رابطه مالكي الباسات b5&b5.5 من 1996 الي2005

**Ahmed Saad** · 19-09-2014 04:54 PM

المشاركة الأصلية كتبت بواسطة khaled said

معلش طلب صغير
كنت عايز اعررف اماكن اكشف علي b5 1997 1600 auto
بس ياريت يكون مكان كويس
شكرااا

هاني سمير مكانه ورا حديقه بدر في جسر السويس عند الجراج وأرقامه موجوده في موضوع دليل محلات وورش صيانه فولكس في المواضيع المثبته اتصل بيه وخد منه معاد وروحله هوا اكتر واحد مضمون يكشفلك على العربيه بعد التوكيل وان شاء الله خير وأي استفسار عن العربيه انا تحت امرك

**khaled said** · 19-09-2014 05:02 PM

مفيش حد قريب من المعادي
معلش انا عارف اني رخم شوية

**Ahmed Saad** · 19-09-2014 05:11 PM

المشاركة الأصلية كتبت بواسطة khaled said

مفيش حد قريب من المعادي
معلش انا عارف اني رخم شوية

بص ياباشا لو انت عايز حاجه في المعادي عندك في صقر قريش مركز صيانه اسمه الجبروني بس ده معرفش عنه حاجه بس فيه ناس قالت عليه كويس بس انا بصراحه متعاملتش معاه بس شفته مره كده وانا في صقر قريش وكان منظره نضيف وكان جواه عربيات حلوه زي باسات الجديده وجيتا وجولف 6 روحله وشوفه واسأله قبل ماتاخد العربيه تكشف عليها وقوله وافهم منه هتكشف على ايه وازاي طريقه الكشف واتفق معاه على معاد وعموما أهم حاجه في الكشف علي العربيه موتور وفتيس وعفشه وبالذات الاماميه للأنها أغلى حاجه في العربيه وبالذات طقم المقصات الامامي لأنهم 10 قطع ألومنيوم و2باره دريكسيون ده طبعا غير كشف الرش والحوادث وانا عموما متابع معاك وهبعتلك رقمي على الخاص علشان لو عايز تستفسر عن أي حاجه وانت بتكشف اقولك دي تستاهل ولا لا وكده وان شاء الله خير

**manchestr_viru** · 19-09-2014 09:58 PM

ايه رأيكوا في زيت wheelers مكتوب ان صناعته المانيا و بيتباع عند وكلاء سكودا المعتمدين عندنا هنا حد جربه ؟

**Ahmed Saad** · 20-09-2014 07:03 AM

المشاركة الأصلية كتبت بواسطة manchestr_viru

ايه رأيكوا في زيت wheelers مكتوب ان صناعته المانيا و بيتباع عند وكلاء سكودا المعتمدين عندنا هنا حد جربه ؟

بصراحه انا اول مرة اسمع عنه عموما انا مش بحط غير زيوت معتمده في العربيه يعني انا بستعمل منتجات توتال في عربيتي من زيت موتور لزيت الفرامل والمياه الحمراء كل ده توتال لأنها معتمده من فولكس فاجن بس عموما هوا لو معتمد من Api ممكن تجربه بس أهم حاجه يكون مستوى الخدمه بتاعه مش اقل من Api-sl وانا هعمل عليه سيرش واقولك على النتائج

**a7md.5alifa** · 20-09-2014 07:29 PM

هو احنا عندنا مكان مقياس لزيت الفتيس ولا الشفط بيكون منين و بنحط الزيت منين ؟

**Ahmed Saad** · 20-09-2014 09:30 PM

المشاركة الأصلية كتبت بواسطة a7md.5alifa

هو احنا عندنا مكان مقياس لزيت الفتيس ولا الشفط بيكون منين و بنحط الزيت منين ؟

لا بص الزيت بينزل من طبه أسفل كارتيره زيت الفتيس طبه الانكيه من تحت هتنزل الزيت وبعدين فك الكارتيره بخمس مسامير ونضفها وغير فلتر الفتيس ده ضروري وبعدين قفل الكارتيره كويس الزيت بقى بيتملي من طبه موجوده في ماسورة صغيره هتلاقيها ناحيه الكوبلن الداخلي الشمال هتشوفها من الحوض من تحت قربه المياه بترفع العربيه من ناحيه السواق وبتملي اول 3 لتر عادي وبعدين تدور العربيه وهيا مرفوعة وتدي R علشان الفتيس يشفط أكبر قدر من الزيت جواه وتحط اللتر الرابع وتقفل الطبه البلاستيك وتنزل العربيه وتديها كل الغيارات من اول الpلغايه ال1 كل غيار توقف عليه 10 ثواني وبعدين تمشي عادي ومبروك عليك التغيير. ملحوظه صغيره قبل ماتفضي الزيت لازم تكون العربيه باردة خالص علشان الفالف بدي ألومنيوم مايتصدمش بالهوا ويفقع الموضوع ده ضروري جدا جدا وان شاء الله خير

