اضرار البنزين 80

**andrew uwj** · 24-01-2014 03:52 AM

سؤال بخصوص فكترا موديل2000 1600cc عايز اعرف اضرار البنزين ال80 لان احد اصدقائى بيفول 80 و مش سامع الكلام و اللى انا حاسه لما بسووقها فى كركره طبعاً و العربيه مخنوقه جدااااا مبتجريش بطه بلدى

و عندى سؤال تانى ايه احسن نوع بوجيهات و ايه احسن منظف انجكشن علشان هنظف الانجكشن و اغير البوجيهات

**Ahmed Saad** · 24-01-2014 06:00 AM

طبعا هيجيب اجل الموتور بدري من كتر الصفع

**فادى محمد** · 24-01-2014 11:30 AM

ظاهره الصفع او التسقيف بتؤدي لتلف الموتور
اللي هتوفره من خلال البنزين هتصرفه ع الموتور
احسن بوجيهات جي ام لو من التوكيل او بوش من مكان مضمون
احسن كارب كلينر هو ابرو اما منظف دوره الانجكشن اللي بيتضاف
ع البنزين فاحسن نوع هو اس تي بي العلبه السودا

**andrew uwj** · 25-01-2014 02:36 AM

المشاركة الأصلية كتبت بواسطة فادى محمد

ظاهره الصفع او التسقيف بتؤدي لتلف الموتور
اللي هتوفره من خلال البنزين هتصرفه ع الموتور
احسن بوجيهات جي ام لو من التوكيل او بوش من مكان مضمون
احسن كارب كلينر هو ابرو اما منظف دوره الانجكشن اللي بيتضاف
ع البنزين فاحسن نوع هو اس تي بي العلبه السودا

طيب لو سمحت يا استاذ فادى لو تكتبنلنا اضرار ال80 فى نقط
1
2
3

**فادى محمد** · 25-01-2014 10:33 AM

دي مشاركه للمهندس سبعاوي بتوضح ضرر بنزين 80 علي المواتير الحديثه

ضرره انه بيحمل موجات ضغط عالية جدا على اجزاء المحرك، يعنى كأنك ماسك مطرقة وعمال ترقع بيها فى الصبابات والبستم ....الخ

وبالتالى الصبابات بتتاكل بدرى بدرى، قواعد الصبابات بتتهرى، وش البستم بينقر، مجارى الشنبر فى البستم بتوسع، مجرة البنز فى البستم وبتوسع وتخلى البنز يلق فى البستم، سبيكة الكرنك بتتاكل اسرع، لو الكامة بنظام الكامة العلوية ممكن ركب الكامة تتنحل وتلخبط اداء العربية......كفاية وللا عايز كمان

على فكرة انا كل العيوب دى انا شفتها بعينى والمتهم الاول كان دايما التسقيف

**haisam ali** · 25-01-2014 11:01 AM

طاب ياستاذ فادى انا مره استلمنى ميكانيكى من بلدى ( على قده كده ) وقالى ياهيثم ابقى حط شويه بنزين ٨٠ كل سنه مثلا عشان البنزين ال ٨٠ خالطه فيه زيت وهينفع جلد الصباب ويطريه ..... هل هذا الكلام فتى ولا حقيقه ولا بلاشه احسن ...؟ طبعا انا عمرى ماجربت الموضوع ده بس حابب استفسر منكم ..... وعن تجربتى مع بنزين ٨٠ ... مره كنت مسافر ودخلت بنزينه وقولتله فول ٩٢ طبعا البرنس سمعها ٨٠ وقام مفول العربيه كانت عربيتى اللى فاتت اوبل فيكترا b2 1600 cc ٢كامه اوتو وهوبا طلعت مشيت بالعربيه وعينك ماتشوف الا النور تسقيف مش طبيعى وبعد منها دخنه سمره بتيجى من الشكمان بعد كل مشوار طويل وريحه الحريق اتغيرت والله اذكر انى بعت العربيه ومش عارف عيب الحريق فين لأنى كنت غيرت حساس شكمان ورشاشات وكان موضوع كبير .... هذا وبالله التوفيق

**فادى محمد** · 25-01-2014 11:05 AM

فتي طبعا ياباشا
الفرق بين بنزين والتاني
في رقم الاوكتان بس
مفيش زيت . انت بتمون موتوسيكل؟

**haisam ali** · 25-01-2014 11:12 AM

هههههههههههههههههههههعهه حلوه اوى موتوسيكل دى ...... طاب مادام انت موجود هكمل بقى ثقاله عليك ًاسءله كمان وكمان ..... انا دلوقت معايا فيكترا b2 2000 cc ecotec تمام وطبعا بحط ٩٢ وسعات مش دايما بسمع صوت تسقيف وخصوصا لما بكبس بنزين على سرعات قليله ( ياترى ده عيب ايه ) .....؟ تمام وفيه سؤال مش اوبل .... عيال عمى معاهم باسات ٢٠٠٨ موتور ١٦٠٠ cc العربيات دى استاذه تسقيف ....؟ ليها حل ولا هتفضل كده ...؟

**فادى محمد** · 25-01-2014 01:31 PM

المشاركة الأصلية كتبت بواسطة haisam ali

هههههههههههههههههههههعهه حلوه اوى موتوسيكل دى ...... طاب مادام انت موجود هكمل بقى ثقاله عليك ًاسءله كمان وكمان ..... انا دلوقت معايا فيكترا b2 2000 cc ecotec تمام وطبعا بحط ٩٢ وسعات مش دايما بسمع صوت تسقيف وخصوصا لما بكبس بنزين على سرعات قليله ( ياترى ده عيب ايه ) .....؟ تمام وفيه سؤال مش اوبل .... عيال عمى معاهم باسات ٢٠٠٨ موتور ١٦٠٠ cc العربيات دى استاذه تسقيف ....؟ ليها حل ولا هتفضل كده ...؟

بص ياباشا..
اول احتمال ممكن نفكر فيه هو ان البنزين يكون مغشوش لان اقل من 90 الموتور ده بيسقف بايديه ورجليه

تاني حاجه البوجيهات اللي راكبه نوعها ايه؟؟
- بالنسبه للباسات فللاسف مالهاش حل . كل اللي اعرفه راكبها بتسقف له . المشكله في البنزين
عاوزه 95 وطبعا بقي غالي والشركه للاسف بتقول مفيش مشكله من ال92 لغرض تجاري ولكن
المشكله موجوده طبعا

-

الموضوع: اضرار البنزين 80

LinkBack

أدوات الموضوع

عرض

-

-

-

-

-

المواضيع المتشابهه

اضرار زيت الباور ؟؟

ايه هيا اضرار الزبدة ؟؟؟

الي كل خبراء الفيرنا.....هو ايه اضرار البنزين 80 ؟؟

ما هي اضرار خلط بنزين 90&80؟؟؟

اضرار flush oil

الكلمات الدلالية لهذا الموضوع

المفضلات

المفضلات

ضوابط المشاركة