سكودا فليشيا :مروحة الرداتير

**ayman20100** · 24-01-2014 08:03 PM

السلام عليكم ورحمة الله
مروحة الرداتير بتاعه الفليشيا عندي جابت اخرها وبدأت تعمل اصوات ونه عاليه بتييجي وتروح كل فترة وتقريباً برده المروحة بقت تقيله وتبريدها مش زي الاول
انا غيرت مروحتين قبل كده والاتنين موجودين عندي ....... وامبارح حاولت اشوف المروحتين ايه مشكلتهم ما عرفتش افتح البرشمة بتاعتهم علماً ان فيه واحده الاصلية والتانية كانت صيني والاتنين ارخم من بعض ما عرفتش اوصل لحل فيهم ولا افهم بيتفكوا ازاي
الخلاصة انا ليا سؤالين بعد اذنكم

1- هل حد منكم صلح المروحة قبل كده خصوصاً ان اغلبهم محتاج تنظيف وتزييت لانهم مش قافشين ؟؟
2- لو اشتريت المروحة اشتريها برضه الصيني الموجود ولا ادور على استيراد ولا اوفقلها مروحة مختلفة بدل الصغيرة الى عندي ؟؟

**sakr_skoda** · 24-01-2014 08:22 PM

وعليكم السلام ورحمة الله وبركاته
موضوع المروحة واصلاحة انا دلوقتى مفضى العربية وبعمل فحص لكل جزء فى السيارة وانشاء الله حيجى الدور على المروحة انشاء الله احتمال يكون غدا علشان اقدر افيدك عرفت مشكلتك وحاحاول اساعدك بس ادينى فرصة ادرس عملى على المروحة اللى عندى**

ولو عاوز تشترى اشترى الاصلية استيراد**

**sakr_skoda** · 25-01-2014 08:26 AM

السلام عليكم ورحمة الله وبركاته

الحمد الله انى اوفى بوعدى**
طبعا انا عملت محاولات لتخفيف الضوضاء الصادرة من المروحة بقدر الامكان وهذا تم بالفعل على مروحة فيفورتى انا شارح على الصورة الولى اول حاجة تفك الصامولة اللى ماسكة الريش بمفتاح 8 تطلع الريش حتلاقى اكس موتور المروحة رش علية مزيل الصداء W40 وانتظر بعض الوقت وحرك المروحة فى الاتجاهيين حتى تشعر بان الخشونة خفت ودى حتحسها وانتا ماسك اكس المروحة وبتلفه بعد كدا نقطة زيت فرامل على الأكس لانهاء الخشونة تماما حتى تشعر بنعومة وخفة حركة الموتور فى ايدك ركب الريش واتوكل على الله غير كدا لا انصح باى شى يعنى لو ماجبتش معاك نتيجة يبقى خلاص ارمى المروحة لأنك مستحيل تفك برشام قاعدة المروحة حتى لو فكيتة فلن تتمكن من اعادتة كما كان مرة اخرى واليك الصور**