**a7md.5alifa** · 20-09-2014 09:42 PM

المشاركة الأصلية كتبت بواسطة ahmed saad

لا بص الزيت بينزل من طبه أسفل كارتيره زيت الفتيس طبه الانكيه من تحت هتنزل الزيت وبعدين فك الكارتيره بخمس مسامير ونضفها وغير فلتر الفتيس ده ضروري وبعدين قفل الكارتيره كويس الزيت بقى بيتملي من طبه موجوده في ماسورة صغيره هتلاقيها ناحيه الكوبلن الداخلي الشمال هتشوفها من الحوض من تحت قربه المياه بترفع العربيه من ناحيه السواق وبتملي اول 3 لتر عادي وبعدين تدور العربيه وهيا مرفوعة وتدي r علشان الفتيس يشفط أكبر قدر من الزيت جواه وتحط اللتر الرابع وتقفل الطبه البلاستيك وتنزل العربيه وتديها كل الغيارات من اول الpلغايه ال1 كل غيار توقف عليه 10 ثواني وبعدين تمشي عادي ومبروك عليك التغيير. ملحوظه صغيره قبل ماتفضي الزيت لازم تكون العربيه باردة خالص علشان الفالف بدي ألومنيوم مايتصدمش بالهوا ويفقع الموضوع ده ضروري جدا جدا وان شاء الله خير

طيب الكارتيره بتتنضف بايه عشان لو الصنايعي غشيم الحقه

**Ahmed Saad** · 20-09-2014 11:57 PM

المشاركة الأصلية كتبت بواسطة a7md.5alifa

طيب الكارتيره بتتنضف بايه عشان لو الصنايعي غشيم الحقه

لا عادي بعد مابتتفك بتتغسل ببنزين عادي وهتلاقي جواها 4 قطع مغناطيس هتلاقى ملموم عليهم رايش برضه بتنضفهم ببنزين ويتركبوا مكانهم عادي وان شاء الله خير

**alwa3d98** · 21-09-2014 10:52 PM

السلام عليكم ومجهود رائع بجد ربنا يكرمكم عليه خاصة الاستاذ Ahmed Saad ربنا يكرمه
أنا بعد قرائتى للموضوع قررت بعون الله أشترى الباسات .......... أنا آخر حاجة كان معايا كورولا 98 اتوماتيك وكانت ممتازة ولكن بدون أي وسائل امان فبعتها وناوى على الألمانى خاصة الباسات أو الاودى فياريت يا استاذ احمد لو فى قدامك عربية كويسة باسات او أودى من 1998 - 2000 اتوماتيك ترشحالى يبقى جازاك الله خير خاصى أنى من محافظة اسيوط وصعب ادور بنفسى هنا وفى تفاوت أسعار كبير بس كل اللى اتصلت بيهم وكانوا باعو بالفعل كانت تحت ال65000 بالرغم انهم كانوا طالبين فوق ال 75000 أو 80000 ومش عارف بجد سعر السوق الحقيقى للعربية الكويسة ايه فياريت تقولنا سعر السوق ايه بجد بعيد عن أسعار النت للموديلات دى وربنا يجازيك خير ولو ينفع تبعتلى رقم تليفونك اكون شاكر جداا لحضرتك

الموضوع: رابطه مالكي الباسات b5&b5.5 من 1996 الي2005

LinkBack

أدوات الموضوع

عرض

-

-

-

-

-

المواضيع المتشابهه

رابطه مالكي الاكسنت الrb :تقرير عن السياره من كل مالكيها في المنتدي

رابطه مالكي الفيرنا ...الجزء الاول الاخير

إستفسار من مالكي الباسات 2008 الهاي لاين.........

رابطه مالكي الاوبترا

رابطه مالكي النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة