الموضوع: صديقي المواطن ( بيان رقم واحد )

المشاركة الأصلية كتبت بواسطة zarif

والله يا استاذ صدام مواضيعك كلها جميلة وشيقة
وواضح خبرتك فى مجال السيارات
لكن لو انا مكانك كنت هعمل قصة وحكاية وموضوع لكل عربية

يعنى مثلا
العربية الاخيرة اللى انت جبتها دى كنت تعملها موضوع وتصورها وهيا عليها التراب وتصور مراحل النقل على الونش وبعدين صورها وهى رايحة الورش وهكذا ......تقوم تلاقى الموضوع شيق فعلا ومثير وتلاقى متابعة والناس مستمتعة ومنتظرة

وتبقى كل عربية بموضوع لوحدة مدعم بالصور
اكيييييييييييييييييييد هيبقى اجمد واحلى من موضوع بدون صور

وفى النهاية ربنا يوفقك

صديقي المواطن
مبدئيا أنا واخد للعربية لغاية دلوأتي فوق ال 100 صورة حتى قبل مشتريها ولما نفخت العجل ولما شالها الونش وفي الطريق وعند السمكري وهكذا وكل عربية من عربياتي بعمل كده وكل عربية كمان بيبقه ليها قصة شيقة وتستحق تتحط في مواضيع مش موضوع واحد لكني مش من هواة كتب المواضيع جدا كل فترة كده بكتب موضوع مبعملش زي بعض الناس يروح يركب غطا بلف للكاوتش وييجي يكتب عليه موضوع
أما الصور فلغاية في نفسي ونفس يعقوب مبحبش أطلع وأوري للناس مصارين وداخليات وأصل وفصل عربياتي ﻷن طبيعة البشر دائما والمصري خاصة عنيه بتيجي عالوحش قبل الجميل وكمان الصور لا تبين الحقائق يعني لما إبتديت رش اﻷلماز والذهب والجواهر لعربياتي في الصور ميبانش ﻷن رسيليوشن الكاميرا مش جايبه لكن في الحقيقة يبان أوي أوي أوي وكمان من طبعي أحب الناس تشوف العربية في الشارع وأنا ماشي بيها وكمان في النية من أول 2015 حبتدي أحضر دعوات مقابلات المنتدى التي توجه لي شبه أسبوعيا وقررت أحضر بكل عربية معدلة عندي تستحق أتباهى بيها وتكون جاهزة من كله ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة أحمد جودة

مبروك يا استاذ صدام وياريت حضرتك متنساش الصور

والله انتا راجل محترم وشخصية ظريفة جدا

صديقي المواطن
حللت أهلا ونزلت سهلا وزادت قيمة الموضوع بتشريفك له ولا تحرمنا من تعليقاتك دائما
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال