الموضوع: والله مشكلة مجنناني (التسقيف)

المشاركة الأصلية كتبت بواسطة msobhy

يااااااااااااااااااه يا زمن
انا وقعت فى المشكله بتاعت حضرتك ديه ومنه لله اللى ورانى الويل فيها وقعدت سنه كامله متروق فيها
هاقول الاعراض اللى كانت عندى
العربيه مستحيل تسقف الصبح أو وهيه بارده
اول لما العربيه تسخن تبدأ المشكله
الحلول
مراجعة دورة المياه - بدون فائده
تغيير بوجيهات وفلتر هواء وبنزين - بدون فائده
تغيير طرمبة الميه والترموستات - بدون فائده
تغيير ترموستات الكوعه وشوية حاجات تانيه بسبب مشكلة ارتفاع درجة حرارة العربيه على السرعات العاليه - وبرضو التسقيف فضل موجود

وفى المرحله ديه ابتدى التسقيف يعلى جدااااااااااااااااااااااا اااااااااااااا
لغاية لما واحد ابن حلال قال لى نراجع على حساس الكرنك وساعتها لاقيت جزء منه مكسور وغيرته بالفعل وفى ساعتها التسقيف قل بنسبة 80% - الحساس الاصلى كان ب 125 جنيه تقريبا
لكن برضو لسه فيه تسقيف - والعربيه مش بتشوف حتى البنزين ال 90 كله 92
لغاية لما كنت بعمل شغل فى عربية واحد صاحبى واخدت كابلات البوجيهات بتاعته وجربت بيها - المشكله اختفت تماما
مع العلم ان طقم الكابلات اللى كان عندى كان كله اصلى ما عدا كابل واحد كان اتقطع منى - جربت طقم تايوانى المشكله زى ما هيه
رجعته وجبت الاصلى
واعتقد انك لازم تجيب الاصلي اللى ب 140 جنيه على ما اتذكر

يعني افهم من كلامك ده يا باشا ان السر في سلوك البوجيهات وحساس الكرنك هما السبب في التسقيف ده ... طيب لو كلامك صح او يعني قصدي ان مشكلتك اتحلت بالحاجتين دول طيب اشمعنا لما العربية بتسخن بيبتدي التسقيف في العربية .. وهنا يكمن السؤال ؟؟؟؟؟

المشاركة الأصلية كتبت بواسطة hitmangate

طب ياباشا متجرب تغير حساس التسقيف من أي حد لأنه ممكن يكون فيه مشكله ومش قاريها جهاز الأعطال وحساس التسقيف ده اسمه بالانجليزي knock sensor جرب كده وشوف

يا باشا مفيش knock sensor في اللانوس ... الحساس ده موجود في النوبيرا بس

المشاركة الأصلية كتبت بواسطة hytham_112

كنت عاوز اسالك سؤال...... صوت التسقيف ده بيظهر عند rpm معين او رينج معين (مثلا من 2.5 : 3)؟؟؟؟؟

انا برضو عندى نفس مشكلة التسقيف و ده بيكون فى اول الغيار و بيروح بسرعة يعنى بيظهر على rpm 2 و يختفى على 2.5 و غيرت بوجيهات و سلوك و موبينة و فى السكة طرمبة بنزين و فلتر بنزين و هوا و مفيش حل

المشاركة الأصلية كتبت بواسطة profshady

انا معنديش rpm .. ولو فيه هيكون ايه مثلا تخمينك

انا مش بخمن انا عندى نفس المشكلة وتسلسلها كالتالى:
1- كلمت استاذ محمد ممدوح قالى ممكن يكون كرنك وسبايك
2- روحت للميكانيكى بتاعى قالى الموتور لازم يتفتح ونبص على الكرنك والسبايك والـ بيلات وتقريباً عمرة
3- روحت لميكانيكى تانى قالى كرنك وسبايك
4- روحت للميكانيكية اللى عندى فى الشغل بتوع حملة الاوتوبيسات قالولى الصوت من فوق فممكن يكون كامة وكوستبانات
4- روحت لميكانيكى مهندس معايا بيتعامل معاه ومصدر ثقة بالنسبة له قالى كوستبانات قافشة ومحتاجة تنضيف.... وفتحت الموتور وغيرت على حس ان العيب حيتحل طقم دبرياج واولسيهات وقواعد موتور وطقم سيور وبلية كاتينة وزيزت وفلاتر وكل حاجة محتاجاها العربية والمفاجئة بعد ده كلها وبعد ما قفلها لقيت الصوت هو هو بعد ماصرفت تقريباً 1900 جنيه وتقريبا دلوقتى بشد فى شعرى بسبب انى ولا منى سقطت موتور وريحت دماغى ولا منى كشفت على الكرنك والسبايك ورجعت لنقطة الصفر تانى............
ومظاهر العيب صوت قريب من التسقيف عند ار بى ام من 2.5 : 3 وبيروح لما ارفع رجلى من البنزين ولما اقرص على الغيار المهم يعنى ابعد عن الرينج ده وفى نفس الوقت العربية سحبها كويس واستهلاكها للبنزين ممتاز وكله زى الفل بس ماشى بيها وانا خايف احسن قالولى لو كرنك ممكن يقفش منك فى اى لحظة ويدغدغ الموتور.... بس ياسيدى ده الحكاية
انا نفسى اقابل محمد ممدوح او اى حد من الكبار دول عشان بس يوجهنى صح وماصرفش تانى على الفاضى