صيانة 5000 للسيراتو

**Abohmaid** · 26-09-2008 03:34 AM

امبارح كانت اول تجاربى مع توكيل كيا اللى فى ابورواش بعد ما كملت 5000 كيلو بالسيراتو وطبعا كان لازم اشارككم معايا فى التجربة دى:

1- اتصلت بيهم قبليها بكام يوم وحجزت الميعاد الساعة 11 بس للاسف اتاخرت حوالى ساعة (اللى عايز يحجز فى التوكيل يحاول يخللى الميعاد بدرى علشان يخلص بسرعة)
2- دخلت الاستقبال ومليت استمارة تعارف
3-خرجت معايا موظفة الاستقبال واستلمت العربية وكتبت المحتويات واى ملاحظات بالعربية (خبطات مثلا وان كان الكاسيت موجود واللا لا والاستبن وشوية حاجات كدة......
4-كتبت اية الملاحظات اللى مطلوب معالجتها قولتلها ان الفرامل بتصفر وكمان خفيفة شوية (بصراحة ماكنتش لاقى حاجة خالص )
5-طبعت استمارة الملاحظات دى من على الكمبيوتر وادتنى نسخة منها وقالتلى انتظر تحت فى الاستراحة والصيانة هاتاخد حوالى ساعة ونص (يعنى تخلص على الساعة 2)
6-نزلت وطبعا كان فية ناس منتظرين وابتدوا يمشوا واحد ورا التانى بس لاحظت ان مافيش حتى ميكروفون داخلى يندهو منة على العملاء اللى عربياتهم خلصت وحاجة تانية برضة وانت قاعد تحت انت مش شايف العربيات وهى بيتعملها الصيانة
7-المهم اخر واحد خرج كانت السعة 2:15 واستنيت بعدىة ربع ساعة وطلعت (كان معايا واحد صاحبى) والمفاجأة انهم كانوا مشيوا كلهم .........والحمد للة اتكعبلت فى موظفة الاستقبال بالصدفة وكانت مفاجأة ليها اننى لسة ماستلمتش العربية
والغريب انى لاقيت العربية مركونة برة والمفتاح في الباب المهم اتصلت بموظف الحسابات ورجع تانى وفتح المكتب ودفعت تمن تعيير الزيت والفلتر 135 جنية وجيت ماشى بالعربية لاقيت صوت غريب طالع من العفشة لما تدوس على الفرامل ........
وجات الموظفة وجربت بنفسها وقالتلى لازم تيجى بكرة الصبح بدرى علشان المهندس يشوفها ( طبعا هوة كان مشى )
بس ربنا ستر بعد ما مشيت بيها شوية ووصلت لحد المحور كان الصوت دة راح والحمد لله...........

دى كانت قصة الكفاح مع الصيانة فى اول مرة

**hanystar** · 26-09-2008 04:21 AM

هم هيعملوا ذى غبور واللا ايه
ييجوا يصلحوا حاجة يبوظوا حاجة تانية
ربنا يستر
أنا لسه مكملتش ال5000 كيلو ويا ريت تبقى تقوللى حصل ايه لما تروح تانى
واللا مش ناوى تروح ؟؟؟

**Noha.M** · 26-09-2008 10:31 AM

الف مبروك عليك صيانة ال 5000 عقبال يا رب ما تعمل صيانة ال 500000 الف :) بس انت هتعمل ايه معاهم , هتورح تانى ولا هتمعل ايه؟؟؟
انا برده قربت على صيانة ال 5000 لانى عملة دلوقتى 4500 كم و مستتقلة المشوار دة جداااااااا و بفكر اعمله عند محمد ذكي احسن و اقرب ولا انت ايه رأيك؟

**mbluethunder** · 26-09-2008 12:37 PM

المشاركة الأصلية كتبت بواسطة Noha-M

الف مبروك عليك صيانة ال 5000 عقبال يا رب ما تعمل صيانة ال 500000 الف :) بس انت هتعمل ايه معاهم , هتورح تانى ولا هتمعل ايه؟؟؟
انا برده قربت على صيانة ال 5000 لانى عملة دلوقتى 4500 كم و مستتقلة المشوار دة جداااااااا و بفكر اعمله عند محمد ذكي احسن و اقرب ولا انت ايه رأيك؟

