البورصة .. خد فكرة واشتري بكرة

**GoldenManEye** · 22-10-2008 04:37 PM

المشاركة الأصلية كتبت بواسطة دموع الثلج

هههههههههههه ليه سعادتك عمرك شفت الحج طلعت مصطفى يصفر طلبات ذى انهارده :D:D:D:D

يوم ذى الفل الشاشه كلها ورق موقوف 10 % داون

يمكن دى تكون اخر هبده ونخلص

لان انهارده شكله مفتعله بغباوه

سؤال برىء

يعنى إيه يصفر طلبات؟!

**دموع الثلج** · 22-10-2008 05:29 PM

المشاركة الأصلية كتبت بواسطة GoldenManEye

سؤال برىء

يعنى إيه يصفر طلبات؟!

يعنى السهم فيه ناس معاها السهم وعاوزه تبيعه عرضه للبيع لكن مفيش حد عاوز يشترى منه السهم مفيش اى طلب عليه

يعنى مجموع الطلبات على السهم = صفر
تلاقى مثلا اجمالى المعروض من السهم 5.000.000 سهم مثلا

واجمالى المطلوب 0 :D

**GoldenManEye** · 22-10-2008 05:39 PM

المشاركة الأصلية كتبت بواسطة دموع الثلج

يعنى السهم فيه ناس معاها السهم وعاوزه تبيعه عرضه للبيع لكن مفيش حد عاوز يشترى منه السهم مفيش اى طلب عليه

يعنى مجموع الطلبات على السهم = صفر
تلاقى مثلا اجمالى المعروض من السهم 5.000.000 سهم مثلا

واجمالى المطلوب 0 :D

يا ساتر يا ساتر ...

يا ريتنى مكنت عرفت :)

هو الموقف صعب أوى كده!!!

تخيلى يا أخت دموع و احد صحبى من أزيد من شهر كان واكل دماغى عشان أشترى أسهم معاه و خصوصاً حديد عز!!!

وهو تقريباً إشترى بكل فلوسة او معظمها فى حديد عز!

ممكن سؤال تانى برىء برضو "معلش عشان افهم بس"

هو ليه شركة طلعت مصطفى متشتريش أسهمها بالسعر ده "و كفى الله المؤمنين شر القتال"

**Miss_Pharma** · 22-10-2008 07:34 PM

طب بس نعمل ايه يا دموع ..
مهي الحياة لازم تمشي ..
اصل غير كده بجد الواحد ممكن يجيله اكتئاب ويفكر ينتحر ..
على رأيك اذا كان طلعت مصطفى النهاردة مصفر ..
وسهم زي الدولية للمحاصيل اللي كل تنفيذه اصلا مبيعديش 20 الف .. النهاردة كان فيه 33 الف سهم معروضين على اقل سعر ومفيش ولا سهم فيهم اتنفذ ..
اقول ايه ولا ايه ولا ايييييييييييه ..

**دموع الثلج** · 22-10-2008 07:47 PM

ااااااااااااااسكتى بلاش تجيبى سيره الغالى ابن ال .......

الدوليه ده انا اخذته عارفه ذى ما بيقولوا من وش القفص مش هقولك بكم

كنا داخلينه جيم اتقلب على دماغنا

ولا النعيـــــــــــم يا روحى على النعيـــــــــم ما تفكرونيش لا اسهم مصرى ولا دولار كله طار

**Miss_Pharma** · 26-10-2008 06:02 PM

تفتكروا هنكسر ال 4500 ؟؟
(هو واضح انها هتكسر بكل سهولة ) بس يعني بسأل لو حد شايف حاجة تانية كده ولا كده ولا كده مثلا ..

