الموضوع: مساعدة ضرورى سيراتو ولا فلوينس

المشاركة الأصلية كتبت بواسطة meggieboy

يا رجالة حابب بس اصلح معلومة عن موتور العربيتين لو سمحتولى، سيبكم من الهورس باور علشان ده مقياس تسويقى مش اكتر....تعالوا نتكلم علمى عن عزم الموتور الأقصى بالنيوتن متر و عند كام لفة

السيراتو: 157 نيوتن متر عند 4850 لفة فى الدقيقة
الفلوانس: 156 نيوتن متر عند 4000 لفة فى الدقيقة

ديه القياسات الصحيحة لموتور الفلوانس الفيس ليفت الجديدة و السيراتو الجديدة و زى ما انتوا شايفين احنا بنتكلم عن نفس الموتور تقريباً......

نتكلم على ناقل الحركة: Xtronic cvt فى حالة الفلوانس و هو بيطلع احسن عزم للموتور عند اقل عدد لفات و ٦ سرعات اتوماتيك فى السيراتو و ده معناه ان نفس النقلات قصير لانه مش ال ٤ سرعات المعتاد و لكنه مريح للموتور اكثر و صوته اهدى من الموديل القديم

الفلوانس بتجيب من 0-100 كم/ساعة فى 11.5 sec
السيراتو بتجبهم فى 10.4 sec

بالنسبة لل 3 modes او 3 انماط قيادة اللى فى السيراتو اللى هما comfort, normal , sport دول ملهمش اى علاقة بالموتور و لا الجيربوكس و انما بالدريكسيون فقط......ال comfort بيخلى الدريكسيون خفيف جدا و ال sport تقيل جدا
و ده موجود زيه فى الفلوانس و لكن speed adaptive يعنى على السرعة الواطية الدريكسيون الكهربا بيبقى عامل زى الميه و مفهوش مقاومة خالص لسهولة الركن و المناورة و كلما زادت السرعة كلما زاد تقل الدريكسيون لاحكام ثبات السيارة على السرعات

النقط دى بس للتوضيح و فى الاخر العربيتين كويسين جدا و الاختيار يرجعلك
بالتوفيق ان شاء الله.....

كلام توضيحي جميل جدا ومن الاخر

اسمحلي اضيف كام حاجه:
1- الفلوانس موتورها بيطلع عزم >>>>>>>>>> 115حصان وليس 107
2- الفلوانس تصميم فرنسي تجميع تركي وليس كوري من شركة سامسونج (التجميع الكوري موجه لدول الخليج فقط)
3- افضل استهلاك بنزين >>>>>>>>الفلوانس

عن تجربة قيادة سيراتو :
- عربيه جميله فى القياده
- شكلها عصري وتابلوه شيك
- ناشفه فى المطبات شويه (بالنسبة للفلوانس)
- استهلاك بنزينها عالي عن الفلوانس

لك تحياتي

المشاركة الأصلية كتبت بواسطة Meggieboy

بالنسبة لل 3 modes او 3 انماط قيادة اللى فى السيراتو اللى هما comfort, normal , sport دول ملهمش اى علاقة بالموتور و لا الجيربوكس و انما بالدريكسيون فقط......ال comfort بيخلى الدريكسيون خفيف جدا و ال sport تقيل جدا

ماهو يا باشا زي منتا عارف ان العربية لما بتاخد سرعتها بتلاقي الدركسيون هش ومية تحت ايديك وبتبقى مكلبش فيه عشان ميكسرش منك ولا حاجة فلما يكون وضع الـsport بتاع النيو سيراتو بيخليلك الدريكسيون تقيل على السرعات العالية ودا بيديك احساس ممتع طبعاً لإنك مش بتبقى خايف ان الطارة تحدف منك لما بتكون هش على السرعات وكل الناس حابة الميزة دي والكلام دا عندي في الـ320i sport بتبقى العربية جميلة جداً وانا واخد سرعتي وبتديك ثقة تامة بصراحة يعني انا عايز اقول انها ميزة مبتكرة وممتازة ومتستحقش الإستهزاء او اننا نقول عليها مش ميزة .. والله وليّ التوفيق