حاجز صنى 2014 من 3 اسابيع وابتديت اقلق من التشوية الرهيب من الناس للعربية

**edodahab** · 09-02-2014 01:03 AM

المشاركة الأصلية كتبت بواسطة medo-312

مع احترامى لكلام حضرتك عن النيسان القديمة ياريت تكمل المقارنة .. القديمة مافيهاش مانع سرقة زى الصنى الجديدة ( ميزة مهمة جدا فى زمن السرقة والتثبيت ) .. القديمة صاجها اتقل شوية بس على حساب استهلاك اعلى للبنزين لان موتور الصنى الجديد الومنيوم والموتور القديم حديد بلوك زهر وطبعا القديم كان اتقل .. وده كان بياثر على حرارة الموتور وعلى استهلاك البنزين وعلى حاجات كتير .. القديمة مافيهاش abs , ebd , ba الجديدة فيها .. القديمة مافيهاش غير واحد air bag الجديدة فيها اتنين .. القديمة تقعد فى الكنبة ورا رجلك تلزق فى ضهر الكرسى الجديدة فى الوسع بسم الله ماشاء الله .. الجديدة ارتفاعها اعلى من القديمة وتفرق كتير فى مطبات شوارع مصر المحروسة .. صدر العربية مترحل للخلف على عكس الموديل القديم انه كان خلف الاصدام الامامى على طول .. وترحيله ده بيفيده طبعا انه يكون بعيد عن اى صدمة حتى ولو بسيطة .. باور كهرباء بعكس القديمة الباور زيت .. حتى الانجكشن مختلف لانه اصبح بيتظبط كمبيوتر زى التيدا مش مانيول زى الصنى القديمة .. مروحة تكييف خلفية فى الجديدة مش موجودة فى القديمة .. فى ناس مش عاجبها شكل العربية الجديد وناس شايفة القديم عواجيزى وراحت عليه .. ممكن بعد كل ده تقتنع بالشكل القديم حقك برضه وكل واحد ليه دماغه بس نقارن بشكل واضح والحوار بتاع الكاوتش والباب تقيل وشكلها مش عارف ماله والتقفيل المصرى كأن القديمة دلوقت بتتقفل فى المانيا حوار فاكس وبعتبر الحاجات دى عيوب تافهة وغير مؤثرة و عموما حضرتك ماسمعتش عن مشاكل فى ميتسوبيشى انا سمعت وشفت ومافيش عربية من غير مشاكل حتى لو مرسيدس

كلام ممتاز

**edodahab** · 09-02-2014 01:11 AM

انا بس عايز اقول حاجتين
اولا كل الناس اللى عمالة تعيد و تزيد على بلد الصنع و القفيل المصرى متنسوش ان مرسيدس بتتقفل فى مصر الرك على اسم الشركة و بصراحة بيسان شركة محترمة و توكيلها فى مصر من انضف التوكيلات و بيلم اى مشاكل بتظهر و بيعالجها على طول و بلاش بقى كلام هندى و صينى و مصرى من الاخر دى عربية من شركة نيسان اليابانية
و على فكرة مفيش عربية مظهرش فيها مشاكل اليابانى و الكورى ده حتى الألمانى فيه مشاكل ده كفاية مشاكل فتيس ال dsg
الحاجة التانية انا اخويا لسة حاجز بيجو 301 بالرغم انى شكرتله فى الصنى جدا و هو مقتنع بيها بس مش عاجبه شكلها و ان شاء الله لما بستلم حجرب الغربية منه و اعمل مقارنة موضوعية بينهم عشان الناس تستفيد

**amirali** · 09-02-2014 01:19 AM

المشاركة الأصلية كتبت بواسطة edodahab

من حوالى تلات شهور و عامل بيها قرب 5000 كم
عربية ممتازة

انت اكس ولا سوبرصالون؟

**amirali** · 09-02-2014 01:39 AM

المشاركة الأصلية كتبت بواسطة edodahab

انا بس عايز اقول حاجتين
اولا كل الناس اللى عمالة تعيد و تزيد على بلد الصنع و القفيل المصرى متنسوش ان مرسيدس بتتقفل فى مصر الرك على اسم الشركة و بصراحة بيسان شركة محترمة و توكيلها فى مصر من انضف التوكيلات و بيلم اى مشاكل بتظهر و بيعالجها على طول و بلاش بقى كلام هندى و صينى و مصرى من الاخر دى عربية من شركة نيسان اليابانية
و على فكرة مفيش عربية مظهرش فيها مشاكل اليابانى و الكورى ده حتى الألمانى فيه مشاكل ده كفاية مشاكل فتيس ال dsg
الحاجة التانية انا اخويا لسة حاجز بيجو 301 بالرغم انى شكرتله فى الصنى جدا و هو مقتنع بيها بس مش عاجبه شكلها و ان شاء الله لما بستلم حجرب الغربية منه و اعمل مقارنة موضوعية بينهم عشان الناس تستفيد

ما ده اللى بقوله بصراحة كلام ان العربية مش يابانى مش منطقى خالص يعنى!

**edodahab** · 09-02-2014 01:55 AM

عربيتى صنى ex 2014

**medo-312** · 09-02-2014 02:33 AM

المشاركة الأصلية كتبت بواسطة amirali

كلامك من الاخر ... انت شايف ايه الفرق بين التكييف التاتش والتكييف العادى؟

انا ماجربتش التاتش بس متهيألى مافيش فرق فى الاداء كل الفرق ده تاتش وده زراير عادي وعلى فكرة سيبك من الأعلانات بتاعة السى اليزيه .. وموضوع الباب اللى بيقولوا تقيل ده انا معايا العربية ومش حاسس ابدا انه تقيل مش عارف الناس مابقتش تاكل كويس واللا ايه ..

**amirali** · 09-02-2014 02:37 AM

المشاركة الأصلية كتبت بواسطة edodahab

عربيتى صنى ex 2014

ماظهرش معاك مشاكل فى الفرامل؟

**amirali** · 09-02-2014 02:42 AM

المشاركة الأصلية كتبت بواسطة medo-312

انا ماجربتش التاتش بس متهيألى مافيش فرق فى الاداء كل الفرق ده تاتش وده زراير عادي وعلى فكرة سيبك من الأعلانات بتاعة السى اليزيه .. وموضوع الباب اللى بيقولوا تقيل ده انا معايا العربية ومش حاسس ابدا انه تقيل مش عارف الناس مابقتش تاكل كويس واللا ايه ..

لا ماهو التاتش زراير عادى برده! الفرق انه بشاشة! مش فاهم كدة الفرق فى ايه بصراحة

**medo-312** · 09-02-2014 03:10 AM

المشاركة الأصلية كتبت بواسطة amirali

لا ماهو التاتش زراير عادى برده! الفرق انه بشاشة! مش فاهم كدة الفرق فى ايه بصراحة

ياباشا ماتشغلش بالك انا عندى العادى والتكييف تلاجة ماشاء الله .. جالك التاتش خير وبركة واكيد هايبقى كويس وشكله احلى .. المهم عندك تكييف

**abohend** · 09-02-2014 07:28 AM

المشاركة الأصلية كتبت بواسطة edodahab

انا بس عايز اقول حاجتين
اولا كل الناس اللى عمالة تعيد و تزيد على بلد الصنع و القفيل المصرى متنسوش ان مرسيدس بتتقفل فى مصر الرك على اسم الشركة و بصراحة بيسان شركة محترمة و توكيلها فى مصر من انضف التوكيلات و بيلم اى مشاكل بتظهر و بيعالجها على طول و بلاش بقى كلام هندى و صينى و مصرى من الاخر دى عربية من شركة نيسان اليابانية
و على فكرة مفيش عربية مظهرش فيها مشاكل اليابانى و الكورى ده حتى الألمانى فيه مشاكل ده كفاية مشاكل فتيس ال dsg
الحاجة التانية انا اخويا لسة حاجز بيجو 301 بالرغم انى شكرتله فى الصنى جدا و هو مقتنع بيها بس مش عاجبه شكلها و ان شاء الله لما بستلم حجرب الغربية منه و اعمل مقارنة موضوعية بينهم عشان الناس تستفيد

أنا في إنتظار المقارنة على أحر من الجمر
بس المشكلة إنه قدامه 3-4 شهور
يعني لسه بدري