حتى لا تكون مخدوعا فهى ليست صناعة يابانية على الاطلاق

**SonaSteel** · 09-03-2014 01:54 PM

سبحان الملك .... يبقي متحددش نيسان اصلا مقارنة بغبور ولا منصور اللي بيجيبوا فلوس من الهوا و بيبعوا عربيات بسعر الصني السوبر صالون مثلا بكماليتها و ووسائل امانها و قطع غيارها و بنفس السعر ....... لو نفس الربح الخيالي اللي بتتكلم بيه
انا معنديش مشكلة لان الناس ديه ليها مقياس ماشية عليه .... فيه بني ادم هايركب العربية
مش عربية بماتور و4 ازاز كهربا ونزلها ب130 ولا 140 الف و علشان كوري ومن غير اي وسائل امان اصلا وتقولي استغلاااااااااااااال وتضليل
طيب ارباح هيونداي وكيا و شيفروليه كام مقارنة بيسان ؟؟؟ ....... طيب هيونداي فقط ؟!!
---------------------------------------
واسف موضوع ايه اللي ارد عليه ........ هو الموضوع لو كان استفسار ولا الراجل عايز يشتكي ولا عنده مشكله ولا حاجة كنت رديت
لكن لا هو مالك العربية ولا عنده اصلا ..... هو مش عاجبه العربية
طيب اهلا وسهلا
انت داخل مش عاجبني العربية علشان كذا وكذا .... يبقي تاخد تصرف ايجابي زي ما قلت و تتحرك وتصلحة
زي ما روحنا وقعدنا مع الناس في المصنع و اديناهم تقارررررير بعيوب الصني كلها الشكل الي كانت معانا وكنا بنتابع معاهم اول بأول
ده تصرف ايجتابي
لكن ميجيش في قسم ملاك العربية ووناس دافعين دم قلبهم في عربية و يرصلهم صف العيووووب ديه كلها
اللي هي اصلا عيوب فرديه عدا مشكلة الفرامل والطنابير واتحلت من الدفع لجديدة
غير كده مشاكل فردية للتقفيل المحلي حتي لو هندي ياعم ولا مصري بالكامل
ما الناس رايحة تشتري الf5 و البريلسانس و العربيات معدية ال120 وال130 الف ....... ايه المشكلة بقي

عربية زي السوبر صالون لما تنزل باالكماليات ديه كلها ب120 الف في حين ان الاوبترا الشكل القديم ولا الاربي 115 ولا 126 الف
و4 ازار كهربا وماترو فقطططط ..... ايه بقي ؟؟
علشان تقفيل كوري ؟؟ ..... يكفيني فقط ان واحد من اصدقائي بيكره الصني خلقة و مبيطقش امها
ولما ربنا قدرله انه يبيع عربيته و يدور علي زيرو ملاقاش غير الصني السوبر صالون وراح وشافها وقالي مش سيئة زي ما الناس في المنتدي بتقول و تهري
و كله كان بالسمع ..... !!!

انا مدخلتش الفريق علشان اقول كنا بنسوي ولا بنعمل ....... و اكيد انا اخر واحد اعمل كده يعني انا مقعدتش يوم ولا شهر ولا سنة في هنا علشان اعمل كده
انا بقول بالرغم من احنا كنا بنعمل كده و بناخد الخطوات ديه ... اعتقد هتاخد وقت ومجهود من حد كبييييير جدا علشان يبدأ فيه تاني ... طلع ناس وانتقدوا الوضع باسلوب مستفز والموضوع خرج من كونه نقاش لاتهامات وكلام كتير مش مجال لذكره
الشاهد ان فيه حد بيسعي انه يصلح .. مش أكتر

