البورصة .. خد فكرة واشتري بكرة

**Miss_Pharma** · 20-09-2009 03:37 AM

المشاركة الأصلية كتبت بواسطة amir

غيبه طويله و حمد الله علي السلامه
انا عايز مساعدتك في التالي
حملت برنامج الميتاستوك 10.1 و صطبته و كله تمام
مش عارف بقي اربطه مع ستريمر هيرميز
دورت كتير و ملقتش غير انه ممكن ربطه مع مباشر
و طبعا مادام عندي ستريمر هيرميز بالفعل يبقي ليه ادفع تاني علشان بس الربط
و في نفس الوقت لقيت مواقع بتدي تواريخ التغذيه لاسعار الاسهم للميتاستوك و لكن كلها سعوديه (و مش مرتاح اساسا للتخطيط علي اساس ارقام حد تاني حاططها)
هل في حل؟

الله يسلمك ميرسي اوي ..

على فكرة عمري مربطت بين الميتاستوك والستريمر ..
انا على طول شغالة على بيانات الاسعار اللي بتنزل بعد الجلسة ..
زي السعودية اللي بتتكلم عليها كده ..
انا هديك لينك كويس جدا موثوق فيه وبيعتمد عليه محللين كتير ..
تحمل منه بيانات الميتاستوك يوميا بعد الجلسة

ده الموجود في شير محمد سعيد لو تسمع عنه .. والشير نفسه مليان كنوز للي عايز يستفيد .. وطبعا لينك البيانات بيتحدث يوميا بعد الجلسة ..

http://www.4shared.com/file/18337009/8b8044ef/emarket_last_price.html?dirPwdVerified=f2da495a

يارب اكون عرفت اساعدك ..

**Miss_Pharma** · 20-09-2009 03:40 AM

وطبعا هتشتغل اوفلاين مود ..
انا برضه شغالة على ميتاستوك 9 .. بس اكيد 10 زيه يعني ..

**amir** · 20-09-2009 11:55 AM

المشاركة الأصلية كتبت بواسطة miss_pharma

وطبعا هتشتغل اوفلاين مود ..
انا برضه شغالة على ميتاستوك 9 .. بس اكيد 10 زيه يعني ..

الميتاستوك اصدار 10 مفيهوش انتراداي
الميتاستوك الاصدار 10.1 فيه خاصيه الانتراداي

متشكر جدا علي اللينك هاشوف فيه ايه
بس فايده خاصيه الانتراداي التحليليه جامده جدا و كان نفسي اقدر اتابع الجلسه من عليها

**هيثم** · 20-09-2009 04:37 PM

شكرا على الموضوع وفى انتظار المزيد

**Miss_Pharma** · 25-11-2009 08:44 AM

المشاركة الأصلية كتبت بواسطة miss_pharma

هنتكلم بقى عن مؤشر البورصة المصرية اللي اسمه case 30
اللي بيعبر عن حالة السوق المصري بشكل عام ..
case = cairo & alexandria stock exchange
30 دي معناها انه بيتكون من 30 شركة قيادية ..
وال 30 شركة دول بيكونوا من شركات داخل المقصورة وبيتم اختيارها على اسس معينة .. وبيضاف ليه شركات ويتشال منه شركات من وقت لاخر ..
وبتمثل كل شركة فيهم وزن نسبي من المؤشر ده ..يعني مثلا شركة س بتمثل مثلا مثلا 30 % من المؤشر وشركة ص 15 % وبالتالي نقدر نفهم كده ان اسهم شركة س نزولها وطلوعها بيأثر بدرجة اكبر في قيمة المؤشر ..
وطبعا دي مشكلة كبيرة جدا وعيب لابد من اصلاحه ان اكتر من 100 شركة بتعبر عنهم 30 شركة وبشكل خاص شركتين اللي ليهم وزن نسبي كبير في المؤشر هما اوراسكوم تيليكوم واوراسكوم للانشاء ..
يعني بمعنى اخر الشركتين دول تقريبا اللي بيعبروا عن بورصة مصر ..

بالمناسبة حصل تغير طبعا في الموضوع ده من فترة بس انا بقالي كتير مدخلتش الموضوع ..
تم تغير اسم المؤشر من case 30 الى egx 30 يعني بقت egypt بدل cairo and alex ومازال التحكم فيه برضه بشركتي الاوراسكومات ..
وتم انشاء مؤشر جديد اسمه egx 70 " ويطلق عليه مؤشر الافراد " لانه بيضم 70 سهم من اسهم الافراد او اللي هي اسهم المضاربات ..
وطبعا هو ما يعبر عن حالة السوق المصري الحقيقي وحال معظم تداولات الافراد .. لان بصراحة شركات egx30 اغلبها شركات تقيلة اغلب متداوليها المؤسسات والاجانب ..

**ahmed4000** · 25-11-2009 10:28 AM

المشاركة الأصلية كتبت بواسطة miss_pharma

وطبعا هو ما يعبر عن حالة السوق المصري الحقيقي وحال معظم تداولات الافراد .. لان بصراحة شركات egx30 اغلبها شركات تقيلة اغلب متداوليها المؤسسات والاجانب ..

اختلف فى النقطة دى...غالبية التداول بيتم على شركات egx30
احيانات بيوصولوا ل65% أما egx70مبياخدش اكتر من 10-15%

**Miss_Pharma** · 25-11-2009 12:40 PM

المشاركة الأصلية كتبت بواسطة ahmed4000

اختلف فى النقطة دى...غالبية التداول بيتم على شركات egx30
احيانات بيوصولوا ل65% أما egx70مبياخدش اكتر من 10-15%

مفيش اي اختلاف ولا حاجة ..
انا مقلتش اغلب التداول ..
انا قلت اغلب تداول الافراد ..فيه فرق ..
وبعدين حضرتك مضطهدني ليه ودايما مختلف معايا ومعترض على كلامي ؟

**Miss_Pharma** · 25-11-2009 12:43 PM

وبعدين egx30 طالع بقاله كام يوم ؟
ياترى حضرتك كسبان ؟
انا شخصيا وكل من اعرف لا ..
على الرغم من ان egx30 اخضر كام يوم على التوالي ..
اذا كلامي مش غلط لما اقول انه لا يعبر عن حال الافراد وال egx70 اصدق واوقع بالنسبة لمعظم الافراد ..

**ahmed4000** · 25-11-2009 01:16 PM

المشاركة الأصلية كتبت بواسطة miss_pharma

وبعدين حضرتك مضطهدني ليه ودايما مختلف معايا ومعترض على كلامي ؟

فين بس الاضطهاد ده؟ وفين اختلفت مع حضرتك قبل كده؟؟؟

حضرتك بتقولى ايه الفرق بين غالبية الافراد وغالبية التداول

طيب مهو لو واخد غالبية التداول يبقى واخد غالبية الافراد والعكس

لان الافراد هما ثلثين السوق

ما علينا...مش قضية ....ولو حبيت "اضيف" حاجة بسيطة على كلام الاخت ميس فارما

حقول ان egx30 بيقيس اسهم الشركات الكبيرة

اما egx70 بيقسم الأسهم الشركات المتوسطة والصغيرة