يفضل أبو رواش لإنك إنتي جبتي العربيه من هناك

حاولي تحجزي بدري قوي ( مثلا على الساعه 8 ) لإنك هاتكوني في الأيام العاديه

وصيانة ال 5k ده ما بتخودشي وقت وكمان الصبح بيبقى الناس مش مضغوطين وهايخلصوا العربيه بسرعة وبتركيز

ولو عندك ملاحظه إنتي شيفاها إنها مهمه في أي حاجه في العربيه قولي عليها غير كده سيبهم هما يعملوا الصيانه الدوريه بتاعتها

أهم حاجه موضوع بدري ده "ماتكسيليش" وتقولي أروحلهم الساعه 12 أو 1 مش هاتخديها إلا الساعه 5

**Noha.M** · 26-09-2008 04:41 PM

المشاركة الأصلية كتبت بواسطة mbluethunder7000

يفضل أبو رواش لإنك إنتي جبتي العربيه من هناك

حاولي تحجزي بدري قوي ( مثلا على الساعه 8 ) لإنك هاتكوني في الأيام العاديه

وصيانة ال 5k ده ما بتخودشي وقت وكمان الصبح بيبقى الناس مش مضغوطين وهايخلصوا العربيه بسرعة وبتركيز

ولو عندك ملاحظه إنتي شيفاها إنها مهمه في أي حاجه في العربيه قولي عليها غير كده سيبهم هما يعملوا الصيانه الدوريه بتاعتها

أهم حاجه موضوع بدري ده "ماتكسيليش" وتقولي أروحلهم الساعه 12 أو 1 مش هاتخديها إلا الساعه 5

تمام عندك حق يا علاء

طيب سؤال انا لو عاوزة اغير ازار العربية الامامى عشان اتشرخ من طوبة اقولهم و انا بعمل الصيانة برده ولا دي لازم اكون قايلالهم من قبلها ؟

**mbluethunder** · 26-09-2008 06:38 PM

المشاركة الأصلية كتبت بواسطة Noha-M

تمام عندك حق يا علاء

طيب سؤال انا لو عاوزة اغير ازار العربية الامامى عشان اتشرخ من طوبة اقولهم و انا بعمل الصيانة برده ولا دي لازم اكون قايلالهم من قبلها ؟

لأ عادي

قوليلهم إنك عايزه تغيري الزجاج الأمامي في صيانة ال 5000 وإنتي بتحجزي ميعادك بالتليفون علشان يعملوا حسابهم في الوقت وكده

كمان عندهم إزاز عادي والإزاز الأصلي بتاع العربيه. بس إنت برضه تكليميهم في التليفون وتكلمي المسؤول عن قطع الغيار وتسأليه على موضوع الإزاز ده وهايتكلف كام وكده علشان تعملي حسابك في الفلوس .هم عندهم فيزا بس ساعات بتبقى بايظه

نصيحه خليكي في الأصلي بتاع العربيه أفضل بكتيير

لما ربنا يكرمك وتغيري الزجاج الأمامي . إمشي بعد كده في الشارع وبينك وبين العربيه اللي قدامك يجي 10 أو 20 متر كده .. وتبعدي تماما عن أي نقل أو مقطور ماشيه في الشارع

**Noha.M** · 26-09-2008 07:09 PM

المشاركة الأصلية كتبت بواسطة mbluethunder7000

لأ عادي

قوليلهم إنك عايزه تغيري الزجاج الأمامي في صيانة ال 5000 وإنتي بتحجزي ميعادك بالتليفون علشان يعملوا حسابهم في الوقت وكده

كمان عندهم إزاز عادي والإزاز الأصلي بتاع العربيه. بس إنت برضه تكليميهم في التليفون وتكلمي المسؤول عن قطع الغيار وتسأليه على موضوع الإزاز ده وهايتكلف كام وكده علشان تعملي حسابك في الفلوس .هم عندهم فيزا بس ساعات بتبقى بايظه

نصيحه خليكي في الأصلي بتاع العربيه أفضل بكتيير

لما ربنا يكرمك وتغيري الزجاج الأمامي . إمشي بعد كده في الشارع وبينك وبين العربيه اللي قدامك يجي 10 أو 20 متر كده .. وتبعدي تماما عن أي نقل أو مقطور ماشيه في الشارع