**edodahab** · 09-03-2014 07:30 PM

انا قلت قبل كده الموضوع قديم و قتل بحثا و غير بناء وةملوش تلاتين لازمة
اﻷخ اللى محروق اوى من العربية دى ميجيبهاش و سيب الناس تجيبها لو عاجباها كل واحد حر
بس متقطمنش ناس دافعة دم قلبها فى عربية و متحسسناش انك انت الوحيد اللى بتفهم و كل ملاك العربية بهايم
اخيرا بقة ايه العربية اللى ممكن سيادتك تتكرم و تجيبها و متكونش صينى ولا فيها عيوب و لا مشاكل و فيها كل امكانيات الصنى و معاها توكيل محترم و يكون سعرها 110 الف بس
اتحداك انك تقول اختيار محترم واحد بالسعر ده
و بلاش بقى رغى كتير ملوش تلاتين لازمة

**edodahab** · 10-03-2014 09:57 AM

المشاركة الأصلية كتبت بواسطة hamaka

أنا شايف ان فى ناس كتير متحاملين على الراجل ، ما كل واحد حر فى وجهة نظره يا جماعة ، و زى ما تفضلتم و قلتم للراجل لو مش عاجباك العربية ما تشتريهاش ، برضه اللى مش عاجبه عنوان الموضوع ما يقراهوش و لو قراه و معجبوش ميضيعش وقته فى الرد على كلام مش عاجبه ، كل واحد من اللى جابو العربية جابها بعد دراسة و حط فيها شقى عمره ، و الكلام السلبى عنها مش هينقصله منها حتة ، و الكلام الايجابى عنها مش هيخفى عيوبها بسبب التقفيل المصرى من ناحية و قلة جودة بعض القطع المستخدمة من ناحية أخرى ، و عموماً اللى جاب العربية و مريحاه ربنا يباركله و اللى مش مريحاه ربنا يعينه ، و اللى فاكر انه بيدافع عن سمعة العربية عن طريق مهاجمة كل من ينتقدها ظناً منه ان بيحمى سوقها و بيساهم فى انتشارها عشان النفع يعود عليه من رخص قطع غيار و سهولة بيع يبقى لا مؤاخذة ساااااااذج لأبعد الحدود ، عشان فى عوامل كتيييير جداً بتحكم سوق العربيات فى مصر ، فا اللى واخد الموضوع على صدره أوى و خايف على سمعة العربية يطمن ، لو العربية تناسب الاحتياجات المصرية مع السعر المناسب بدون عيوب جوهرية يبقى هتنتشر و يفضل خط انتاجها شغال سنين مهما اتقال عليها فى المنتدى ، و لو العكس حصل يبقى هتفشل و مبيعاتها هتقل لحد ما نيسان تبطل تجمعها حتى لو كل اللى على المنتدى نفخوا صدرهم و هاتك يا مدح فى العربية و يا شتيمة فى اللى يقول عليها نص كلمة...

عشان كده انا متطمن و مكبر دماغى من الهرى و الرغى بتاع المنتدى و شوف انتشار العربية فى الشارع و الطلب عليها و هو ده الرد
شكرا

**hamaka** · 10-03-2014 04:57 PM

المشاركة الأصلية كتبت بواسطة edodahab

عشان كده انا متطمن و مكبر دماغى من الهرى و الرغى بتاع المنتدى و شوف انتشار العربية فى الشارع و الطلب عليها و هو ده الرد
شكرا

ماتتسرعش فى الحكم ، لسة الأيام هيا اللى هتثبت ده يا باشا ، ياما عربيات كانت very promising أول ما نزلت و باعت كتير على حس نجاح أجيال سابقة ليها و بعد كده سوقها ضعف و أحياناً وقف ، يا اما بسبب اكتشاف عيوب جوهرية فيها أو اهمال الوكيل للصيانة و خدمة ما بعد البيع و الدعاية المستمرة للعربية ، و فى أمثلة للعكس زى فى حالة اللوجان مثلاً ، محدش كان معبرها و الناس بتاعة الموروث القديم قالت دى فرنساوى معقدة و الناس اللى فاهمة عربيات أوى قالك دى رومانى لا تستحق علامة رينو (و ليهم بعض الحق فى كده و رأيهم يحترم نظراً لمعرفتهم بالمستوى الحقيقى للعربيات الأوروبى الفعلية ، اللوجان كده كده فئة اقتصادية جداً) و بالرغم من ده كله العربية انتشرت كويس جداً و بقى ليها زبونها ، و لك مثال أخر فى العربيات الصينى خصوصاً الاسبرانزا....السوق المصرى معاييره غير أى سوق تانى و بكره نشوف الصنى الجديدة هتاخد أنهى سكة....

**ibrahimsaad** · 10-03-2014 05:17 PM

المشاركة الأصلية كتبت بواسطة hamaka

ماتتسرعش فى الحكم ، لسة الأيام هيا اللى هتثبت ده يا باشا ، ياما عربيات كانت very promising أول ما نزلت و باعت كتير على حس نجاح أجيال سابقة ليها و بعد كده سوقها ضعف و أحياناً وقف ، يا اما بسبب اكتشاف عيوب جوهرية فيها أو اهمال الوكيل للصيانة و خدمة ما بعد البيع و الدعاية المستمرة للعربية ، و فى أمثلة للعكس زى فى حالة اللوجان مثلاً ، محدش كان معبرها و الناس بتاعة الموروث القديم قالت دى فرنساوى معقدة و الناس اللى فاهمة عربيات أوى قالك دى رومانى لا تستحق علامة رينو (و ليهم بعض الحق فى كده و رأيهم يحترم نظراً لمعرفتهم بالمستوى الحقيقى للعربيات الأوروبى الفعلية ، اللوجان كده كده فئة اقتصادية جداً) و بالرغم من ده كله العربية انتشرت كويس جداً و بقى ليها زبونها ، و لك مثال أخر فى العربيات الصينى خصوصاً الاسبرانزا....السوق المصرى معاييره غير أى سوق تانى و بكره نشوف الصنى الجديدة هتاخد أنهى سكة....

مع احترامى لكلام حضرتك ومع انى شايف ان من حقك تنتقد براحتك
بس ليه حضرتك بتتكلم عن نيسان او النيو صنى تحديدا وكانها لسه عربيه مجهوله بدون تاريخ لسه نازله مصر وياعالم هتنفع ولا لا ونسيت حضرتك انها اعرق شركه يابانيه فى صناعه السيارات وتكنولوجيا السيارات

محسسنى انى شارى عربيه صينى ويمكن حتى خليت الصينى له تاريخ عنها

بصراحه منطق عجيب جدا

انا شايف بقى العكس وانا بصراحه لم اعد يهمنى اراء المنتدى لانى بحس انهم فى عالم تانى غير الطبيعه

من كام سنه بس كانت النيسان مالهاش سوق فى مصر مش علشان هى وحشه لا لان السوق المصرى ليه معايير مختله بيحتل صدارته العربيه البياعه حتى لو وحشه لكن بصراحه تغير الوضع الان وشايف بنفسى ان الناس ابتدت تفهم وابتدت تغير من سلوكها وماعدش حد دلوقت ماشى على القاعده دى وابتدت انواع كثير جدا تنتشر فى مصر حتى رغم انها ليس لها تاريخ او سوابق

انا شايف دلوقت ان الناس ابتدت تتجه لنيسان اكثر وابتدت الغشاوه اللى على عينيهم تتشال وتشوفها على الطبيعه وانا من الناس دى ماكنتش افكر فى يوم انى اجيبها ومع ذلك جبتها

انا مش بقول انها مافيش زيها لا انا بقول انها مش واخده حقها زى عربيات تانيه اقل منها ولكن بصراحه دلوقت ابتدت الناس تقبل عليها وبقى ليها فى السوق سعر انا كنت رايح اشترى واحده مستعمله لقيت اسعارها نار فقررت انى اجيب زيرو لان الفرق كان بينها وبين الزيرو قليل

عربيه بالسعر ده وبالامكانيات دى جديره انها تقتنى حتى لو كان فيها عيوب فكل العربيات لاتخلوا من العيوب فى ظل سوق وفى ظل اسعار جنونيه وجشع مستورد وتاجر

برغم كل عيوب نيسان اللى شايفها الناس لكن تظل صفقه رابحه فى وسط اقرانها

**د.هشام** · 10-03-2014 05:37 PM

يعني حتى الموتور والفتيس طلعتوه صيني!!!!!!!!!!

**abou-yahia** · 10-03-2014 07:30 PM

نصيحه عامه

قبل ما اي حد يشتري اي عربيه سواءا جديده او مستعمله

يعمل الاتي :

هل العربيه للاستخدام العائلي او الشخصي

نمط الاستخدام يومي او عند الاحتياج

مكان ركنه العربيه جراج ولا في الشارع

نمط القياده يعني رياضي ويهمك الاداء والثبات في المقام الأول

ولا قيادتك هاديه وبتبحث عن النعومه والعزل

نوعيه الطرق اللي بتستخدم العربيه فيها ، هل ارتفاع العربيه مهم ، هل العزم مطلوب هل مطلوب عفشه رياضيه

تكاليف التشغيل وقرب مراكز الصيانه والاصلاح من نطاق سكنك وعملك

الميزانيه المقترحه ايه والمبلغ الشهري المقدر للتشغيل كام

ده مبدئيا لازم تجاوب الاسئله ديه قبل الاختيار بين البدائل في السوق

تحياتي

**hamaka** · 10-03-2014 08:09 PM

المشاركة الأصلية كتبت بواسطة ibrahimsaad

مع احترامى لكلام حضرتك ومع انى شايف ان من حقك تنتقد براحتك
بس ليه حضرتك بتتكلم عن نيسان او النيو صنى تحديدا وكانها لسه عربيه مجهوله بدون تاريخ لسه نازله مصر وياعالم هتنفع ولا لا ونسيت حضرتك انها اعرق شركه يابانيه فى صناعه السيارات وتكنولوجيا السيارات

تقريبا New يعنى جديدة لو حضرتك ماتعرفش و العربية يا دوب بقالها سنتين نازلة مصر و مكملتهمش حتى ، و موضوع الحوار مش عراقة و مكانة شركة نيسان ، هو أنا جبت سيرة نيسان كشركة أساساً ؟!! هو حضرتك قريت كلام تانى غير كلامى ؟!! الكلام على موديل معين جديد من نيسان و كلامى كله ان لسة شوية على ما نقول ان العربية خلاص ثبتت نفسها فى السوق و ده فى كل العربيات فى أول 4-5 سنوات عشان تقدر تحكم على اعتماديتها و قيمتها كسلعة معمرة ، من ناحية المبيعات اه بتبيع بس عشان ده يستمر لازم حاجات كتير تحصل أهمها عدم ظهور عيوب جوهرية و تعامل الوكيل مع العيوب اللى بتظهر بشكل جيد و اصلاحها نهائياً لو نجح هتستمر المبيعات ، لو فشل المبيعات هتقل و المستهلك هيدور على الشكل القديم مستعمل أو على اختيار اخر يوفر احتياجاته....

محسسنى انى شارى عربيه صينى ويمكن حتى خليت الصينى له تاريخ عنها

أنا محسستش حضرتك بأى حاجة على فكرة ، ولا جبت سيرة عربيتك ولا قارنت بينها و بين الصينى ، أنا مشاركاتى واضحة للجميع و معرفش حضرتك جبت الكلام ده منين ، ده زى ما يكون حضرتك ماشوفتش كلامى أصلاً رغم انك عامله اقتباس

بصراحه منطق عجيب جدا

معرفش ايه اللى عجيب الحقيقة ، مش فاهم انت بتهاجمنى كده على أساس ايه أصلاً و بأى حق ، أنا مجبتش سيرتك فى حاجة ، و لو كان فى حاجة عجيبة يبقى أكيد مش منطقى أنا اللى عجيب...

انا شايف بقى العكس وانا بصراحه لم اعد يهمنى اراء المنتدى لانى بحس انهم فى عالم تانى غير الطبيعه

متشكرين لذوق حضرتك و لو حضرتك مش هامك اراء المنتدى و بتحتقرها أوى كده داخل على المنتدى ليه أصلاً و مكلف نفسك عناء الرد عليها (بالرغم من انها متوجهتش لشخصك من الأساس و محدش هاجمك شخصياً...سبحان الله)

ربنا يهدى الجميع....تحياتى