الموضوع: لوحات السيارات الجديدة ,,, مش جديدة قوي

اللوحات الجديدة في رايي افضل شوية

اصل بصراحه القديمة كانت شكلها بيئة موووووووت

ده غير بقي اني شوفت كام عربية الكام يوم اللي فاتت دي و الله العظيم كاتبينهم بالقلم الفلوماستر

لدرجة اني بقيت لازقة في العربيه خلاص و برضه مش قادرة اقري الرقم و لا الكلام

كده احسن

علي الاقل مش هيبقي فيها تزوير و لا فهلوة

مؤقتا يعني (لحسن حد لا قدر الله يفتكر اني اقصد علطول و لا حاجة بعد الشر)

بس بصراحه الالوان بيئة اخر حاجة

انا عن نفسي مش عجباني خالص

و ميرسي ليك يا محمد علي الموضوع

تقبل مروري

فعلا لقديمه اللي كانت عربي وانجليزي كانت غبيه جدا
ههههههههههههههه طيب كويس انه اساسا كاتب الرقم ههههههههههههه احسن من انه مكتبش NO number
number busyههههههههههههه ولا حط النسر مكان اللوحه,, داحنا بنشوف بلاوي في البلد دي
هههههههههههه لالالالالا عيب كده ازاي تستهوني ببراءة أختراع الشعب المصري ههههههههههههه
اهم حاجه بيعماوها البعض ازاي يتهربوا من المسئوليه و وفهلوة وبيزوروا
متقلقيش كلها أيام معدوده هههههههههههههههه وتلاقي اللوحه دي وبيعملوا فيها البدع
ثانكس يا سك الكل نورتيني والله ,

طبعا انا مع كل الناس اللي مش مقتنعة بالتنسيق الفلاحي بتاع اللوحة بتاعتنا ....
بس عندي سؤال صغير ... في السعودية مثلا مكتوب اسم الدولة بس بدون محافظات زي اللوح القديمة بتاعتنا وفي نفس الوقت لما تشتري عربية من أي مكان في السعودية تقدر تتنقل بيها للمكان اللي انتا ساكن فيه بدون مواويل نقل الملف بتاعك لمرور محافظتك زي المهازل اللي بتحصل هنا....
هوه هنا هيحصل نفس الوضع والا كلمة مصر دهية لا تعني انها بلد واحدة !!!!
لأني عانيت وانا بنقل ملف العربية بتاعتي من مرور دولة الجيزة لمرور دولة الغربية لأن الملف ضاع في الطريق!!!!!!!!!!!!!!

انا مش فاهم بصراحه تقصد ايه , بس متهيالي السعوديه فيها ادارات للمرور وبتسجل فيها وبتنقل ليها متهيألي , الكويت والأمارات كده , على حسب السكن بس لوحات الكويت الجديده بقت عادي اللوحه للدوله كلها
متهيالي مصر ممكن تعمل كده بس مش أكيد لأن حضرتك عارف الدمغه اللي هنا بيطبقوا الحاجه في نهايتها من العالم كله ,
أنا كده فهمت صح ولا تقصد حاجه تانيه ؟؟

اللون الازرق التيييييييرييييكييييواااز دة بششششششششششششششع بجد انا مش فاهمة مين الفنان اللى ابدع فى اللوحة دي بس اهى احسن من القديمة شوية

بس انا عجبانى اللوح اللى هي كانت مكتوبة دى بخط الايدد مش عارفة لييه و الارقام مش باينة كدة خالص :) لا كانت حلوة والله

فعلا لون بشع جدا بوظ شكل السيارات خاااااالص,, كان الأفضل تتعمل بيضاء كلها
اللي ابدعها فنان مرهف المشاعر والدته داعيا علينا
اه فعلا اللي كانت ممسوحه احسن ههههههههه عشان محدش يخالف حد وكان حته حديده فاضيه زي لون العربيه كان في واحد ملون اللوحه بلون سيارته حاجه فل خالص

نورتوا الموضوع والله كلكوا بأراءكوا وتعليقاتكوا وتواجدكوا ,

المشاركة الأصلية كتبت بواسطة mohd_adelamin

مصر دهية لا تعني انها بلد واحدة !!!!

و هي من امتى مصر فيها حاجة واحدة ؟؟؟

حضرتك في أي مصلحة حكومية لو دخلت من مكتب لمكتب تبقى عبرت الحدود بين بلدين ليس بينهما أي علاقة إدارية ...اللهم الا العشرة جنيه في الملف

المصيبة فى المخالفات يعنى ممكن س غ أ 251 العسكرى يكتبها س ع أ 251
واللى شربها شربها هما بيعرفوا يكتبوا ارقام علشان نقلبها حروف ؟؟؟

امبارح فى الاخبار كان فى مقاله عجبتنى اوى وعنوانها قانون المرور الجديد مات واليوم الاربعين بتاعه والله دول ناس بتهظر مش عرفين او مش فهمين هم بيعملو ايه اهم حاجه انهم يقرفونا وخلاص

المشاركة الأصلية كتبت بواسطة wezaezz

قانون المرور الجديد مات واليوم الاربعين بتاعه

يالا في الف داهية ..الله لا يرجعه

المشاركة الأصلية كتبت بواسطة mohamed_88sk

انا مش فاهم بصراحه تقصد ايه , بس متهيالي السعوديه فيها ادارات للمرور وبتسجل فيها وبتنقل ليها متهيألي , الكويت والأمارات كده , على حسب السكن بس لوحات الكويت الجديده بقت عادي اللوحه للدوله كلها
متهيالي مصر ممكن تعمل كده بس مش أكيد لأن حضرتك عارف الدمغه اللي هنا بيطبقوا الحاجه في نهايتها من العالم كله ,
أنا كده فهمت صح ولا تقصد حاجه تانيه ؟؟

اللي اعرفه ان دول الخليج كلها ما عدا الإمارات مش بتحتاج تنقل ملفك من مرور للثاني واللي بيتبعه مشوار للمرور اللي نقلت منه مرتين على الأقل وفحص مرة عندك ومرة عندهم وقصص سخيفة أما هناك كل حاجة متسجلة في الكمبيوتر المركزي بتاع المرور (اقصد بتنقل ملكية بس )..
والامارات مش كده لسبب بسيط لأن النظام فيها نظام امارات مستقلة زي الولايات كده في امريكا علشان كده متبعين نظام استقلالية كل امارة

اللي اعرفه ان دول الخليج كلها ما عدا الإمارات مش بتحتاج تنقل ملفك من مرور للثاني واللي بيتبعه مشوار للمرور اللي نقلت منه مرتين على الأقل وفحص مرة عندك ومرة عندهم وقصص سخيفة أما هناك كل حاجة متسجلة في الكمبيوتر المركزي بتاع المرور (اقصد بتنقل ملكية بس )..
والامارات مش كده لسبب بسيط لأن النظام فيها نظام امارات مستقلة زي الولايات كده في امريكا علشان كده متبعين نظام استقلالية كل امارة

أيوا فعلا الأمارات لازم بتغير اللوحه من أمارة لأمارة لو حتنقل الملكيه ,,لأن ده حصل مع والد زميلتي ,
أنا أسف عالخطأ مكنتش مركز أسف بجد ,,