الموضوع: حتى لا تكون مخدوعا فهى ليست صناعة يابانية على الاطلاق

مفيش أي مشكلة لما تكون السيارة ياباني تقفيل تايواني أو تايلاندي.

الساده الأعضاء المحترمين ، السلام عليكم
اولا: انا ارييت كل المشاركات من صفحه 1 الى 5 جميعها شيقه تعبر عن جميع الآراء سواء بالسلب او الايجاب و من خلال اللى فهمته من السيد mif انه عايز يوضح الصوره الخاصه بالغش فجاب نيسان كمثال خاصه و ان ليها اكثر من اسم في بعض الدول .
ثانيا: انا من مالكى نيسان صنى (2013 الشكل الجديد ex ) انا مش حنكر ان انا غيرت الكاوتش بتاعها نظرا انه منييييييييييييييل و حيئسر على العفشه و مش حنكر انى اول ما استلمتها كانت الفرامل سيئه و بتعمل صوت مؤرف فرحت التوكيل مرتين دون جدوى (اللت ادب بصراحه و اشتغلات) و الفكره انى فاهم اوى في الميكانيكا و في السيارات عامه فاختصرت الموضوع و رحت عامل فيهم شكوى في جهاز حمايه المستهلك فبنت احمد مرعى شخصيا كلمتنى و وابل من الأسف و رحت تانى التوكيل بعد ما كلمونى ان الحاجه العربيه جاهزه المعامله كانت مختلفه تماما و تم تغير كل شيء خاص بالفرامل و الحمد لله الصوت راح..
ثالثا: العربيه في المجمل محترمه بالنسبه لسعرها و مريحانى ماعدا الصاج و دا عادى كل العربيات كده.
انتهى و اسف على الاطاله......

انا مش فاهم ايه لازمة الهرى و الرغى فى مواضيع قديمة و قتلت بحثا
ما كل الناس عارفين انها مصرى و معظم منتجاتها هندى و اللى مش عارف اكيد عرف و هو بيرخص يعنى مفيش نصب ولا يحزنون
و بعدين العالم كله تخطى موضوع بلد التقفيل و لو مش عاجبك الهندى و الصينى يبقى مش هتشترى اى حاجة فى حياتك اما بقى لو مش عاجبك التقفيل المصرى يبقى متشتريش مرسيسدئ مثلا
القصة كلها انك بتختار ماركة محترمة عشان لو ظهر اى عيب هتعرف تروحلهم و يتعاملوا معاه دى غير ان منتجاتهم هيكون ليها مواصفات محترمة
اخيرا احب اطمنك ان اسعار العربيات كلها فى مصر عاملة زى النكت بس العربية الوحيدة اللى ممكن يكون سعرها مقبول هى الصنى
الفيرنا الاوتو ب 90 و الافيو الاوتو ب 100 هههههه يبقى متزعلش من الصنى ام 110

المشاركة الأصلية كتبت بواسطة amirali

الغريب انك روحت تجيب الردود اللى بتشتم فى العربية ومتجاهل الردود اللى بتشكر فيها (اللى هى الاغلبية)!!

حاجة غريبة بصراحة .. على فكرة انا ممكن اجيبلك من توكيل بيجو مواضيع بتلعن سلسفيل ال301!! واللى يقولك

انا غلطان انى مشيت ورا كلام الناس ومش عارف ايه .. يا باشا كل عربية ليها عيوب والنيسان تظل نيسان

بغض النظر ان اللى ينزلنا هنا فرز رابع

اشكرك يا فندم على تفاعلك و مع كامل احترامى لك حضرتك لم تفهم قصدي من الموضوع

انا فعلا عامل قص و لزق للعيوب فقط و ده مش معناه انى متحامل على نيسان او صني او التوكيل و لكن الهدف كله هو مثال بسيط لارض الواقع المر الذى لا يحتمله الجميع.

يمكن ببساطة تطبيق نفس الموضوع مع سيارات اخرى ك 301 و غيرها و لكن اخترت نيسان علشان الاعتقاد المصريين فى جملة (ياباني 100%)

عندك حق فلا تجعل من كلام الناس مؤثر فى اختياراتك فكن شجعا مستقلا .

نيسان شركة رائعة و اعتز بها جدا و ليس عليها اى جدال

اخر جملة فى تعليق حضرتك هى جوهر الموضوع و اساس النقاش (الغش التجاري المبنى على البيع بقيمة تعلو القيمة الحقيقية )

المشاركة الأصلية كتبت بواسطة mk3

باشا
كلامك صح بس مش فى محله
ليه
لان الزياده الغريبه فى الاسعار رايحه للجمارك بالورقه والقلم

شكرا لمرورك

العربية بتدخل كقطع غيار بجمارك صغيرة كنوع من تشجيع الصناعة على اساس ان القطع مكون لمنتج يعتبر فى النهاية مصري.

المشاركة الأصلية كتبت بواسطة ibrahimsaad

انا متفق معاك ان فيه نصب واستغلال على الشعب لكن ده مش فى نيسان فقط دا فى كل التوكيلات بلا استثناء

موضوع ان احنا بنقول على المنتج يابانى وهو مش يابانى فده غير صحيح لان كل واحد بيشترى عارف هو بيشترى ايه كويس

انا شخصيا قبل مااشترى النيسان عارف انا بشترى ايه وعارف ان بعض مكوناتها هندى وده مش عيب اطلاقا كل ده بيتم باشراف الشركه الام وعايز اقول لك انى كنت فى الهند وشفت المصانع هناك شغاله ازاى حاجه تفرح عقابلنا يارب

انا بقى ملاحظ ان حضرتك نازل هجوم على العربيه والشركه بششكل ملاحظ وجايب مجموعه مواضيع عن مشاكل العربيه انا شايفها كلها مشاكل تافهه جدا لاتقارن بمشاكل تانيه مع عربيات تانيه

انا بصراحه راضى جدا عن العربيه لغايه دلوقت ومش نادم انى اشتريتها اطلاقا

وبخصوص قفله الباب اللى كنت اشتكيت منها اتحسن دلوقت ودى مش مشكله ان نقول عليها مشكله

بخصوص السعر انا شايف انه انسب سعر لعربيه زى دى فيها كل عوامل الامان 2 ايرباج واوموبيلايزرر مانع للسرقه وفيها موتور وفتيس معروفين للكل ومعروف كفائتهم يبقى عيب واحد وهو الصاج ضعيف شويه ودا حال كل الجديد

انا قبل مااشترى لفيت كل الاقسام وتجولت وعملت مقارنات علشان الاقى عربيه بالسعر ده مالقيتش الا النيسان والعربيه بصراحه ممتازه مش علشان هى بتاعتى بالعكس العربيه عامله احلى انتشار فى كل حته وعندنا فى كفرالشيخ لوحدها عامله انتشار رهيب جدا ودا اكبر دليل على انها كويسه ومناسبه وصفقه رابحه

فعلا فى اغلب التوكيلات يوجد نصب

انت راجل شاطر تعرف ان نيسان صني مش ياباني و عندك معلومات جيدة و رائعة و لكن ليس كل المصريين مميزين مثل حضرتك و يوجد الى الان جمع كثير جدا يخدع بهوية كثير من السيارات و قطع الغيار و غيرها بالاسم فقط (واحد صاحبى والده اشترى رينو داستر من سنتان و الى الان غير مقتنع بانها داتشيا و انها ليست فرنساوي و لا يحتمل سماع حديث عن هوية السيارة) هى دى اللى مشكلة بالنسبة لى فقط (احنا مش عايشيين لوحدنا و لازم نحمى اللى ما يعرفش من النصب و لو حتى بالكلام )

قلت كتير انا مش بهاجم نيسان او صنى او الوكيل و لكن انا بهاجم فكر يتكرر للمرة الثانية ( كما حدث مع الكورولا الجنوب افريقي ) و هو ان نخدع انفسنا باعتقاداتنا الخاطئة .

محدش يا فندم بيطلب من حضرتك الندم على قرار شخصي فى شراء سيارة .... لا و الف مليار لا ... بالعكس خالص الف مليون مبروك لحضرتك السيارة الجديدة و ربنا يديك خيرها و يكفيك شرها و يارب تكون سبب سعادة لحضرتك و تكون مصدر بهجة و سلام و ربنا يحفها لحضرتك و تعيش و تدوب و عقبال ما تجيب ماكسيما و باترول كمان
enjoy your new vehicle as you like
الحمد لله ان الباب اصبح تمام و ان شاء الله ما يظهرش اى مشكلة خالص ( رغم ان حكاية الباب دى مش مشكلة و موضعنا اصلا عن الغش التجاري و التثمين المبالغ و ليس التقفيل )

كل الزيادات فى اسعار كثير من السيارات غير مبررة و نتيجة تسيب و عدم سيطرة من الدولة على الاسواق و المنتفعين مجموعة من الاستغلاليين .(انا من وجهة نظري سيارات كثيرة سعرها مبالغ فيه جدا )

النقاش ليس على نيسان صني ( فهى كسيارة رائعة و متميزة ) و لكن على المبالغات فى الثمن و المنشاء .

اشكرك على سعة صدرك فى النقاش و موفق باذن الله فى كل اختياراتك .