**ams** · 26-10-2008 07:15 PM

أولا : شكرا جزيلا Miss_Pharma
ثانيا : اللى فهمته ان بورصتنا وصلت للقاع يعنى اى حد يشترى دلوقتى هيكسب ولو على المدى الطويل لان مفيش نزول اكتر من كده
صح كده ولا انا بخرف؟

**sherif Anton** · 26-10-2008 07:25 PM

هي البورصة بصراحة بقالها اسبوعين ويمكن اكتر بتنزل وكل يوم يقولوا ان ده القاع ...!! لكن النزول مازال مستمرا ..!!! يظهر ان القاع ده بعيد اوي

**Miss_Pharma** · 26-10-2008 08:05 PM

المشاركة الأصلية كتبت بواسطة ams

أولا : شكرا جزيلا Miss_Pharma
ثانيا : اللى فهمته ان بورصتنا وصلت للقاع يعنى اى حد يشترى دلوقتى هيكسب ولو على المدى الطويل لان مفيش نزول اكتر من كده
صح كده ولا انا بخرف؟

المشاركة الأصلية كتبت بواسطة sherif Anton

هي البورصة بصراحة بقالها اسبوعين ويمكن اكتر بتنزل وكل يوم يقولوا ان ده القاع ...!! لكن النزول مازال مستمرا ..!!! يظهر ان القاع ده بعيد اوي

زي ما استاذ شريف قالك كده ..
يعني مثلا سهم اسيك للتعدين .. سهم تقيل ومحترم ..
قيمته قبل الهبوط تقريبا كانت 90
وصل ل 50 وفضل فيها فترة كبيرة وقلنا خلاص ده كده نص السعر وده القاع ..
النهاردة اسيك ب 18 جنيه ..
محدش عمره كان يتوقع ده ..
ممكن يكون قاع وممكن شوية ونلاقيه ب 7 جنيه ..
الفترة اللي احتا فيها دي لا استقرار بالمرة ..

**ams** · 26-10-2008 09:31 PM

المشاركة الأصلية كتبت بواسطة Miss_Pharma

زي ما استاذ شريف قالك كده ..
يعني مثلا سهم اسيك للتعدين .. سهم تقيل ومحترم ..
قيمته قبل الهبوط تقريبا كانت 90
وصل ل 50 وفضل فيها فترة كبيرة وقلنا خلاص ده كده نص السعر وده القاع ..
النهاردة اسيك ب 18 جنيه ..
محدش عمره كان يتوقع ده ..
ممكن يكون قاع وممكن شوية ونلاقيه ب 7 جنيه ..
الفترة اللي احتا فيها دي لا استقرار بالمرة ..

جميل
السهم ده جزء من الشركه نظريا صح؟
عظيم و الشركه او المؤسسه عباره عن : اصول ومعدات و اسم وسمعه و نظام اداره و وضع فى السوق داخليا وخارجيا صح ؟
يعنى لو احنا شيلنا الحاجات المعنويه تفضل قيمة السهم مقابل الحاجات الماديه الموجوده يعنى سعر السهم الادنى يساوى تمن الاصول (الاراضى والمبانى و.....) و المعدات والتجهيزات على عدد الاسهم ؟
صح كده يعنى لو قدرنا تمن الحاجت دى و قسمناها على عدد الاسهم هيجيب السعر اللى عمره ما هينزل عنه ؟
يعنى لما يوصل السهم للقيمه دى تصبح الخساره مش موجوده كانى بشترى شقه مثلا . ايه رايك ؟

الموضوع: البورصة .. خد فكرة واشتري بكرة

LinkBack

أدوات الموضوع

عرض

-

-

-

-

-

-

المواضيع المتشابهه

بفكر ابيع السيراتو واشتري هوندا سيفك 2009

الهواة يمتنعون: ابيع استرا 2003 واشتري ميجان 2007؟

بكرة النكد بكرة ............ الرحمة !!!!!

اشتري واحد جديد ولا اصلحه واشتري ايه؟

كنت مسافر بكرة اسكندرية ومش عارف اركب اية و ياريت حد يرد عليا علشان مسافر بكرة الصبح

الكلمات الدلالية لهذا الموضوع

المفضلات

المفضلات

ضوابط المشاركة