الموضوع: حتى لا تكون مخدوعا فهى ليست صناعة يابانية على الاطلاق

المشاركة الأصلية كتبت بواسطة amirali

ياعم ابراهيم ماتردش عليهم سيبهم يتكلموا مع بعض .. انا اللى مستغربه ان فى ناس متغاظة بطريقة رهيبة من العربية كأنها درتهم!
يا سيدي الفاضل مفيش حد متغاظ من حد او من حاجة و ان كنت من ملاك السيارة فده اختيارك الشخصي و باذن الله اخيار موفق و هي سيارة رائعة بجد مش مجاملة و يا رب تكون سبب سعادة و فرح و راحة لك و لاسرتك
و لكن تذكر ان الحوار قائم ليس لانتقاد الصني و انما سياسة تجارية غير مرغوبة
يعنى ايه اللى ممكن يوصل بنى ادم طبيعى انه يبقى متغاظ من منظر ده من حتة صاج على كاوتش!! انا بشوف حاجات فى المنتدى ده غريبة بصراحة
يفضل ان الحوار يكون ايجابي بعدم اللجوء للتجريح فى بعض
وعامة على فكرة ال301 مش بتنزل فى فرنسا اللى هى بلدها الاصلى المفروض! ومش بلف اقول البوقين دول فى المنتديات كلهم لأن انا بنى ادم سوى

العربية فى ناس بتحبها وناس لأ وكل واحد وله رأيه لكن ايه حب فرض الرأى بالعافية اللى بقة عند الناس ده! حاجة هم والله
كلام جميل بس مفيش حد بيفرض رأيه على حد كل واحد فينا له كامل حريته و ارادته فى اختياراته محدش بيجبر حد على اى حاجة خالص . بالعكس هدف الحوار انه يكون بناء بظهور معلومات جديدة و مفيدة تساعد الجميع على اتخاذ قرار و ليس اجبار .

المشاركة الأصلية كتبت بواسطة ibrahimsaad

حضرتك بتقول الصنى اللى هى فيها كل عوامل الامان وفرامل ا ى بى اس و2 ايرباج واللى ثمنها 114 الف غاليه انا معاك ممكن تكون غاليه لكن برده كل العربيات غاليه مش الصنى بس يعنى مثلا انا كنت بشترى اوبترا مافيهاش اى عوامل امان ولا اى بى اس ولا ايرباج يادوب الكاسيت والتكييف وثمنها 117 الف برايك كده مين اللى بيبالغ فى السعر الكورى ولا اليابانى اللى متقفل هنا ؟
يبقى يا فندم كلامي صح ... بلاش ندي فرصة لحد يستغلنا
لازم نضغط على الدولة لتقليل الجمارك
مع وجود رقابة على الاسواق

خليك منطقى ولو عايز تناقش الاسعار والمغالاه فيها والنصب كان يبقى الموضوع فى المنتدى العام وكان الكل يشارك لانه كان هيمس الجميع لكن ان يوضع الموضوع بقسم النيسان ويتم توجيه النقض للنيسان ويتم انتقاض من يدخلون وانهم ملاك نيسان فده تسميه ايه حضرتك ؟
مفيش مشاكل ان يكون في موضوع عن المبالغة فى الاسعار و ياريت لو حضرتك تشاركنا بمعلوماتك و خبراتك و تفتح الموضوع ده و انا مع حضرتك . لم يتم توجيه نقض باى شكل للسيارة كصني و لكن عدم معرفة البعض بعض المعلومات عنها جعلهم يتفاجئوا بمشكلا بسيطة و تافهة و غير متوقعة . لم يتم انتقاض اى من ملاك السيارة بالعكس كل الناس هنا فى المنتدى باين انهم ناس محترمة و صاحبة اخلاق رفيعة و لا اسمح لنفسي او لغيري بانتقادهم
هل يجوز لى مثلا ان ادخل قسم الرينو والعن فى ابو العربيه واللى شاريها ؟
لك كامل الحرية ادخل و شارك برأيك لان هو ده هدف المنتديات و لو حضرتك عايز تعرف اى حاجة عن الميجان انا تحت امرك فى حدود معرفتي . محدش بيجيب سيرة ملاك العربيات خالص و الموضوع قائم على وجهات النظر و تبادل المعلومات و الخبرات .
اعتقد انى ولا اى حد هيعمل كده لان كل واحد حر ان شاء الله حتى يشترى حمار يركبه دى حريه شخصيه ولما حد يطلب نصيحه ساعتها من حقك تنصحه اكثر من كده مش من حق حد انه يقطع فى التانى وبصراحه كده ومن الاخر انا ملاحظ هجوم شرس من ناس على العربيه رغم انها عامله انتشار رهيب انا كل يوم بشوف منها اكثر من اليوم اللى قبله مش معقول كل الناس ده لاقيه فلوسها فى الشارع علشان تنتشر كده وبعدين فى الاول والاخر دى عربيه مفيش عربيه كامله لان الكمال لله وحده
و ذلك ما ذكرته مرارا و تكرار انا مش بقول ان اللى اشترى العربية غلط غلطة عمره طبعا لا و الف لا كل واحد حر .
و ربنا يبارك فىها و فى ملاكها .
و نعمة بالله

بعض الردود ليك وبعض الردود لناس تانية فى موضوعك بتتكلم عن العربية بشكل شخصى واللى

يقولك عضة ومش عارف ايه هو فى ايه ياعم الحج وقولنالك كذا مرة طالما بتتكلم عن الموضوع

بشكل عام يبقى توضح ده فى موضوعك وتعملوا فى المنتدى العام لان فى عربيات سعرها اكبر

من تمنها بشكل اكبر من الصنى كمان بمراحل عالاقل دى تتبع شركة نيسان اليابانية وفيها وسائل

امان

المشاركة الأصلية كتبت بواسطة mif

غالبا ما نظلم انفسنا باعتقادتنا الخاطئة
ففى سوق السيارات تجد بعض الماركات المجمعة فى مصر يضع الوكيل المجمع هامش ربح ضخم على السيارة لمجرد اعتقاد خاطئ عن السيارة.

كثير من السيارات التى تباع فى مصر باسعار مبالغ فيها لادعاء انها يابانى الصنع مثل معشوقة الجماهير نيسان صني ( المرا او لاتيو او سكالا او فرسا )

من المعروف ان نيسان صنى تم وقف صناعاتها فى اليابان من 2004 بالكامل و من ذلك التاريخ تصنع فى1- الصين 2- الهند 3- المكسيك 4- الفلبين 5- تايلاند

فاليابان تستورد نيسان لاتيو من تايلاند
فاليابان لا تهدر وقتها الثمين فيما عفى عليه الزمن و ايضا توفر كل متطلبات شعبها حتى لو كان لبن العصفور .

كلام صحيح 100%

المشاركة الأصلية كتبت بواسطة edodahab

موضوع تافه اخد اكبر من حجمه و انا مش هشارك فيه تانى يمكن يكون تافه فى نظرك و هام فى نظر الاخرين
ده اسمه جدل عقيم انا شايف انه ايجابي لان نتيجة الحوار بيظهر معلومات مفيدة للجميع
لو مش عاجباك الصنى عشان صينى و مبالغ فى سعرها ابقى هات عربية مفيهاش حاجة صينى ولا يكون سعرها مبالغ فيه و ابقى قابلنى لو جبت عربية اصلا . العربية لو كانت كلها صيني كانت حتبقى افضل مع العلم ان الحوار قائم على الاعتقاد الخاطئ و ليس نقد السيارة
بس بلاش دور الناصح اﻷمين اللى خايف على المستهلك المصرى دور!!
شكرا انا اللى بشكرك لانى بتعلم من تعليقاتك كتير

المشاركة الأصلية كتبت بواسطة ahmad--ezzat

ايه لازمة الموضوع!!

الناس عرفه ان العربيه تقفيل مصري وعارفه ان التقفيل مهواش perfect
وعارفه ان سعرها 135

والناس بتشتري وعارفه

محدش بقي اهبل يا استاذي الفاضل
متفتكرش انك ضيفت جديد
بس فى ناس معتقدة ان مكونتها الاساسية ياباني و ده باين جدا فى تعليقات بعض ملكها من اعضاء المنتدى هنا و فى مواضيع اخرى
بس موضوعك يبقي كويس فعلا لو اتكلمت علي اسعار العربيات دي ...مش ياباني 100% او مصري%
احنا كلامنا كله على السعر المبالغ فيه

المشاركة الأصلية كتبت بواسطة adel_edrees

ملحوظة
طبعا اللى حيتكلم في الموضوع و حيعلق عليه ملاك السيارة نيسان صنى و طبعا أول حاجة حيتكلموا فيها هي معاك أيه رينو لوجان ما أسخم من سيدى ألا ستى لكن وقتها كان تمنها 70000 جنيه يعنى تمن معقول بالمقارنة بمنافسيها و هي كانت أحسنهم يعنى أحسن الخلطات السحرية لكن أنا بأتكلم على السعر مقابل القيمة هنا الرينو تكسب و أنا أقسم بالله ما داخل علشان أقارن بين الرينو و النيسان أنا عارف أن النيسان ممكن تكون أعلى من اللوجان بكتير او بقليل مش موضوعنا الحاجة التانية معظم أصحاب النيسان 2014 اللى دخلوا يطلبوا من أدارة المنتدى غلق النقاش في الموضوع ده رغم أن حرية الرأي و التعبير مكفولة لكل أعضاء المنتدى و يوصفوا الموضوع بأنه تافه !!!!!!!!!!!!!!!!!!!!!!!

شكرا على التفهم حضرتك وجهة االنظر

و انا شايف ان التصرف الاكثر واقعية ان الناس تطالب بتثبيت الموضوع لان باين جدا ان بعض من ملاك السيارة من اعضاء المنتدى يعتقدون ان بعض مكونتها او الغالبية منها ياباني الصنع (واضح فى تعليقات بعض الملاك) على عكس الواقع.

و بما ان الهدف من المنتدى نشر المعلومات الصحيحة فاتمنى تثبيت الموضوع لتعم الفائدة عن طريق نمو النقاش و ظهور معلومات اخرى اكثر فائدة .