو حاجه اتهزت معاك يبقى المقص اللي اتهز بايظ ولو مافيش حاجه اتهزت معاك وكلهم سلام امشي بالعربيه بعد ماتغسل من تحت وهتلاقيها نعمت معاك لاكن لو مانعمتش ولسه فيها صوت طقه يبقى جلب المقصات اتهرت ودي ممكن تشوفها بالنظر وهيا مرفوعة تشوفها من جنب المقص لو لاقيتها مشققه يبقى برضه المقص يتغير ونصيحتي لو هتحتاج تغير طقم المقصات الامامي جيب الطقم الفيبي أو السواج دول الانضف في السوق وهتلاقيهم غاليين هيخشوا في 3500-4000ج بس انساهم وبالنسبه للي يركبهملك يكون واحد متخصص فولكس وبيفهم في العربيه وهما عموما سهلين في فكهم وتركيبهم وانا رافع فيديوهات لطريقة تغيير الطقم الامامي هنا في الموضوع وأي استفسار انا تحت أمرك

**Ahmed Saad** · 17-09-2014 03:24 PM

المشاركة الأصلية كتبت بواسطة hmdapas

السلام عليكم
عايز افضل مركز صيانة عندنا في اسكندرية

بص ياباشا انا من القاهره بس في واحد صاحبي من اسكندريه معاه اوكتافيا a5 وبيتعامل مع واحد اسمه البمبي وقاللي ده مشهور اوى فى اسكندريه ومكانه في المنطقه الصناعيه اللي قبل 21 ده على وصفه وننتظر حد من الاعضاء اللي من اسكندريه يفيدوك اكتر مني

**a7md.5alifa** · 18-09-2014 05:51 PM

المشاركة الأصلية كتبت بواسطة ahmed saad

بص ياباشا الموضوع ده اكبر غلط في حق الفتيس لان الزيت الاحمر معدني وتقيل وكله شوائب بعكس الابيض التخليقي النقي وكمان الزيت الابيض موصل للكهرباء علشان الحساسات بتاعت الفتيس من الداخل ده غير ان الزيت مخلوط مع زيت ابيض وده برضه غلط عموما لازم تنزل بيها مصر وتروح لاحمد زاهر اللي في صقر قريش المعادي بتاع فتايس اوتو وهينزلك الزيت وينضف الفالف بدي وتجيب الزيت الفيبي من مصر مع فلتر زيت فتيس وان شاء الله تتحل بس نصيحه ماتمشيش عليه وتكسل وتقول مش مشكله علشان الموضوع ده يطيرلك فتيس علي طول وان شاء الله خير واي استفسار انا تحت امرك

طيب انا لقيت هنا الزيت الفيبي و لقيت حد يغيرهولي بس مش عارف هيعرف ينضف الفالف بدي ولا لأ
اغير الزيت عنده و خلاص عشان مش هقدر اسافر قريب ؟

**Ahmed Saad** · 18-09-2014 10:25 PM

المشاركة الأصلية كتبت بواسطة a7md.5alifa

طيب انا لقيت هنا الزيت الفيبي و لقيت حد يغيرهولي بس مش عارف هيعرف ينضف الفالف بدي ولا لأ
اغير الزيت عنده و خلاص عشان مش هقدر اسافر قريب ؟

بص علشان الظروف سيبها على الله ونزل الزيت وفك الكارتيره بتاعت الزيت وخلي الزيت يتصفي خالص وغير فلتر الزيت بس لازم تكون العربيه باردة علشان الفالف بدي ميتعرضش لهوا بارد وهو سخن فيفقع وغير واركب كل حاجه وحط الزيت اول 3 لتر بيتحطوا عادي واللتر الرابع ارفع العربيه من تحت السواق ودورها وادي r للفتيس وحط الرابع واقفل الطبه وأبقى غير الزيت تاني بعد 25000كم والفلتر تاني وربنا يسترها وخير إن شاء الله

**Ahmed Saad** · 19-09-2014 01:08 AM

اه والف اه من مشاكل تسريب الزيت النهارده بفتح الكبوت الاقي الفتيس من تحت القربه بتاعت المياه منشعه زيت والزيت ده لونه بني مش ابيض يعني مش زيت الفتيس الحمد لله بعد الفحص والتنطيط اكتشفت انه زيت الكرونه وطبعا للمعرفة فتيس الباسات الاوتو الكرونه بتاعته منفصلة وراكبه من بره على الفتيس وليها طبه تزويد موجوده جنب الكوبلن الداخلي الشمال طبه بالانكيه سداسي أن شاء الله هغسل الفتيس وهغير زيت الكرونه وهقولكوا أن شاء الله على التفاصيل وربنا يسترها

**a7md.5alifa** · 19-09-2014 09:35 AM

المشاركة الأصلية كتبت بواسطة ahmed saad

بص علشان الظروف سيبها على الله ونزل الزيت وفك الكارتيره بتاعت الزيت وخلي الزيت يتصفي خالص وغير فلتر الزيت بس لازم تكون العربيه باردة علشان الفالف بدي ميتعرضش لهوا بارد وهو سخن فيفقع وغير واركب كل حاجه وحط الزيت اول 3 لتر بيتحطوا عادي واللتر الرابع ارفع العربيه من تحت السواق ودورها وادي r للفتيس وحط الرابع واقفل الطبه وأبقى غير الزيت تاني بعد 25000كم والفلتر تاني وربنا يسترها وخير إن شاء الله

شكرا ، انا هروح شفط الزيت و اغيره النهارده ان شاء الله والحمدلله ان عربيتك طلع فيها المشكلة زيت بسيط مش زيت الفتيس :-)

**khaled said** · 19-09-2014 04:49 PM

معلش طلب صغير
كنت عايز اعررف اماكن اكشف علي b5 1997 1600 auto
بس ياريت يكون مكان كويس
شكرااا

الموضوع: رابطه مالكي الباسات b5&b5.5 من 1996 الي2005

LinkBack

أدوات الموضوع

عرض

-

-

-

-

-

المواضيع المتشابهه

رابطه مالكي الاكسنت الrb :تقرير عن السياره من كل مالكيها في المنتدي

رابطه مالكي الفيرنا ...الجزء الاول الاخير

إستفسار من مالكي الباسات 2008 الهاي لاين.........

رابطه مالكي الاوبترا

رابطه مالكي النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة