الموضوع: والله مشكلة مجنناني (التسقيف)

الحرارة بتبقي اقل من النص بشوية يعني الطبيعي بتاعها .... والبطارية لسه يدوبك ماكملتش سنة ... بس انا فيه حاجة لاحظتها دلوقتي لما طلعت بالعربية وهية باردة وبقرص عليها القرص اللي بيخليها تسقف ما بتسقفش لكن لما بتوصل لدرجة الحرارة العادية اللي هية تحت النص بشوية يعني لما تسخن العربية من المشاوير تبتدي تسقف بقي ... مش عارف بصراحة

فيه معلومة تاني عايز اعرفها ... انا عند واحد صاحبي بكشف بالكمبيوتر علي طول فأنا كنت عايز اعرف ال inject time يعني هوة ايه المعدل الطبيعي بتاع الانجكشن علشان اعرف عندي الرشاشات كويسة ولا بتسيل ... اهو انا قولت يمكن سبب من الاسباب والله اعلي واعلم .... وياريت حد يرد عليا يا جماعة ...
نداء الي رؤساء القسم والاستاذ ممدوح والناس التقيلة ده

العربية دى جابت جوان قبل كدة او خرطت وش السلندر او غيرت الوش ؟

مشكله التسقيف ممكن تكون من زيت الموتور وغيرة لنوع تانى او الكهربا عاليه محتاجة تتظبط

المشاركة الأصلية كتبت بواسطة tarek_2005

من كلامك اعتقد العربية دي بتسقف لارتفاع درجة حرارة المكنة وسيبك من مؤشر الحرارة الي في التابلوه خالص شوف اعمل اسكان لما تكون العربية في وضع التسقيف وشوف الحرارة كام علي الاسكانر لو اعلي من 96 درجة مئوية هتراجع علي حساس الحرارة اسفل البوبينة وثرموستات الكوعة لان دول الي يعملوا المشكلة دي
زمن فتح الرشاشات الطبيعي لو عربيتك الرشاشاتن الرفيعة من 1.2 الي 1.6 ملي ثانيه لو التخينه من 1.5 الي 2 وخلي بالك ممكن رشاش واحد يكون بيسيل ومش هتعرفه بالاسكانر هتعرفه بماكينة الالترا سونيك

انا هعمل سكان علي الكمبيوتر واشوف درجة الحرارة يا استاذ طارق بس لو طلعت فوق 96 اعمل ايه بالضبط يعني اغير حساس الحرارة ده ولا اغير ثرموستات الكوعة ده ... وانت بتخمينك يا استاذ طارق هل يكون الرشاش يكون ليه دور في التسقيف او الحوار اللي انا حكيته ده عموما

انا عملت سكان علي الكمبيوتر ولقيت درجة الحرارة ما بين 89 و 92 وما بتعلاش عن كده ... اظن ان كده الموضوع طلع برة وحدة التبريد يعني قصدي مش موضوع سخونة ...
انا عايز احصر المشكلة فين بالضبط يعني قصدي لو فيه كذا حاجة اقعد افرزهم واحدة واحدة لغاية ما اعرف السبب فين بالضبط يعني علي ما اظن انا كده خلصت من موضوع سخونة الموتور لأن وحدة التبريد ودرجة الحرارة طبيعية ...
ملحوظة : لما عملت سكان بالكمبيوتر لقيت خطأ اللي هوة
15-W.T.S SIGNAL LOW راح صاحبي قاللي عادي ده هعملهواك erase بالكمبيوتر فمش عارف بصراحة ايه الكلام
ولو كده يبقي فاضل اشيك علي ايه تاااااااني بالضبط يا جماعة افيدوني ارجوكم