هههههههههه

صح كدة :) انا مش همشي تانى ورا نقل و قرف دى تانى مرة الازاز يتشرخ مرة صلحتو عند دكتور خالد و مرة تانبة سيبتو و فتح اوى و مبقاش في امل انه يتعمل تانى عند دكتور خالد

ميرسيي يا علاء عالمساعدة و ابقا خلينا نشوفك كدة و متختفييييييييييييييييش

**Karim_Monir** · 26-09-2008 11:56 PM

ابو حميد
الموظفة دي مهندسة استقبال وشاطرة على فكرة
احد اهم عيبين فيهم
اولا مش بيندهو عليك لما تخلص بس وانت بتملى الجوب بتسالهم بتاخد وقت قد ايه مثلا ساعة بعد
ساعة تطلع تسالهم
ثانيا مفيش بانورما تشوف عربيتك بس لو طلبت تدخل تشوفها مش هايعارضو
ثالثا انت ليه حطيت زيت معدني مش تخليقي
الزيوت التخليقية مناسبة تماما للمواتير الجديدة ذات التكنولجي العالية زي موتورك وكمان كثافتها الخفيفة مناسبة للضيف بين البساتم تماما
نصيحة ليك نزلة وحط زيت تخليقي
نزلة قبل ما يوسع المسافة بين البساتم ويقصر عمر موتورك
اخر حاجة الصوت اللي سمعتة ده غاليا بعد ماغسلو العربية التيل كان مبلول ونشف من استعمال الفرامل
---------
نهي صيانة ال 5 الالاف مش بيتعمل فيها اي حاجة تعمليها في اي مكان لو كنتي عملتي صيانة ال الف
لكن لوماعملتيش صيانات خالص يفضل عشان تربيط العفشة
ولازم تحطي زيت تخليقي وغالبا هايكون شل الترا
وماتحطيش زيت معدني بتاع ال 5 الالاف كم ابدا

**Noha.M** · 27-09-2008 12:00 AM

المشاركة الأصلية كتبت بواسطة karim_monir

ابو حميد
الموظفة دي مهندسة استقبال وشاطرة على فكرة
احد اهم عيبين فيهم
اولا مش بيندهو عليك لما تخلص بس وانت بتملى الجوب بتسالهم بتاخد وقت قد ايه مثلا ساعة بعد
ساعة تطلع تسالهم
ثانيا مفيش بانورما تشوف عربيتك بس لو طلبت تدخل تشوفها مش هايعارضو
ثالثا انت ليه حطيت زيت معدني مش تخليقي
الزيوت التخليقية مناسبة تماما للمواتير الجديدة ذات التكنولجي العالية زي موتورك وكمان كثافتها الخفيفة مناسبة للضيف بين البساتم تماما
نصيحة ليك نزلة وحط زيت تخليقي
نزلة قبل ما يوسع المسافة بين البساتم ويقصر عمر موتورك
اخر حاجة الصوت اللي سمعتة ده غاليا بعد ماغسلو العربية التيل كان مبلول ونشف من استعمال الفرامل
---------
نهي صيانة ال 5 الالاف مش بيتعمل فيها اي حاجة تعمليها في اي مكان لو كنتي عملتي صيانة ال الف
لكن لوماعملتيش صيانات خالص يفضل عشان تربيط العفشة
ولازم تحطي زيت تخليقي وغالبا هايكون شل الترا
وماتحطيش زيت معدني بتاع ال 5 الالاف كم ابدا

يعني انا اقولهم ايه يا كريم حطولى زيت الترا ؟؟

-

الموضوع: صيانة 5000 للسيراتو

LinkBack

أدوات الموضوع

عرض

صيانة 5000 للسيراتو - انشر الموضوع فى :

-

-

-

-

-

-

-

-

المواضيع المتشابهه

صيانة الـ 5000 كم فى مركز صيانة إسكندرية..

صيانة الاف للسيراتو

صيانة ال 1000 للسيراتو...مريبة

استفسار عن صيانة 60 ألف كم للسيراتو

تقييم صيانة ال 5000 كم للسيراتو

الكلمات الدلالية لهذا الموضوع

المفضلات

المفضلات

ضوابط المشاركة